Isaías 52:7 - Qheshwa Biblia DC

⁷ May kusiypuni orqo puntaspi sumaj kusiy willaykunata apamojpa chakisnenqa; sonqo tiyakuyta willajpata, allin kajmanta sumaj willaykunata apamojpata. Jinallataj salvacionta willajpata. Sión llajtamampis Diosniykeqa kamachishan, nejpata.

DIOSPA QHELQACHISQAN DEUTEROCANONICAL

⁷ Pichus orqo patanta jamuspa sumaj willaykunata apamojta rikunaqa may kusiymin. Payqa allin kawsaymanta, qhespichisqa kaymanta ima sumaj willaykunata apamushan, Sionmantaj nin: Diosniykeqa kamachishanña, nispa.

DIOSPA QHELQACHISQ

⁷ Pichus orqo patanta jamuspa sumaj willaykunata apamojta rikunaqa may kusiymin. Payqa allin kawsaymanta, qhespichisqa kaymanta ima sumaj willaykunata apamushan, Sionmantaj nin: Diosniykeqa kamachishanña, nispa.

Isaías 52:7 ပူးပေါင်းရင်းမြစ်များ

Salmos 59:13

Phiñakusqaykiwan paykunata chinkachiy, pampachay. Amaña kausachunkuchu. Yachachunku Dios rey kasqanta, Jacob ayllupi kay pachaj k'uchusninkama.

Salmos 68:11

Señorqa uj palabrata qorqa, ashkha warmistaj mosoj willaykunata willajkuna karqanku.

Salmos 93:1

Señorqa reymin, payqa jatun kayninwan p'achallikun, atiyninwantaj chumpiykukun. Señorqa kay pachata sinch'ita sayacherqa mana kuyunampaj jina.

Salmos 96:10

Diosta mana yupaychaj runasman niychej: Señorqa rey; pay kay pachata sinch'ita sayacherqa, mana kuyunampaj jina. Payqa tukuy runasta kamachin uj rejllatapuni, nispa.

Salmos 97:1

Tukuy jallp'a kusikuchun, mar qocha chaupipipis khurus kusikuchunku. Señorqa reymin!

Salmos 98:2

Señorqa atipananta willarqa, cheqan kaynintataj rikucherqa, tukuy runas rikushajtin.

Salmos 98:3

Payqa Israel ayllunrayku munakuyninta, cheqa kaynintawan mana qonqanchu. Kay pachapi kaj chhika runakuna, Diosninchejpa atipasqanta rikunku.

Salmos 99:1

Señorqa kamachishan; tukuy runas kharkatenqanku, paypa tiyananqa querubinespa patampi kashan, jallp'apis kharkatenqa.

TAKIYKUNA 2:8

Munasqayqa jamushanña; parlamusqanta uyarishaniña. Payqa orqos patasta, jinallataj loma patasninta phinkirispa jamushan.

Isaías 24:23

Jerusalempi Sión orqopi Tukuy Atiyniyoj Señor kamachiyta qallarejtin, intiwan killawan laqhayaykonqanku. Chay llajtamanta kurajkunataj Señorpa atiyninta rikonqanku.

Isaías 33:22

Señorqa cheqanchawajninchej, Señorqa kamachiwajninchej, Señorqa reyninchej. Pay kikinmin salvawasunchej.

Isaías 40:9

Sión, uj alto orqoman wichariy, jatunmanta qhapariy, sumaj willaykunata willanaykipaj. Jerusalén, ama manchachikuspa qhapariy. Judá llajtasman willay: Kaypi Diosniykichej kashan, nispa.

Isaías 41:27

Kay palabrastaqa noqa qallariymantapacha Sionman willarqani, Jerusalenmantaj uj willajta kachamusaj. Payqa sumaj kusikuymanta willanqa.

Isaías 42:11

Ch'in pampas, chaypi kaj llajtas ima jatunmanta takiychej, Cedar jallp'aj ranchosnin ima. Selapi tiyakojkunapis kusiywan takiychej. Tukuy orqo puntasmanta may kusiywan uj sonqo kausayta takirimuychej.

Nahúm 1:15

Qhawaychej, orqos patanejta jamushanña, sonqo tiyasqa kaymanta willayta pichus apamojqa. Fiestasniykita ruwarikuy Judá, junt'ay nisqasniykita. Manaña jayk'ajpis chay sajra runasqa junt'aykamusonqankuchu imaraykuchus tukuyninku chinkachisqasña kanku.

Nahúm 2:1

Nínive chinkachisojqa contraykipiña jamushan, chay sinch'i wasi patasniykiman soldadosniykita churay. Allinta qhawakuy ñanta. Mat'ita espadaykita wataykukuy. Kallpaykita tantaykuy.

Zacarías 9:9

Siompi kaj llajta sinch'ita kusikuy! Jerusalén llajta, takiy kusiywan Reyniyki may justotaj atiyniyojtaj jamusunki, uj llamp'u sonqo jina burropi lloq'asqa. Chay burritoqa, china burroj uñan.

San Mateo 25:34

Chaymantataj Reyqa, pañampi kajkunaman nenqa: Jamuychej Tataypa ajllasqasnin, jap'ikapuychej qankunapaj qallariymantapacha wakichisqa reinota.

San Mateo 28:18

Jesustaj qayllaykuspa, paykunata parlapayarqa: Noqa tukuy atiyniyoj kani, janaj pachapi, kay pachapipis.

Marcos 13:10

Evangelioqa ñaupajta tukuy llajtaspi willakunan tiyan.

Marcos 16:15

Jesustaj nerqa: Riychej tukuy mundoman, evangeliota willamuychej tukuy runasman.

San Lucas 2:10

Angeltaj paykunaman nerqa: Ama manchachikuychejchu. Willasqaykichej tukuy runaspaj may kusiyniyoj willanasta.

San Lucas 24:47

Sutimpitaj willakunan tiyan Diosman kutirinamanta; juchas pampachasqas kanankuta tukuynejpi, Jerusalenmanta qallarispa.

Efesios 6:15

Chakisniykichejmampis ujut'asta churakuychej, sonqo tiyachej evangeliota willanaykichejpaj.

Apocalipsis 11:15

Qanchis kaj angeltaj trompetata waqacherqa. Janaj pachapitaj sinch'i parlaykuna uyarikorqa, nispa: Kay pachapi reinosqa Señorninchejpataña kanku, Cristompatawan. Paytaj wiñay wiñaypaj kamachenqa.

Apocalipsis 14:6

Waj angeltataj janaj pachaj chaupinta phawajta rikorqani, wiñay evangelio jap'ishajta; kay pachapi tiyakojkunaman, tukuy llajtasman, ayllusman, waj parlayniyojkunaman, tukuy runasman ima willanampaj.