Isaías 51:12 - Qheshwa Biblia DC

¹² Noqa, noqamin kani sonqochajniykeqa. Pitaj qan kanki runata manchachikunaykipajri? Qhora jina wañoj chay runatachu manchachikunki?

DIOSPA QHELQACHISQAN DEUTEROCANONICAL

¹² Noqamin sonqochasojniyki kani. Imaraykutaj runakunata manchachikunkiri? Qhora jinalla wañoj, chay runatachu manchachikunki?

DIOSPA QHELQACHISQ

¹² Noqamin sonqochasojniyki kani. Imaraykutaj runakunata manchachikunkiri? Qhora jinalla wañoj, chay runatachu manchachikunki?

Isaías 51:12 ပူးပေါင်းရင်းမြစ်များ

2 Reyes 1:15

Chanta Señorpa angelnin Eliasman nerqa: Paywan uraykullay, ama manchachikuychu. Eliastaj jatariytawan reypaman paywan khuska uraykorqa.

Salmos 118:6

Señor noqawan kashan; mana manchachikunichu. Ima niwanqataj runari?

Salmos 146:4

Samaynin tukukun, jallp'amantaj tukunku, chay pachataj tukuy yuyasqanku chinkapun.

Salmos 92:7

Sajra runasqa qhora jina wiñanku. Tukuy sajrata ruwajkunataj t'ika jina phancharinku, ruthuspa, wiñaypaj chinkarisqas kanallankupaj.

Proverbios 29:26

Ashkhas mask'anku kamachejpa khuyakuyninta; chaywampis Señorlla sapa ujman justiciata ruwan.

Isaías 12:2

Diosmin salvawajneyqa; payman noqaqa atienekuni, manañataj manchachikusajchu. Señormin pakakunayqa kallpaytaj. Paylla noqataqa salvawan.

Isaías 2:22

Ama runamanta dakuychejchu. Payqa senqaj samaynillan. Imapajtaj pay allin kasqari?

Isaías 40:1

Qankunaj Diosniykichejqa nin: Sonqochakuychej, sonqochakuychej, israelitasníy.

Isaías 43:25

Noqarí, noqa kikiyta munakusqayrayku chay millay juchaykichejta pichani. Chay juchasniykichejmantaqa manaña yuyarikusajchu.

Isaías 49:13

Janaj pacha kusiywan takiy ari; jallp'a mayta kusikuy. Qankunapis, orqos, kusiywan qhapariychej: Señorqa ayllunta sonqochan; llakisqa llajtanmanta khuyakun.

Isaías 51:3

Cheqamanta Sión llajtataqa sonqochasaj, jinallataj ch'in raqaykunasmanta. Ch'aki ch'in jallp'asninta qhallallarichisaj, imaynatachus Señorqa Edén huertata qhallallaricherqa ajinata. Chaypeqa may kusikuy, Diosta yupaychaspa, takiykuna ima kanqa.

Isaías 52:9

Jerusalén raqaykuna, kunanqa jatunmanta may kusiywan qhapariychej; imaraykuchus Señorqa ayllunta sonqochan, Jerusalenta kacharichin.

Isaías 57:11

Pimantataj qanqa mancharikunki, pitataj manchachikorqanki, ajinata llullakunaykipaj, noqamantataj mana yuyarikunaykipaj, nitaj noqapi yuyanaykipaj? Noqa unayta ch'inlla kajtiychu, qanqa mana manchachikuwarqanki?

Isaías 61:2

Señorpa allin watanta willanaypaj, Señor Diosninchej enemigosninman aynita kutichinanta, tukuy llakisqasta sonqochanaypajtaj.

Isaías 66:13

Imaynatachus mamaqa wawanta kusichin, ajinallatataj noqapis qankunataqa kusichisqaykichej; chay kusiytaqa Jerusalempi tarinkichej.

Jeremías 38:19

Sedequías kuticherqa: Caldeospaman chimpapunku chay judiosta manchachikuni. Paykunaj makinkuman urmayman chayqa, ñak'arichiwankuman.

Jeremías 41:18

Caldeosmanta ayqekunankurayku, imaraykuchus manchachikusharqanku Ismael Gedaliasta wañuchisqanmanta, pitachus Babiloniamanta reyqa chay jallp'amanta uj kamachej kanampaj churasqa.

Ezequiel 2:6

Qanqa runa, paykunamanta ama manchachikuychu imata nisojtinkupis, khishkas chaupipi jina tarikuspapis; chayri atoj atoj chaupipi jina kashaspapis. Amapuni paykunaj parlasqankumanta manchachikuychu, amataj kharkaychu paykunaj ñaupaqenkupi, imaraykuchus contraypi oqharikoj ayllumin.

San Mateo 10:28

Ama manchachikuychejchu cuerpota wañuchejkunata, imaraykuchus almataqa mana wañuchiyta atinkuchu. Astawanqa, pichus cuerpota, almatapis infiernoman wijch'uykuyta atin, chayta manchachikuychej.

San Juan 14:18

Mana sapaykichejtachu saqesqaykichej; qankunaman jamusajpuni.

Hechos 9:31

Ajinamanta iglesiaqa sonqo tiyasqalla kasharqa tukuy Judeapi, Galileapi, Samariapi ima. Creejkunataj kallpachakuspa yapakusharqanku, Señorta kasuspataj purisharqanku. Santo Espiritutaj paykunata yanaparqa sonqochaspa.

1 Pedro 1:24

Escrituraqa nin: Runaqa qhora jina; tukuy sumaj kausaynintaj qhora t'ika jina. Qhoraqa ch'akipun, t'ikataj t'akakun.

1 Samuel 15:24

Chaypacha Saulqa Samuelman nerqa: Arí juchallini, Señorpa kamachisqasninta, niwasqaykitawan mana kasuta ruwaspa. Chaytaqa ruwarqani runasta manchachikuspa, imatachus mañawasqankuta uyarinayrayku.

1 Samuel 17:11

Chay filisteoj nisqasninta uyarispa Saulqa, tukuy israelitaspis iskayrayarqanku, sinch'itataj mancharikorqanku.

1 Samuel 21:13

Chayrayku ñaupaqenkupi maychus kananmanta uj jinaman tukorqa. Loco locoman tukuspataj punkuspi qelqaraj churakorqa, llausasnintataj sunkhasnin chaynejta surucherqa.