Isaías 53:3 - Qheshwa Biblia DC

³ Runaqa payta qhesacharqanku, qhawarqanku. Payqa imaymana nanayta, ñak'ariyta, llakiyta ima yacharqa. Paymanta uyanchejta pakakorqanchej, payta qhesacharqanchej. Mana paytaqa kasuta ruwarqanchejchu.

DIOSPA QHELQACHISQAN DEUTEROCANONICAL

³ Runakuna payta qhesachanqanku, pisipajtaj qhawanqanku. Payqa imaymana nanaywan ñit'isqa kanqa, jinataj ñak'ariypi, llakiypi ima yachasqa kanqa. Payta wasanchaspa, wajnejta qhawasunchej. Payta qhesachasun manataj munakuywan qhawasunchu.

DIOSPA QHELQACHISQ

³ Runakuna payta qhesachanqanku, pisipajtaj qhawanqanku. Payqa imaymana nanaywan ñit'isqa kanqa, jinataj ñak'ariypi, llakiypi ima yachasqa kanqa. Payta wasanchaspa, wajnejta qhawasunchej. Payta qhesachasun manataj munakuywan qhawasunchu.

Isaías 53:3 ပူးပေါင်းရင်းမြစ်များ

Salmos 69:29

Noqaqa onqosqa, llakisqataj kani. Oqhariway, Diosníy, salvawaytaj.

Salmos 88:4

Wañusqaswan yupasqaña kani, mana kallpayoj runa jina rikhurini.

Isaías 49:7

Israelpa Santo Diosnin, salvaj Señorqa, sinch'i qhesachasqa llajtanman, waj llajtaspa chejnikusqan llajtaman, ñak'arichejkunaj kamachinman, kay jinata nin: Reykuna, kurajkunawan qanta rikususpa, qonqorikuspa Diosta yupaychanqanku, imaraykuchus Israelpa Diosnin noqa Señor, qanta ajllarqayki, imatachus nisqaytataj junt'anipuni.

Isaías 50:6

Seq'owajkunasmampis wasayta qorqani, sunkhayta t'irarichikullarqani, may jinata toreashawajtinkupis, thoqashawajtinkupis manapuni uyaytaqa pakarqanichu.

Isaías 52:14

Qanmantaqa ashkhas mancharikonqanku, runaj rijch'ayninmantaqa mana kasqayki jinachu kanki, uyaykeqa manaña runaj uyanmanchu rijch'akonqa.

Isaías 53:10

Chay tukuywampis, Señorqa ñak'arichiyta munarqa. Pay kikin kausayninta jucharayku rikuchikuta jina jaywaykukorqa. Chayrayku payqa mirayninta rikonqa, unaytataj kausanqa, paynejtataj Señorpa munaynenqa junt'akonqapuni.

Isaías 53:4

Chaywampis, payqa nanayninchejta aparqa, llakiyninchejtawan. Noqanchejtaj yuyarqanchej paytaqa Dios jasut'ispa ñak'arichisqanta mayta k'umuykachachisqantataj.

Miqueas 5:1

Chaywampis kunanqa, Jerusalén wakichikuy jark'akunaykipaj imaraykuchus muyuykusunku may sinch'itata jasut'enqanku Israelpa kurajninta.

Zacarías 11:8

Uj killallapi kinsa michejkunata wijch'orqani, manaña pacienciay paykunapaj kapuwasqanrayku, chejniwasqankuraykutaj.

San Mateo 26:67

Niytawantaj, uyanman thoqaykorqanku, laq'arqanku; wakintaj sajmarqanku, nispa: Ya Cristo, niwayku pichus sajmasusqanta.

San Mateo 27:63

Paymantaj nerqanku: Señor, yuyariyku jaqay ch'auka runa kausashaspallaraj nisqanta: Kinsa p'unchaymanta kausarimusaj.

Marcos 10:33

Nerqataj: Kunanqa Jerusalén llajtaman wicharishanchej, chaypitaj Runaj Churin, kuraj sacerdotespa, leymanta yachachejkunaj makisninman ima urmanqa, paykunataj juchachanqanku wañuchinankupaj, gentilesmantaj jap'ichenqanku.

Marcos 10:34

Chay runasrí, payta asipayanqanku, jasut'enqanku, thoqaykonqanku, wañuchenqankutaj. Kinsa p'unchayninmantaj kausarimponqa.

Marcos 14:34

Paykunamantaj nerqa: Almayqa ancha llakisqa kashan wañuykama. Kaypi suyawaychej ama puñuspa.

Marcos 15:19

Jesuspa umampi soqosowan wajtaspataj thoqaykorqanku, qonqoriykukuspataj payta asipayarqanku.

Marcos 9:12

Jesustaj paykunaman kuticherqa: Cheqamanta, Eliasqa ñaupajta jamuspa, tukuy imata maychus kasqanman churanqa. Manachu Escriturapi nishan Runaj Churin mayta ñak'arinanta, qhesachasqataj kananta?

San Lucas 16:14

Kay tukuyta uyarisharqanku qolqe munapayaj fariseos, asipayarqankutaj.

San Lucas 19:41

Jerusalén llajta qayllaman chayaspataj, Jesusqa rikuytawan Jerusalenmanta waqarqa, nispa: Allin kanman qampis kay p'unchayniykipi unanchanayki, imachus kausayniykipaj allin kasqanta! Jinapis, kunanqa pakasqa kashan ñawisniykimanta.

San Lucas 8:53

Asipayarqankutaj Jesusta, sipas wañusqa kasqanta yachasqankurayku.

San Juan 11:35

Jesustaj waqarqa.

San Juan 8:48

Chaymanta judíos kutichispa nerqanku: Manachu noqaykoqa allinta niyku, samaritano, supayniyojtaj kasqaykita?

Deuteronomio 32:15

Israelitasqa manchayta qhapajyarqanku, kayman jaqaymantaj jayt'arakorqanku, Diospa contrantataj oqharikorqanku. Jinamanta wirayarqanku llusk'apacha kanankukama. Ruwajninku Diostataj qonqaporqanku, qhesacharqankutaj jark'akoj Salvadorninkuta.

Hebreos 4:15

Uj kuraj sacerdote tiyapuwanchej, pichus onqoykunasninchejmanta khuyakuyta atiwanchej. Payqa tukuy imapi tentasqa karqa noqanchej jina; manataj payqa jayk'ajpis juchallikojchu.

Hebreos 5:7

Cristo aychallapiraj kashaspa mañakoj wañuymanta salvayta atejmanta, manchay qhapariywan, waqaywantaj; manchachikuywan qhaparisqanraykutaj uyarichikorqa.