Isaías 5:6 - Qheshwa Biblia DC

⁶ Ch'impachata ruwasaj. Manaña puntasninta k'utonqankuchu, nitaj qhoranqankuchu. Khishkalla junt'aykonqa waj qhoraspiwan. Phuyusman nisaj amaña chaynejman paramunanta.

DIOSPA QHELQACHISQAN DEUTEROCANONICAL

⁶ Ch'in t'ajra pampata ruwasaj. Manaña pipis uva sach'ata llimphuchanqachu, nitaj qhoranqachu. Manachayqa imaymana khishka qhorakuna junt'aykonqa. Phuyutapis nillasajtaj amaña chaynejman paramunanta, nispa.

DIOSPA QHELQACHISQ

⁶ Ch'in t'ajra pampata ruwasaj. Manaña pipis uva sach'ata llimphuchanqachu, nitaj qhoranqachu. Manachayqa imaymana khishka qhorakuna junt'aykonqa. Phuyutapis nillasajtaj amaña chaynejman paramunanta, nispa.

Isaías 5:6 ပူးပေါင်းရင်းမြစ်များ

1 Reyes 17:1

Chanta Galaadpi, Tisbemanta profeta Eliasqa Acabman nerqa: Israelpa Señor Diosnimpa sutimpi, pejpa ñaupaqempichus noqa kashani niyki: Kay wataspi mana paramonqachu nitaj chhullamonqachu noqa ujtawan ninaykama.

1 Reyes 8:35

Sichus janaj pacha wisq'akunman manataj paramunmanchu, paykuna qampa contraykipi juchallikusqankurayku, juchasninkumanta kutirikuspa kay wasipi mañakusunkuman, sutiykita oqharispa qan llakichisqaykirayku chayqa, Qanqa janaj pachamanta uyarimunki, kamachisniykej juchasninta pampachaspa, Israel llajtaykejtawan, yachachispa allin ñanniykipi purinankupaj; paratapis jallp'aykiman apachimunki, mayqentachus aylluykiman chayaqenkupaj qorqanki chayman.

Job 31:40

jallp'asniy trigota poqonanmanta khishkasta poqochunku, cebadaj cuentanmantapis, sajra qhorasllata poqochunku. Jobpa nisqasnin kaypi tukukun.

Proverbios 24:31

Chaykunapitaj rikorqani khiskasta wiñashajta, runa kanchantapis thuñisqata.

Isaías 24:12

Llajtaqa raqayman tukun, punkuspis sinch'i phirisqas.

Isaías 30:23

Señorqa chajrasniykipaj parachimonqa, jallp'aman tarpojtiykikama. Jallp'ataj tarpojtiykikama trigota sumajta poqochenqa. Chaypacha wakasniykeqa sumaj pasto pampaspi michisqa kanqanku.

Isaías 32:10

Qankunaqa mana imamanta llakiyniyoj kashankichej; kay uj pisi watamantawan mancharikunkichej, imaraykuchus mikhunaykichejqa tukukaponqa, manaña uvaspis poqonqañachu.

Isaías 49:19

Llajtaykeqa thuñispa chinkachisqa, ch'impacha. Kunantaj jallp'aykeqa kutimoj runasniykipaj pisi kanqa. Urmachisojkunataj karuman ayqenku.

Isaías 55:13

Khishkaspa cuentanmanta pino sach'as wiñanqa, itapallospa cuentanmanta arrayán sach'a wiñanqa. Chayqa kanqa uj señal Señorpa sutinta wiñaypaj yuyarikunapaj, ni jayk'aj qonqasqa kanampaj.

Isaías 7:19

Chay tukuy jamuspaqa sayanqanku, ch'in wayk'uspi, chhanka jusk'uspi, khishka ch'umispi, uywa ujyanaspi ima.

Jeremías 14:1

Ch'aki watasrayku Señorqa Jeremiasman parlaykorqa, nerqataj: Judaqa llakiywan waqan, llajtasnenqa llakiypi kashanku, runasnenqa pampaspi mast'alla kashanku; Jerusalén nanaywan qhaparikun.

Jeremías 14:22

Chay juchasapaspa lantisnenqa mayqellampis parachimunmanchu? Cielomanta paraqa payllamantachu paramun? Mana, Señor Diosniyku! Qanllamin kanki parata apachimojqa, qanllamin kay tukuy imastaqa ruwanki; chayrayku qanllapi suyayniykoqa kashan.

Jeremías 25:11

Tukuy kay llajta phishqa kanqa, raqaykunasmantaj tukuchisqas kanqa. Qanchis chunka watas junt'ata kay naciones Babilonia reypa makisnimpi kanqa.

Jeremías 45:4

Ajinata nin Señorqa, qanta niyki: Sayachisqayta noqa urmachini, plantasqaytataj t'irani. Ajinallatataj ruwasaj tukuy jallp'api kajkunawan.

Lamentaciones 2:6

Uj suwa jina Señorqa wasej imasninta oqharerparerqa; maypichus tantakoj kanku chaytapis thuñirparerqa. Señorqa qonqacherqa, jinallataj Siompi samakuna p'unchaytapis chinkacherqa. Chay jina phiñakuyninwan reyta, chanta sacerdotestapis qhesacharqa.

Oseas 3:4

Israelitasqa unayta kanqanku mana reyniyoj nitaj kamachejkunasniyoj, nitaj rikuchikusta jaywaspa, nitaj ch'eqosqa rumista yupaychaspa, mana sacerdote p'achasniyoj nitaj ayllu ukhupi lantikunasniyoj.

Oseas 9:6

Paykunaqa chinkachisqas kanamanta ayqenku. Egiptotaj jap'ikaponqa, Menfispitaj p'ampasqas kanqanku. Qolqe jallch'anasninkupirí itapallu qhoraslla junt'aykonqanku, jarasninkupipis khishkaslla junt'aykonqanku.

Joel 1:7

Uvas sach'asninchejta q'araykunku, higos sach'asninchejta t'unaykunku, tukuyninta q'araykunku, ramasninta yurajllata saqerparinku.

Amós 4:7

Paratapis manallataj parachimporqaykichejchu, kinsa killa junt'ata manaraj cosecha kashajtin. Uj llajtaman parachimorqani, uj llajtamantaj mana; wakin chajraspaj paracherqani, wakimpajtaj mana, chaynejta ch'akipunku yakumanta jina.

San Lucas 21:24

Wakenqa guerrapi wañuranqanku; wakintataj presochasqasta apanqanku tukuy nacionesman. Gentilestaj Jerusalenta saruranqanku, paykunaj p'unchayninku junt'akunankama.

Deuteronomio 29:23

Tukuy kay jallp'apeqa rikonqanku azufrellata, kachillata, ruphasqa jallp'ata imalla. Chaypi mana imatapis tarponqankuchu, nitaj imapis poqoyta atenqachu, manapuni ima qhorallapis wiñayta atenqachu, imaynachus karqa Sodoma, Gomorra, Adma, Zaboim llajtaspi. Chaykunataqa sinch'i phiñakuyninwan chinkacherqa.

Apocalipsis 11:6

Kaykunaqa atiyniyoj kanku janaj pachata wisq'anankupaj ama paramunampaj, sut'inchasharqanku chay p'unchaykunapi. Atiyniyojllataj kanku yakusta kamachispa, yawarman tukuchinankupaj; jallp'atapis tukuy ima ñak'ariykunawan nanachinankupaj, mashkha kutitachá munasqankuta.