Isaías 5:2 - Qheshwa Biblia DC

² Jallp'ata allarqa, rumisnintataj pallarqa, chaymantaj sumajnin kaj uvas k'aspista plantarqa. Chay uvas chajraj chaupimpitaj uj ch'ujllata ruwarqa, chaymantaqa ruwallarqataj uj uvas ch'irwanata. Munasqayqa suyarqa sumajta uvasnin poqonanta, chay tukuywampis k'allku uvasllata poqorqa.

DIOSPA QHELQACHISQAN DEUTEROCANONICAL

² Paymin jallp'ata llank'asqa, rumintapis pallasqa, chaymantaj sumajnin kaj uvata mallkisqa. Chay uva huertaj chawpinpitaj qhawanapaj torreta ruwasqa, chantá uvata sarunapaj t'oqotapis ruwallasqataj. Munasqayqa uvankuna sumajta poqonanta suyasqa. Chaywanpis k'allku uvallata poqosqa.

DIOSPA QHELQACHISQ

² Paymin jallp'ata llank'asqa, rumintapis pallasqa, chaymantaj sumajnin kaj uvata mallkisqa. Chay uva huertaj chawpinpitaj qhawanapaj torreta ruwasqa, chantá uvata sarunapaj t'oqotapis ruwallasqataj. Munasqayqa uvankuna sumajta poqonanta suyasqa. Chaywanpis k'allku uvallata poqosqa.

Isaías 5:2 ပူးပေါင်းရင်းမြစ်များ

2 Samuel 7:10

Chay jawaqa wakichillanitaj uj lugarta Israel aylluypaj, chaypitaj churani kikin jallp'ankupi tiyakunankupaj, mana pipis paykunawan chejninakunampaj, nitaj chay sajra ruwaj runaspis ñaupajpi jina llakichisunaykichejpaj, maypachachus Israel aylluypi kamachejkunata churashajtiy jinataqa. Noqa kacharichisqayki tukuy enemigosniykimanta. Willachimuykitaj mirayniyki kananta.

Nehemías 13:15

Chay p'unchaykunapi rikullarqanitaj Judá ayllu ukhupi wakin runas samakuna p'unchaypi uvasta sarunaspi sarushasqankuta vinota ruwanankupaj, trigo q'apistapis marq'ashasqankuta. Rikullarqanitaj burrostapis vino chajnasqasniyojta uvas t'isnusniyojta, higokunasniyojta, tukuy laya q'epis chajnasqasniyojta qhatirikuspa Jerusalén llajtaman samakuna p'unchaypi apashajta. Chaypacha k'amerqani chay samakuna p'unchaypi vendenasninkuta vendemushasqankumanta.

Salmos 80:8

Egiptomanta uj uvas sach'ata orqhorqanki. Qanta mana rejsisoj nacionesta wijch'orqanki, chaymantaj plantaykorqanki.

Salmos 80:9

Jallp'ata picharqanki, chay uvas sach'ataj saphichakorqa, tukuy suyuntinmantaj junt'aykorqa.

Éxodo 33:16

Imapitaj yachakonqa qampi khuyakuyniykita tarisqayri, jinallataj israelita runasniyki imari? Manachu yachakonqa qan noqaykuwan purisqaykipi, manachu chanta yachakullanqataj noqata, israelita runasniykita ima kay mundopi tukuy laya runasmanta wajllaman t'aqawasqaykupi?

Isaías 1:8

Sionllaña sayashaj qhepakun, uvas chaupipi uj ch'ujlla jina, melón chaupipi ramada jina, enemigosninwan muyuykusqa llajta jina.

Isaías 5:7

Tukuy Atiyniyoj Señorpa uvas sach'asnenqa, Israelmin. Judapi kaj runasqa may munasqa uvas plantakusqan kanku. Señorqa suyarqa israelitas leyta junt'anankuta, astawanqa runa wañuchinakuyllata tarin; Payqa suyarqa imapis cheqan kananta, astawanqa nanaywan qhapariyllata tarin.

Jeremías 11:17

Noqa Tukuy Atiyniyoj Señormin plantarqani, paypa contrampi ñak'ariykunas jamunankuta kamacherqani Israelpa, jinataj Judá aylloj juchasta ruwasqanrayku, paykuna phiñachiwanku Baalman inciensota jaywaspa.

Jeremías 2:21

Noqa qanta sumaj ajllasqa uvas sach'ata jina plantarqayki, chantapis sumaj ajllasqa mujuta jina. Kunantaj mana kaj sach'aman tukunki.

Oseas 10:1

Israelqa, uj uva sach'a jina poqoywan junt'a kashan; pero aswan ashkhata poqochisqankoqa aswan ashkha altaresta jatarichinankupaj karqa; jallp'ankupis aswan k'achitu karqa; astawan k'acha t'aqasqa rumista ruwanankupaj karqa.

Miqueas 4:8

Qanrí, Jerusalén, Siompata torren, jark'akuntaj qan ujtawan Israel reinoj capitalnin kallankitaj, imaynachus ñaupajpi may uyarisqa warmi karqanki jina.

Números 23:9

Kay chhanka patamanta paykunata rikuni, kay orqo patamanta paykunata rikushani. Kay runasqa sapallanku tiyakunku, tukuy runasmanta waj jina runas kanku.

San Mateo 21:19

Ñan patapitaj uj higo sach'ata rikorqa, qayllaykuspataj laqhesllata tarerqa, chay sach'amantaj nerqa: Kunanmantapacha, ama jayk'aj poqoyniyki p'utuchunchu. Sach'ataj chay kikimpacha ch'akiporqa.

San Mateo 21:33

Uyariychej waj rijch'anachinata: Uj patrón uvasta plantarqa jallp'ampi; perqawantaj muyuykucherqa. Chaupimpitaj uvas ch'irwanata wakicherqa. Qhawana torretataj perqarqa. Chaymantataj llank'ajkunaman partidopi qospa, karuman ch'usarqa.

San Mateo 21:34

Uvas pallaypitaj, wakin kamachisninta kacharqa, paypa partenta qopunankupaj.

Marcos 11:13

Karumantataj rikorqa uj higo sach'ata, q'omer laqhesniyojta. Higosta tariyta munaspataj, higo sach'aman qayllaykorqa, manataj poqoyta tarerqachu; manachayqa laqhesllata, imaraykuchus manaraj higos tiempochu karqa.

Marcos 12:1

Chay qhepata Jesús, rijch'anachinaswan yachachiyta qallarerqa runasman kay jinamanta: Uj runa jallp'ampi uvasta plantarqa, perqawantaj muyuykucherqa. T'oqota allaspataj, uvas ch'irwanata ruwarqa; qhawanampajtaj torreta sayaricherqa, chantá chajrata arriendaspa karuman riporqa.

Marcos 12:2

Uvas pallana p'unchay chayamojtintaj, ujnin kamachinta kacharqa, chay llank'ajkunamanta, paypa kajta jap'imunankupaj.

Romanos 9:4

Paykuna kanku israelitas, pikunatachus Dios wawasnimpaj jina rejsikaporqa; paykunamantaj jatun kayta qorqa, tratotataj paykunawan ruwarqa; chantá qorqa leyta, templopi Diosta yupaychayta, qosqaykichej nerqa chaykunatawan.

1 Corintios 9:7

Pi soldadotaj karqa, qolqenta pagaspa kamachita ruwaj? Pitaj uva sach'ata plantaspa poqoyninmanta mana mikhunchu? Chayrí, pichus ovejasta michejqa, manachu ovejaj lechenta ujyanman?

Deuteronomio 32:6

Wampu runas, mana yachayniyojkuna, ajinatachu Señormanqa kutichinkichej? Manachu payqa tataykichej, ruwasojniykichejtaj? Paymin qankunataqa ruwasorqachej, uj ayllullamantaj tukuchisorqachej.

Jueces 16:4

Chaymanta qhepata Sansonqa sonqonta suwachikorqa Sorec vallemanta Dalila nisqa warmiwan.