Isaías 5:26 - Qheshwa Biblia DC

²⁶ Karupi kaj nación jamunampaj señasta ruwan, jallp'aj k'uchunmantataj silbaspa wajyan. Chay naciontaj ujllata ima jina usqhayllata chayarparimun.

DIOSPA QHELQACHISQAN DEUTEROCANONICAL

²⁶ Tata Dios wiphalata oqharenqa, uj karu suyumanta soldadokuna jamunankupaj. Silbarispataj, wajyanqa kay pachaj aswan karu k'uchunpi kajkunata. Paykunataj imata jina usqhayllata chayamonqanku.

DIOSPA QHELQACHISQ

²⁶ Tata Dios wiphalata oqharenqa, uj karu suyumanta soldadokuna jamunankupaj. Silbarispataj, wajyanqa kay pachaj aswan karu k'uchunpi kajkunata. Paykunataj imata jina usqhayllata chayamonqanku.

Isaías 5:26 ပူးပေါင်းရင်းမြစ်များ

Zacarías 10:8

Noqa wajyakapusaj, tantaykusajtaj paykunata salvasqayrayku. Chay waj tiempopi jina ujtawan may chhikaman ashkhayallanqankutaj.

Isaías 7:18

Chaypacha Señorqa Egipto karu mayusmanta runasta ch'uspista jina wajyanqa, Asiriamantataj abejasta jina.

Isaías 18:3

Tukuy kay mundontimpi tiyakoj runas, kay jallp'a patapi kajkuna, orqopi puntaspi bandera sayajta qhawariychej, pututu waqamojtimpis uyariychej.

Deuteronomio 28:49

Qankunaj contraykichejta karumanta mundoj cantosninmantapacha Señorqa waj llajtayojkuna runasta kachamusonqachej. Chay runaspa parlayninkutataj mana entiendeyta atinkichejchu, paykunaqa anka jina usqhayllata chayamusonqachej.

Isaías 11:12

Señorqa nacionespaj uj señalta oqharenqa, wijch'usqa israelitastataj ujllaman tantaykonqa. Judamanta ch'eqerasqas kajkunatataj tukuy mundontinmanta tantamonqa.

Malaquías 1:11

Tukuynejpi kay pachapi sutiyta jatumpaj jap'inku; tukuynejpi inciensota noqapaj q'osñichinku, ofrendatataj qonku llimphu uywasta, imaraykuchus suteyqa may jatunmin tukuynin llajtas ukhupi, nin Tukuy Atiyniyoj Señorqa.

Habacuc 1:8

Caballosninkupis tigresmanta aswan usqhayta purinku ch'in pampapi atojkunamantapis aswan manchachikuna, phiña animales kanku. Caballospi correjkunasninkupis ashkhamanta, sinch'itataj correrqanku, karumantapachataj jap'ej phinkiykorqanku imaynatachus águila jap'ej imamampis phinkiykun jinata.

Joel 2:7

Maqanakupi kallpanta mana pisichikoj runas jina juñanku. Perqasta wasaykunku. Cheqantataj rinku, nitaj mayqenninkupis ñanninmanta pantaspa.

Lamentaciones 4:19

Noqaykuta tukuchinawaykupaj qhatiykachajkunaqa, ankasmantapis astawan sinch'ita phinkiykachanku. Tukuy orqospi mask'awayku, jap'inawaykupajtaj tukuy ch'inkunaspi misk'anasta churanku.

Jeremías 51:27

Wiphaylata pataman oqhariychej maqanakoj yaykunaykichejpaj. Putututa waqachiychej, runasta tantaychej Babiloniata jap'ikapoj yaykunaykichejpaj. Paypaj contrampi Araratmanta, Minimanta, Askenazmantawan runasta tantaychej. Ajllaychej uj kuraj kamachejta tukuy reykunata pusanampaj. Phiñarisqa langostasta jina caballospi rejkunata kachaykuychej.

Jeremías 5:15

Señorqa nillantaj: Israel, contraykipi karumantapacha waj llajtayojkunata pusamusaj, chay llajtayojkunaqa manchay sinch'i runas kanku, may unay runastaj kanku. Qanqa parlayninkuta mana rejsinkichu, nitaj chay nisqasninkuta yachankichu.

Jeremías 4:13

Qhawariychej, enemigosqa phuyu jina jamurishanku; ch'ajwapaj wakichisqa carretasninkoqa jatun muyoj wayraman rijch'akunku, caballosninkutaj ankasmantapis aswan sinch'i chakis kanku. Ay, imachus noqanchejqa chinkasqas kanchej!

Isaías 39:3

Chay qhepatataj Isaiasqa rey Ezequiasta watukoj rispa taporqa: Maymantataj chay runas jamusqankuri? Ima nisunkutajri? Ezequiastaj nerqa: Karumanta, Babiloniamantapacha watukuwaj jamusqanku, nispa.

Isaías 30:16

Mana chayqa qankunaqa nerqankichej: Mana, astawanqa caballospi ayqesqayku. Ayqellaychej ari. Chaymanta nillarqankichejtaj: Sumajta correj carretasman wicharisqayku. Arí, qhatisojkunaqa usqhayllata jap'irparisonqachej.

Isaías 13:5

Chaykunaqa karu llajtasmanta jamunku, kay pachaj tukukuyninmantapacha. Chaykunaqa Señorpa kachamusqasnin kanku, Señorpa k'ajaj phiñakuyninwan tukuynin jallp'ata tukuchinankupaj.

Isaías 13:2

Uj q'ara orqo puntapi maqanakuna señalta uyarichiychej, chaypi jatunmanta maqanakupaj qhapariychej, makisniykichejta oqhariychej, kurajkunaj punkusninkuta yaykunankupaj.

Salmos 72:8

Kamachichun uj marmanta uj markama, Eufrates mayumanta kay jallp'aj k'uchunkamataj.

Salmos 60:4

Qanta yupaychasojkunamanri señalta qorqanki flechasmanta ayqenankupaj.

Isaías 10:3

Imanankichejtaj cuentata qona p'unchaypiri? Piwantaj yanapachikunkichej karumanta jasut'i jamusojtiykichejri? Maymantaj chay jina qhapaj kayniykichejta churankichejri?

Isaías 13:3

Noqa kamachiniña ajllakusqasniyta, chantaqa wajyallanitaj wapu kamachisniyta phiñakuyniyta junt'anankupaj, atipasqaymanta kusikojkunata.

Isaías 13:4

Orqospeqa ch'ajway uyarikun, ashkha runaspis ch'ajwashankuman jina. Chaypi uyarikun ashkha runaspa ch'ajwasqanku, ashkha nacionespa tantakuspa ch'ajwasqanku. Tukuy Atiyniyoj Señor soldadosninta maqanakupaj yupan.

Isaías 31:9

Manchachikuywan reyqa pakakunanta saqerparenqa, kurajkunasninkupis maqanakuta saqerparispa ayqerikaponqanku. Kayta Señorqa nin: Jerusalempi nina kashan, enemigosninta jasut'inampaj.

Ezequiel 38:17

Atiyniyoj Señorqa kay jinata nin: Qanmanta noqa sut'inchacherqani ñaupa tiempopi Israelpi kay kamachisniy profetaspa siminnejta. Paykuna parlarqanku ñaupa tiempospi, qanta noqa paykunaj contrankupi yaykuchimusunayta.