Isaías 52:8 - Qheshwa Biblia DC

⁸ Uyariy, qhawajkunasniykej qhaparisqankuta. Tukuyninku ujllapi kusiymanta qhaparinku, imaraykuchus paykunaqa kikin ñawinkuwan Señorqa Sión llajtaman kutimushajta rikunku.

DIOSPA QHELQACHISQAN DEUTEROCANONICAL

⁸ Llajta qhawajniykikunaj qhaparisqankuta uyariy. Tukuyninku ujllapi kusiymanta qhaparinku, imaraykuchus kikin ñawinkuwan Tata Diosta Sionman kutimushajta rikunku.

DIOSPA QHELQACHISQ

⁸ Llajta qhawajniykikunaj qhaparisqankuta uyariy. Tukuyninku ujllapi kusiymanta qhaparinku, imaraykuchus kikin ñawinkuwan Tata Diosta Sionman kutimushajta rikunku.

Isaías 52:8 ပူးပေါင်းရင်းမြစ်များ

Salmos 102:22

Tukuy runas naciones tantakuspa, Señorta yupaychajtinku.

TAKIYKUNA 3:3

Llajtata qhawaspa muyoj soldados taripawarqanku, paykunatataj tapurikorqani: Manachu sonqoypa munakusqanta rikupuwarqankichej?, nispa.

TAKIYKUNA 5:7

Llajtata qhawaspa muyoj runas taripawaytawan, maqaspa nanaykuchiwarqanku. Perqa patamanta qhawaj soldadostaj mantayta qhechuwarqanku.

Isaías 24:14

Chaykunaqa manchay kusiywan jatunmanta qhaparispa takenqanku, mar qochaj cantosninmantapacha Señorpa jatun kayninmanta.

Isaías 26:1

Chay p'unchaypi kay takiyta Judá jallp'api takenqanku: Kunanqa sumaj jark'achisqa llajta tiyapuwayku; chaypi pakakunaykupaj iskay perqaswan muyuykucherqa.

Isaías 27:2

Chaypacha Señorqa nenqa: Sumaj misk'i kaj uva huertamanta takirikuychej.

Isaías 30:26

Chaypacha, killaj k'anchaynenqa intej k'anchaynin jina kanqa. Inteqa chay k'anchayninmanta qanchis kutitawan jina k'anchanqa, qanchis intispis ujllapi k'anchamushanman jina. Chaypacha Señorqa ayllumpa nanasqasninta jampenqa, mayqenkunatachus payllataj nanaykucherqa.

Isaías 35:10

Ajinata Señorpa salvasqasnenqa kutimponqanku, Sionmanqa may kusisqas yaykuponqanku. Umankupeqa kusiy yuyayllapuni kanqa. Chaypacha may kusiyniyoj kanqanku. Paykunamanta llakiywan, ayqoywan ayqenqa.

Isaías 40:9

Sión, uj alto orqoman wichariy, jatunmanta qhapariy, sumaj willaykunata willanaykipaj. Jerusalén, ama manchachikuspa qhapariy. Judá llajtasman willay: Kaypi Diosniykichej kashan, nispa.

Isaías 48:20

Babiloniamanta llojsiychej, caldeosmanta ayqekuychej; kay imasmantaqa kusiywan willamuychej; jallp'aj tukukuyninkama chayachiychej. Chaypachataj niychej: Señorpuni kacharichin, kamachin Jacobta, nispa.

Isaías 56:10

Qhawajkunasnenqa ciegos kanku, mana imatapis yachankuchu. Paykunaqa kanku alqos jina mana ayñay atej, winkuspa puñuywan mana sajsay atej kanku, puñuy sikis.

Isaías 58:1

Ama samarispa atisqaykita qhapariy, pututu jina qhapariy, Jacobpa miraynin aylluyta juchasninmanta k'amiy.

Isaías 62:6

Jerusalén, perqasniyki patasman qhawajkunata churani. Mana sayk'uspa tuta p'unchay ninkupuni: Señormanta yuyarikojkuna ama sayk'upuychejchu, nispa.

Jeremías 31:12

Jamonqanku, kusiywantaj Sión orqo patapi takenqanku, Señorpa allin kaj imasta apachimusqasninmanta kusikonqanku; trigowan, vinowan, aceitewan, ovejaswan, wakaswan ima, kausayninkoqa sumaj qarpasqa huerta jina kanqa; manataj kallpankuta chinkachenqankuchu.

Jeremías 32:39

Munayniyoj kanankuta ruwasaj yupaychanawankupaj tukuy kausayninkupi, yupaychaj churakunawankupaj paykunaj allinnillankupajtaj, jinataj wawasninkupajpis.

Jeremías 33:11

Kaypi watejmanta uyarikullanqataj, fiestaspi kusiy takiykuna, casarkojkunapaj kusiy takiykuna. Kaypis uyarikullanqataj: Tukuy Atiyniyoj Señorman graciasta qoychej, imaraykuchus Señorqa k'achamin, wiñaypajtaj munakuynenqa. Diosta yupaychana wasimantaj agradecekuna jaywanasta apamonqanku. Arí, noqa kay jallp'aj kausayninta allinyachisaj qallariypi karqa ajina. Noqa Señor chayta nini.

Jeremías 33:7

Judamanta, jinataj Israelmanta wijch'usqa kajkunata kutichimpusaj, watejmantataj jatarichisaj qallariypi jina.

Jeremías 6:17

Señor churaykorqa qhawajkuna soldadosta, ayllunmantaj nerqa: Pututoj waqasqanta allinta uyariychej. Israel ayllutaj niwarqa: Mana kasuta ruwayta munaykuchu, nispa.

Ezequiel 33:7

Runa, noqa qanta churayki Israel aylluta qhawanaykipaj, palabrasniyta qanman qosqayki, qantaj ayllupi kaj runasman willanki, k'amirankitaj.

Sofonías 3:9

Chay p'unchay chayamojtin llimphuchasaj tukuy runaspa parlayninta, tukuyninku noqata qhaparikunawankupaj, tukuy runastaj noqata uj sonqolla sirvinawankupaj.

Zacarías 12:8

Noqa Señor waqaychasaj Jerusalempi tiyakojkunata. Aswan kallpayoj kajkunamanta rey David jina kallpasapasman tukonqanku, Davidpa ayllunmanta kajkunataj Dios jina karenqanku, Señorpa angelnin jinataj paykunaj ñaupaqenkuta renqanku.

Hechos 2:1

Pentecostés nisqa p'unchay chayamojtintaj, tukuy tantasqas uj cheqapi kasharqanku.

Hechos 4:32

Chay chhika creejkuna uj yuyaylla, uj sonqolla karqanku. Mana pipis nejchu kapuynin paypata kasqanta. Manachayqa tukuy imas tukuyninkojta karqa.

1 Corintios 1:10

Hermanos, mañakuykichej Señorninchej Jesucristoj sutimpi, tukuyniykichej uj kajllata parlanaykichejta; amataj qankuna ukhupi t'aqanaku kachunchu, astawanqa allin ujchasqapuni kaychej, uj sonqolla, uj yuyayllataj.

1 Corintios 13:12

Kunanqa rikunchej espejopi jina chharpullata; qhepamantaj uyapura rikunakusunchej maychus kajta. Kunanqa wakillantaraj rejsini, qhepamantaj allinta rejsisaj, imaynatachus Dios noqata rejsiwan ajinata.

Hebreos 13:17

Ñaupajman pusasunkichej chaykunata kasuychej, paykunaj kamachiynimpitaj kaychej; imaraykuchus paykunaqa mana puñuspa almasniykichejta qhawanku, Diosmantaj cuentata qonanku tiyan. Kayqa kusiywan ruwanankupaj, mana llakiywanchu, nitaj rimaspachu; kayqa mana allinchu kanman qankunapaj.

Apocalipsis 18:20

Chaymanta kusikuychej janaj pacha, qankuna ajllasqas, apóstoles, profetaspis. Diosqa qankunarayku payman maychus kajta kutichipun.

Apocalipsis 19:4

Iskay chunka tawayoj kuraj runastaj, chay tawa animalespiwan jallp'aman k'umuykuspa Diosta yupaycharqanku. Paytaj tronompi tiyasqa kasharqa. Nerqankutaj: Amén! Aleluya!