Isaías 52:1 - Qheshwa Biblia DC

¹ Sión llajta, rijch'ariy, rijch'arikuy, atiywan p'achallikuy; ajllasqa Jerusalén llajta, sumaj k'acha p'achaykita churakullayña; imaraykuchus mana circuncidasqa millay sajra ch'ichi runasqa manaña jayk'ajpis yaykumusonqankuchu.

DIOSPA QHELQACHISQAN DEUTEROCANONICAL

¹ Sión llajta, rijch'ariy, rijch'arikuy, kallpachakuytaj. Diospa ajllakusqan Jerusalén llajta, sumaj k'achitu p'achaykita churakullayña, imaraykuchus millayta ruwajkuna, Tata Diosta mana manchachikojkuna ima punkuykinejta manaña yaykumusonqankuchu.

DIOSPA QHELQACHISQ

¹ Sión llajta, rijch'ariy, rijch'arikuy, kallpachakuytaj. Diospa ajllakusqan Jerusalén llajta, sumaj k'achitu p'achaykita churakullayña, imaraykuchus millayta ruwajkuna, Tata Diosta mana manchachikojkuna ima punkuykinejta manaña yaykumusonqankuchu.

Isaías 52:1 ပူးပေါင်းရင်းမြစ်များ

1 Crónicas 16:29

Señorman qoychej sutinman tukuy jatunchayta qona kajta, ñaupaqenman jaywanaykichej kajwan chimpaykuychej. Señorpa ñaupaqempi qonqorikuychej k'acha llimphu wasimpi.

Nehemías 11:1

Chay nacionmanta Jerusalén llajtapi kamachejkunaqa chaypi tiyakorqanku. Ayllumanta puchojtaj suerteta choqarqanku chunka familiasmanta ujnenqa Jerusalén llajtapi tiyakapunankupaj chay llimphupaj qhawasqa llajtapi. Chay isq'on kaj puchojkunari chay waj llajtitaspi tiyakapunanku karqa.

Salmos 110:3

Atipasqayki llajtapi, aylluyki qanman jaywaykusonqa, santo orqos patapi. Sut'iyay chhulla jina, wayna kayniyki mosojchakun sapa p'unchay.

Éxodo 28:2

Wauqeyki Aarompaj sacerdote p'achasninta ruwapuy, k'achata sumajtataj qhawasqa kanampaj.

Éxodo 28:40

Aarompa wawasnimpaj ruwarapunki sumaj p'achasta, chumpista ch'ulustawan, paykuna sumajpaj, k'achaspajtaj qhawasqas kanankupaj.

Isaías 1:21

Sumajta purej llajta, imaraykutaj qhencha warmiman rijch'akunkiri? Ñaupajtaqa tukuy runasniyki allinta ruwaj kanku, cheqantataj kausaj kanku; kunanrí mana jinachu kanku, astawampis runa wañuchis kanku.

Isaías 1:26

Watejmanta juecesniykeqa ñaupajta jina kanqanku, umallichisojkunapis qallariypi jina kanqanku. Chaymantataj nisonqanku: Cheqan kayniyoj llajta, Señorninman may k'asqasqa llajta, nispa.

Isaías 26:2

Punkusta kichariychej chayninta cheqan runas yaykunampaj, imaraykuchus paykunaqa cheqan sonqoyoj kanku.

Isaías 35:8

Chaypi kanqa uj sumaj ñan, sutintaj kanqa Santo ñan. Chayta juchayoj runaqa manapuni renqachu, nitaj ima wampu runapis chay ñantaqa pantanqachu.

Isaías 4:3

Pikunachus Siompi qhepakojkuna, chantá Jerusalempi saqesqas kajkunapis, Diospa ajllasqas sutichasqas kanqanku, imaraykuchus Señormin Jerusalempi kausanankupaj sutisninkuta qelqarqa.

Isaías 48:2

Diospa llajtanmanta kayku ninkichej, Israelpa Diosninman atienekuyku nispa. Chay Diospa sutenqa Tukuy Atiyniyoj Señormin.

Isaías 49:18

Umaykita oqharispa muyuyniykita qhawariy; runasniyki tukuynejmanta tantaykukuspa jamusunku. Señorqa nin: Noqa kausayniyrayku nini. Chay tukuyninkuwan qanqa novia p'achaswan jina sumajta p'achallikunki, chaykunawantaj sumaj k'achanchasqa kanki.

Isaías 51:17

Jerusalén, rijch'ariy, rijch'arikuy, sayarikuy; qanqa Señorpa k'ajaj phiñakuyninta kikin makinmanta jap'ispa ujyarqanki. Qanqa machachej Señorpa phiñakuynin copamanta, qhonchuntinta ujyaykorqanki.

Isaías 51:9

Señorpa makin, rijch'ariy, rijch'ariy ari atiyniykiwan, imaynatachus unay ruwaj kanki jinata rijch'ariy, ñaupa tiempospi jina. Qan Rahabta t'unarparerqanki, chay mar qochapi sierpeta.

Isaías 60:1

Sayarikuy, lliphipiy, imaraykuchus k'anchayniykeqa llojsimunña, Señorpa k'anchaynenqa qanman chayamusunkiña.

Isaías 60:21

Llajtaykipi runasqa tukuy imata cheqantapuni ruwanqanku; jallp'ata chayaqenkupaj wiñaypaj jap'ikonqanku, ajinamanta makisniywan ruwasqasniy ch'illchimojkuna noqata yupaychanawankupaj.

Isaías 61:10

Noqaqa Señorniypi mayta kusikusaj, almaypis mayta Diosniypi kusikonqa, imaraykuchus payqa salvación p'achawan p'achallichiwan, justiciawan qhataykuwan, uj casarakoj runata jina, casarakoj warmita jinataj faluchosninwan sumaj k'achan ch'asqata.

Isaías 61:3

Chantá Siompi llakisqa kajkunata kamachinaykupaj, ushphawan pejtusqa kanankutaqa pilluta qosaj Señorta yupaychanankupaj, llakiy p'achawan kanankutaqa, kusiywan p'achallisqa kanankuta; kusisqaslla kanankuta, llakisqas kanankumantaqa. Paykunaqa cheqanchaj sach'as sutichasqas kanqanku. Diospa plantasqasnin, kusikunampaj, nisqas.

Isaías 64:10

Ajllakusqayki llajtasqa chay jina ch'impacha. Sión llajtaqa ch'impacha, Jerusalempis raqaykunalla kashan.

Jeremías 31:23

Israelpa Tukuy Atiyniyoj Señor Diosnin kayta nin: Maypachachus Judaman runasta kutichimojtiy, ujtawan paykuna jallp'ankupi rikhurejtinku, jinallataj llajtankupipis chaypacha nenqanku: Señor bendicichun kay llimphu orqota maypichus cheqa kaj tiyakun chayta.

Ezequiel 44:9

Señorqa kay jinata nin: Mayqen waj llajtayoj runa sonqompi, aychampipis mana circuncidasqa runaqa wasiyman mana yaykonqachu, nillataj Israel ayllu ukhupi kashanku chay waj llajtayoj runaspis.

Daniel (hebreo) 10:9

Parlajta uyarispataj mana yuyayniyoj urmarqani, pampakamataj uyamanta k'umpukorqani.

Joel 3:17

Chaypachamá qankuna yachankichej, noqa Señor Diosniykichej, tiyakusqayta noqaj t'aqasqa Sión orqopi. Jerusalemtaj noqapaj t'aqasqa llajta kanqa. Manataj jayk'ajpis waj llajtayojkuna atipanqankuchu.

Nahúm 1:15

Qhawaychej, orqos patanejta jamushanña, sonqo tiyasqa kaymanta willayta pichus apamojqa. Fiestasniykita ruwarikuy Judá, junt'ay nisqasniykita. Manaña jayk'ajpis chay sajra runasqa junt'aykamusonqankuchu imaraykuchus tukuyninku chinkachisqasña kanku.

Hageo 2:4

Kallpachakuy, Zorobabel! Jinallataj, qampis kuraj sacerdote Josué, kallpachakuy! Tukuy runakuna, qankunapis kallpachakullaychejtaj. Llank'aychej, noqa qankunawan kashani. Noqa, Tukuy Atiyniyoj Señorqa cheqamanta niykichej.

Zacarías 3:4

Chaypacha angelqa yanapajkunasninta kamacherqa Josuéj ch'ichi p'achasninta lluch'unankuta. Chantá nerqataj: Kayqa niyta munan juchasniykita qhechusqayta. Kunantaj kamachisaj k'acha mosoj p'achawanñataj p'achallichinasunkuta.

San Mateo 4:5

Chaymanta, supayqa Jerusalén llajtamanñataj Jesusta pusarqa, temploj torrempitaj rikhuricherqa.

San Lucas 15:22

Chantá tatanqa runasninta kamacherqa: Kunampacha orqhomuychej aswan sumaj p'achata, p'achallichiychejtaj. Anillotapis makisninman churaychej, zapatostataj chakisninman.

Romanos 13:14

Astawanqa Señor Jesucristomanta p'achallikuychej; amataj aychaj munayninta ruwaychejchu.

Romanos 3:22

Diosqa cheqan kayninta rikuchenqa fenejta Jesucristopi, tukuy paypi creejkunapaj. Paykunaqa uj rejlla kanku.

Efesios 4:24

Chay mosoj runamanta p'achawan jina p'achallikuychej; mayqenchus Diosman jina ruwasqa karqa, cheqan kaypi, llimphu kaypi, cheqa kaypitaj.

Efesios 5:14

Ninkumin: Puñuyniykimanta rijch'ariy, sayariytaj wañusqakunamanta, Cristotaj k'anchaykusonqa, nispa.

Efesios 6:10

Chayrayku, kallpachakuychej Señorpi, atiynimpa kallpampi.

Apocalipsis 11:2

Temploj jawampi kaj patiota saqellay. Ama midinkichu; imaraykuchus gentilesman qosqa kashan, pikunachus ajllasqa llajtata, tawa chunka iskayniyoj killata saronqanku.

Apocalipsis 19:14

Janaj pachapi yupa soldadostaj sumaj awasqa, yuraj llimphu linowan p'achallisqas, payta yuraj caballospi qhatikusharqanku.

Apocalipsis 19:8

Chay warmimantaj Dios atiyta qorqa, sumaj awasqa ch'uwa lliphipej linowan p'achallikunampaj. Sumaj awasqa linoqa niyta munan ajllasqaspa allin ruwasqasninku.

Apocalipsis 21:2

Noqa Juanqa ajllasqa llimphu llajtata rikorqani, mosoj Jerusalenta, janaj pachamanta uraykamushajta, Diosmanta novia jina wakichisqata, qosampaj k'achanchasqatataj.

Apocalipsis 21:27

Chaymanqa mana ima ch'ichi kajpis yaykonqachu, nitaj millayta ruwajkuna, chayrí llullakojkunapis. Manachayqa Corderoj kausay librompi escribisqa kajkunalla yaykonqanku.