Isaías 53:5 - Qheshwa Biblia DC

⁵ Payqa nanachisqa karqa Diosta mana kasusqanchejrayku. Juchanchejrayku tukuy ukhun t'unasqa karqa. Pay jasut'ita jap'ikusqanrayku sonqo tiyakuyta apamuwarqanchej, chay jina k'irisqa kasqanwantaj jampisqas kanchej.

DIOSPA QHELQACHISQAN DEUTEROCANONICAL

⁵ Chaywanpis pay k'irisqa kanqa noqanchej Tata Diosta mana kasusqanchejmanta, juchanchejraykutaj tukuy ukhun t'unasqa kanqa. Jinapis pay jasut'isqa kasqanrayku sonqo tiyaykuyta apamuwasunchej, ukhun chay jina khallasqa kasqanraykutaj qhaliyachisqa kasunchej.

DIOSPA QHELQACHISQ

⁵ Chaywanpis pay k'irisqa kanqa noqanchej Tata Diosta mana kasusqanchejmanta, juchanchejraykutaj tukuy ukhun t'unasqa kanqa. Jinapis pay jasut'isqa kasqanrayku sonqo tiyaykuyta apamuwasunchej, ukhun chay jina khallasqa kasqanraykutaj qhaliyachisqa kasunchej.

Isaías 53:5 ပူးပေါင်းရင်းမြစ်များ

Génesis 3:15

Qantawan warmitawan chejninachisqaykichej. Jinallataj mirayniykiwan mirayninwampis chejninakonqanku. Miraynin umaykita saronqa, qantaj chaki talonninmanta khaninki.

Job 33:24

paymanta Dios khuyakusqanta willanman, wañuymanta orqhosqanta, payta salvasqanta.

Salmos 30:2

Señor, Diosníy, yanapayniykita mañakorqayki, qantaj thañichiwarqanki.

Proverbios 20:30

Sajra runapajqa jasut'ej nanachisqasnin jampi, concienciantapis chay jasut'ipuni ch'uyachan.

Isaías 40:2

K'acha simiwan Jerusalenmanqa parlaychej. Kamachi kanaykichej p'unchayqa tukukapun, juchasniykichejqa pampachasqaña. Chay juchasniykichejmanta jasut'itaqa uj jinatawanña Señorpa makinmanta jap'inkichej.

Isaías 57:18

Imaynatachus purisqankuta rikuni, chaywampis noqaqa thañichisaj, michisaj, sonqochasaj, paykunata kusichisaj, jinallataj llakiywan waqajkunatapis.

Isaías 6:7

Chaywan simiyman churawaspataj niwarqa: Qhaway, kay ninaqa simiykiman chayan. Kunanqa juchaykeqa qhechusqa, juchaykimanta llimphuchasqataj kanki.

Daniel (hebreo) 9:24

Aylluyki, ajllasqa llajtaykipis, kayta yachachunku: Qanchis chunka semanas pasananku tiyan, Diospa contranta sayariykuna, juchallikuypis tukukunampaj; sajra kajta chinkachinapaj, wiñaypajtaj cheqa kajta churanapaj. Mosqoypi jina rikusqasniyki, profetaspa willasqasninku ima junt'akunankupaj, ajllasqa kajtaj jawisqa kanampaj.

Zacarías 13:7

Tukuy Atiyniyoj Señorqa nillantaj: Oqharikuy, espada, michejpa contrampi, yanapajniypa contrampitaj! Wañuchiy chay michejta ovejasniytaj ch'eqeranqanku, juch'uy kaj corderosninmantaj noqa kutiykukusaj!

San Mateo 20:28

Runaj Churenqa mana sirvichikojchu jamorqa. Astawampis, payqa jamorqa runata sirvej, kausaynintataj qoj; ashkha runa salvasqa kanampaj.

Romanos 4:25

Pay juchasninchejrayku wañunampaj qosqa karqa, kausarimorqataj mana juchachasqas kananchejpaj.

1 Corintios 15:3

Ñaupajta yachacherqaykichej imaynatachus noqapis jap'isqayta; Cristo juchanchejrayku wañusqanta, Escriturasman jina.

2 Corintios 5:21

Cristoqa mana ima juchatapis rejserqachu. Diosrí noqanchejrayku juchayojta ruwarqa, noqanchej Cristowan khuska kaspa, Diospi cheqa allin kausayniyoj kananchejpaj.

Efesios 5:2

Munakuypitaj puriychej, imaynatachus Cristopis munakuwarqanchej ajinata. Pay kikin entregakorqa noqanchejrayku Diosman ofrenda jina, ruphachisqa cordero jinataj k'acha q'apayniyoj.

Deuteronomio 11:2

Qankunaqa kunan kayta waqaychaychej. Mana ari wawasniykichejmanchu nishani, imaraykuchus paykunaqa mana yacharqankuchu Señor Diosniykichejpa yachachisqasninta, nitaj rikorqankuchu jatun kayninta, imastachus jatun atiyninwan ruwasqasninta ima.

Hebreos 10:10

Chay munaynimpi llimphuchasqa kanchej, Jesucristoj cuerpon wiñaypaj uj kutillata qosqa kasqanrayku.

Hebreos 10:14

Payqa uj sapan rikuchikullawan ajllasqasta wiñaypaj allincharqa.

Hebreos 5:8

Diospa Churin kashaspapis ñak'arisqanrayku, kasukuyta yachakorqa.

Hebreos 9:28

Ajinallatataj Cristopis uj kutillata qosqa karqa wañunampaj, ashkha runaspa juchasninkuta apanampaj. Iskay kaj jamuynimpitaj, juchamanta t'aqasqa rikhurimonqa, payta suyajkunaman salvacionta qonampaj.

1 Pedro 3:18

Cristopis juchasrayku uj kutillata ñak'arerqa cheqan mana juchayoj, juchasapasrayku; Diosman pusanawanchejpaj. Cheqamanta aychapi wañorqa, espiritupitaj kausasharqa.