Isaías 51:11 - Qheshwa Biblia DC

¹¹ Cheqamanta Señorpa orqhomusqasnenqa kutimonqanku, may kusiywan takirispa Sión llajtaman chayamonqanku; kusiyllapipuni kanqanku. Paykunaqa kusikonqanku. Nanaywan, waqaywantaj chinkaponqanku.

DIOSPA QHELQACHISQAN DEUTEROCANONICAL

¹¹ Pikunatachus Tata Dios pagota qospa kacharicherqa, chaykuna kutimponqankupuni. May kusiywan takirispa, Sión llajtaman yaykonqanku, chaypitaj wiñaypaj kusisqa tiyakonqanku. Paykunaqa kusisqallapuni kanqanku, nanaywan, waqaywantajrí chinkaponqa.

DIOSPA QHELQACHISQ

¹¹ Pikunatachus Tata Dios pagota qospa kacharicherqa, chaykuna kutimponqankupuni. May kusiywan takirispa, Sión llajtaman yaykonqanku, chaypitaj wiñaypaj kusisqa tiyakonqanku. Paykunaqa kusisqallapuni kanqanku, nanaywan, waqaywantajrí chinkaponqa.

Isaías 51:11 ပူးပေါင်းရင်းမြစ်များ

Salmos 126:2

Chaypacha simiykoqa jatunmanta asikorqa, kusiywantaj jatunmanta takerqayku. Chaypacha Diospi mana creejkuna nerqanku: Señorqa paykunapaj jatuchaj imasta ruwarqa, nispa.

Salmos 126:5

Waqaspa tarpojkunaqa, kusiywan cosechata oqharenqanku.

Isaías 11:15

Señorqa puka mar qochata ch'akichenqa, manchay atiyninwan makinta oqharenqa Eufrates mayunejman, uj sinch'i wayrata wayrachimuspataj chay mayuta qanchis mayusman t'aqarparenqa, chay jinamanta ujut'asnillankuwanña chimpanankupaj.

Isaías 25:8

Señorqa wañuyta wiñaypaj chinkachenqa; tukuypaj waqayninta Señorqa pichanqa; ayllumpa mana allimpaj qhawasqa kayninkutataj tukuy jallp'amanta chinkachenqa. Ajinata Señorqa nin.

Isaías 35:10

Ajinata Señorpa salvasqasnenqa kutimponqanku, Sionmanqa may kusisqas yaykuponqanku. Umankupeqa kusiy yuyayllapuni kanqa. Chaypacha may kusiyniyoj kanqanku. Paykunamanta llakiywan, ayqoywan ayqenqa.

Isaías 44:23

Janaj pachaqa, kusiywan takiy, imaraykuchus kaytaqa Señor ruwan. Jallp'aj ukhusnin kusiywan qhapariychej. Qankuna orqos, montes, chaypi kaj tukuy sach'as ima kusikuywan takiychej. Señorqa atiyninta rikucherqa Jacobpa ayllun israelitasta salvaspa.

Isaías 48:20

Babiloniamanta llojsiychej, caldeosmanta ayqekuychej; kay imasmantaqa kusiywan willamuychej; jallp'aj tukukuyninkama chayachiychej. Chaypachataj niychej: Señorpuni kacharichin, kamachin Jacobta, nispa.

Isaías 49:13

Janaj pacha kusiywan takiy ari; jallp'a mayta kusikuy. Qankunapis, orqos, kusiywan qhapariychej: Señorqa ayllunta sonqochan; llakisqa llajtanmanta khuyakun.

Isaías 55:12

Qankunaqa kusisqas jaqaymanta llojsimunkichej, sonqo junt'asqastaj kutimunkichej. Orqoswan, lomaswanqa qankunaj ñaupaqeykichejpi maytapuni takirenqanku. Tukuy campopi sach'aspis mayta t'ajllarikonqanku.

Isaías 61:7

Chay jina p'enqaypi kasqaykichejmanta, chay jina chejnisqa mana allimpaj qhawasqa kasqaykichejmanta, may jina allimpaj qhawasqas kankichej, wiñaypaj kusikuyniyojtaj,

Isaías 65:14

Kamachisneyqa tukuy sonqowan sumajta takirikonqanku, qankunataj sonqo nanayta mana piniyoj jina mayta llakiywan waqankichej.

Isaías 65:19

Chaypacha Jerusalenwan kusikusaj, chanta ayllusniywan ima. Chay llajtapeqa manaña jayk'ajpis waqajkunata uyarenqankuchu, manataj llakiywan qhaparejtapis.

Jeremías 31:13

Chaypacha sipaskunaqa kusikuywan tusurenqanku, jinallataj waynakunapis, unayniyoj runakunapis. Noqa paykunata sonqochaykusaj: Waqayninkutaqa kusiyman tukuchisaj. Noqataj kusiyninkuta qopusaj nanayninkumanta aswan ashkhata.

Jeremías 33:11

Kaypi watejmanta uyarikullanqataj, fiestaspi kusiy takiykuna, casarkojkunapaj kusiy takiykuna. Kaypis uyarikullanqataj: Tukuy Atiyniyoj Señorman graciasta qoychej, imaraykuchus Señorqa k'achamin, wiñaypajtaj munakuynenqa. Diosta yupaychana wasimantaj agradecekuna jaywanasta apamonqanku. Arí, noqa kay jallp'aj kausayninta allinyachisaj qallariypi karqa ajina. Noqa Señor chayta nini.

2 Tesalonicenses 2:16

Kikin Señorninchej Jesucristo, Dios Tatanchej ima munakuwarqanchej, qhasimanta qowarqanchej wiñay kusiyta, sumaj suyaytawan khuyakuyninrayku.

Judas 1:24

Kunanqa yupaychay kachun atiyniyojman, pichus pay k'atalla atin mana juchayojta qankunata waqaychayta; ajinallatataj atin qankunata janaj pacha k'anchayninman mana juchayojta, may kusiywan pusayta.

Apocalipsis 21:1

Uj mosoj janaj pachata, uj mosoj jallp'atawan rikorqani. Ñaupaj kaj janaj pachaqa, ñaupaj kaj jallp'apis chinkarerqankuña, mar qochapis manaña karqachu.

Apocalipsis 21:4

Diostaj tukuy waqayta ñawisninkumanta pichanqa. Manañataj wañuy kanqanchu, nitaj waqaypis, nitaj qhapariypis, nitaj nanaypis. Ñaupa kaj imasqa manaña kanqañachu.

Apocalipsis 22:3

Manañataj astawan ima maldiciompis kanqañachu; Diospa tronontaj Corderojpatawan chaypi kanqa; kamachisnintaj payta kasonqanku.

Apocalipsis 7:17

Trono chaupipi kashaj Corderoqa paykunata michenqa, kausaj yaku pujyusninmantaj pusanqa. Diostaj paykunaj ñawisninkumanta tukuy waqayta pichanqa.