Isaías 51:9 - Qheshwa Biblia DC

⁹ Señorpa makin, rijch'ariy, rijch'ariy ari atiyniykiwan, imaynatachus unay ruwaj kanki jinata rijch'ariy, ñaupa tiempospi jina. Qan Rahabta t'unarparerqanki, chay mar qochapi sierpeta.

DIOSPA QHELQACHISQAN DEUTEROCANONICAL

⁹ Rijch'ariy, Tata Dios, rijch'ariy, atiyniykiwan kacharichiwayku, imaynatachus unay ruwaj kanki, ajinata. Imaynatachus ñawpa tataykukunaj tiemponpi ruwarqanki, ajinata ruway. Qanqa Rajabta chhikan chhikanta t'isarparerqanki, mama qochapi tiyaj sierpetataj t'unarparerqanki.

DIOSPA QHELQACHISQ

⁹ Rijch'ariy, Tata Dios, rijch'ariy, atiyniykiwan kacharichiwayku, imaynatachus unay ruwaj kanki, ajinata. Imaynatachus ñawpa tataykukunaj tiemponpi ruwarqanki, ajinata ruway. Qanqa Rajabta chhikan chhikanta t'isarparerqanki, mama qochapi tiyaj sierpetataj t'unarparerqanki.

Isaías 51:9 ပူးပေါင်းရင်းမြစ်များ

Job 26:12

Payqa mar qochata atiyninwan kuyuchin, mar qochapi manchachikuna Rahabta yachayninwan atipan.

Job 9:13

Diospa phiñakuynenqa mana usqhayta tiyaykuyta atinchu; chakisnin urapi k'umuykachanku pikunachus machu machusta yanapajkunaqa.

Salmos 21:13

Jatarikuy atiyniykiwan, Señor, takisqayku qampa atipasqaykita.

Salmos 44:1

Diosníy, ningrisniykuwan uyariyku, tatasniyoj siminkumanta, unay watas paykuna kausashajtinku ruwasqasniykimanta.

Salmos 44:2

Makillaykiwantaj wijch'orqanki, mana qampi yuyaj runasta. Nacionesta ñak'aricherqanki, tatasniykutataj chayman tiyacherqanki.

Salmos 44:23

Rijch'ariy ari; imaraykutaj puñullanki Señor? Rijch'ariy ari. Ama wiñaypajqa karunchakuwaykuchu.

Salmos 44:24

Imaraykutaj pakakuwayku? Qonqapunkitaj llakiyniykumanta, chhikatapuni ñak'arisqaykumantawanri?

Salmos 59:4

Señor, mana noqa contraykipi oqharikorqanichu, nitaj juchallikorqanichu. Mana ima sajratapis ruwanichu. Chaywampis maqanawankupaj wakichikunku. Rijch'ariy ari, jamuytaj yanapariwaj, qhawaytaj.

Salmos 7:6

Sayariy, Señor, phiñakuyniykipi; oqharikuy llakichiwajkunaj phiñakuyninkoj contrampi. Tukuy enemigosniypa ñaupaqempi oqharikuy. Qan justiciata churarqanki; chayrayku kutikuway.

Salmos 77:5

Ñaupa p'unchaykunamanta, watasmanta yuyarikuni.

Salmos 78:65

Mosqoymanta jinataj Señorqa rijch'arerqa, sumajta maqanakoj runa vinowan machaykusqanmanta, yuyayninman kutirispa qhawarin jinata.

Salmos 87:4

Rejsiwaj llajtamanta sutisninta oqhariyman: Egiptota, Babiloniata, Filisteata, Tirota, Etiopiatawan, tukuy chaykuna qanmanta llojserqanku.

Salmos 89:10

Mar qochapi jatun sierpeta ñat'orqanki uj ayata jina. Enemigosniykitataj makiykej kallpanwan ch'eqeracherqanki.

Salmos 89:11

Cielopis jallp'apis qampata kanku. Qan kay pachata ruwarqanki, tukuy ima chaypi kajtapis.

Salmos 93:1

Señorqa reymin, payqa jatun kayninwan p'achallikun, atiyninwantaj chumpiykukun. Señorqa kay pachata sinch'ita sayacherqa mana kuyunampaj jina.

Éxodo 6:6

Chayrayku nimuy israelitasman: Noqa Señormin, orqhosqaykichej chay jina ñak'arispa egipciospaj llank'anaykichejmanta, chay jina sinch'i kamachi ruway mana atinamanta. Noqa atiyniyta rikuchisaj. Ashkha muchuy mana atinasta rikuchispa kacharichisqaykichej sumaj cheqanta ruwaspa.

Isaías 27:1

Chay p'unchaypi Señorqa, manchay atiyniyoj espadanwan manchayta phawaj Leviatán katarita jasut'enqa, manchayta ch'aukiyaj Leviatán katarita. Chantá mar qochapi kashaj dragontapis wañuchenqa.

Isaías 30:7

Cheqamanta Egiptoj yanapaynenqa qhasi mana kaj. Chayrayku noqaqa chay llajtata sutichani: Mana kaj millay khuru, nispa.

Isaías 51:17

Jerusalén, rijch'ariy, rijch'arikuy, sayarikuy; qanqa Señorpa k'ajaj phiñakuyninta kikin makinmanta jap'ispa ujyarqanki. Qanqa machachej Señorpa phiñakuynin copamanta, qhonchuntinta ujyaykorqanki.

Isaías 51:5

Qayllallapiña kashan cheqanchayneyqa, salvacionneyqa llojsimunña, runastaqa atiyniywan kamachisaj. Mar qocha cantospi kajkunaqa noqapi suyanku, atiyniypitaj suyanku.

Isaías 52:1

Sión llajta, rijch'ariy, rijch'arikuy, atiywan p'achallikuy; ajllasqa Jerusalén llajta, sumaj k'acha p'achaykita churakullayña; imaraykuchus mana circuncidasqa millay sajra ch'ichi runasqa manaña jayk'ajpis yaykumusonqankuchu.

Isaías 52:10

Señor atiyninta rikuchin tukuy nacionespa ñaupaqempi. Tukuy kay pachapi yachanqanku Diosninchejpuni salvawasqanchejta.

Isaías 53:1

Mana pipis creenchu kay willasqaykutaqa; manallataj pipis Señorpa atiynintaqa repararqachu.

Isaías 62:8

Señorqa paña makimpa atiyninwan juraspa nerqa: Mana jayk'ajpis enemigosniykiman trigoykitaqa mikhuchisajchu, manataj waj runaspis llank'asqayki vinotaqa ujyanqankuchu.

Ezequiel 29:3

Kunanqa kay jinata parlay: Señorqa kay jinata nin: Egipto llajtapi kamachej faraón, sierpe, mayusniyki chaupipi winkhuraj, nishankitaj: Nilo mayoqa noqajta, noqa ruwarqani, nispa. chayrayku noqaqa contraykipi sayarini.

Miqueas 7:15

May t'ukuna imasta rikuchiy Egiptomanta orqhomushaspa rikucherqanki ajinata.

Habacuc 2:19

Ay!, qanmanta, imaraykuchus k'aspimanta lantista rijch'ariy ninkichej, mana parlaj rumistataj sayarikuy ninkichej. Chaykunaqa imamantapis willaykuyta atiwasunmanchu? Mana, imaraykuchus mana kausayniyojchu kanku qoriwan chayri qolqewan qhatasqas kaspapis.

Habacuc 3:13

Qan llojsimunki aylluykita yanapaj, chantá qan kikiykej ajllasqayki reyta. Juchasapaj wasimpa techontataj qan phirerqanki, cimiento rumisnintataj chhankankama thuñiykorqanki.

Zacarías 10:11

Egipto mar qochata pasanqanku, oladasnin kajtapis maqaspa ch'inyachisaj. Nilo mayutapis ukhusninkama ch'akichisaj, Asiriaj may runaykachasqantapis chinkachisaj, Egiptoj atiynintapis tukuchisaj.

Zacarías 2:13

Tukuy kay pachapi kajkuna ch'inyarichunku Señorpa ñaupaqempi, imaraykuchus Payqa jamun noqanchejman santo cheqamanta, maypichus tiyakun chaymanta.

San Lucas 1:51

Makinwantaj atiyninta rikucherqa; ch'eqeracherqataj tukuy jatunchakojkunata sonqonkupi yuyayninkupi ima.

Hechos 7:7

Diosqa nerqa: Chay ñak'arichej llajtataqa noqa juzgasaj. Qhepamantaj chay mirayniykeqa, chay llajtamanta llojsimuspa, kay jallp'api yupaychawanqanku.

Deuteronomio 4:34

Karqachu ima diosllapis uj nacionta tukuy nacionespa chaupinmanta ajllakojqa, imaynatachus qankunawan ruwarqa Señor Diosniykichej Egiptopi ajinata qankunaj ñaupaqeykichejpi, milagroswan, guerraswan ima, jatun atiyninta pruebaswan, señaleswan rikuchispa, manchachispataj?

Apocalipsis 11:17

Nerqankutaj: Qanman graciasta qoyku, Señor Dios Tukuy Atiyniyoj. Qan kanki, karqankitaj. Atiyniykita jap'erqanki, kamachishankiñataj.

Apocalipsis 12:9

Jawamantaj chay jatun sierpeta wijch'orqanku, chay unay ñaupa katarita, pichus sutichasqa Supay, Satanastaj. Payqa llullakuspa mundontinta pantachin. Payta angelesnintawan jallp'aman wijch'umorqanku.

Jueces 6:13

Gedeontaj kuticherqa: Ay Señor, noqaykuwanchus Señor kanman chayqa, imaraykutaj kay tukuy imas qhatirishawaykuri? Maytaj chay t'ukuna imasta Egiptomanta orqhomushaspa Señor ruwasqasninmanta ñaupa tatasniyku willawasqasniykuri? Señorqa qonqarparipuwayku, madianitaspa kamachiyninmantaj jaywaykuwayku.