Isaías 48:18 - Qheshwa Biblia DC

¹⁸ Allin kanman karqa sichus kamachisusqayta kasuwankiman chayqa. Kusiyniykeqa uj mayu yaku jina ashkhayanman karqa, atipasqaykipis mar qochaj yaku oqharikusqasnin jina kanman karqa.

DIOSPA QHELQACHISQAN DEUTEROCANONICAL

¹⁸ Kamachisqaytachus kasuwankiman karqa chayqa, allin kawsay qanpaj mayu jina puririnman karqa, justiciataj mama qochaj qhollchoqeyasqan jina kanman karqa.

DIOSPA QHELQACHISQ

¹⁸ Kamachisqaytachus kasuwankiman karqa chayqa, allin kawsay qanpaj mayu jina puririnman karqa, justiciataj mama qochaj qhollchoqeyasqan jina kanman karqa.

Isaías 48:18 ပူးပေါင်းရင်းမြစ်များ

Salmos 119:165

Yachachisqasniykita munakojkunaqa sonqo tiyasqallamin kanku, nitaj imapis misk'achiyta atinmanchu.

Salmos 36:8

Wasiykipi ashkha mikhuna kajwan paykunaqa sajsakunku, misk'i yaku mayumantataj ujyachinki.

Isaías 33:21

Señorqa chaypimin atiyninta rikuchiwasun. Chay cheqaqa mayus jina kanqa, sumajta correshaj ashkha yakus jina; enemigosqa chayman mana yaykuyta atenqankuchu, juch'uy barcoswan, nitaj jatun barcoswampis.

Isaías 42:24

Pitaj Jacobta suwasqa kananta saqerqa? Israelmantataj qhechunankuta? Manachu Señor chaytaqa ruwarqa contranta juchallikusqanchejrayku? Noqanchejqa mana ñannintachu purerqanchej, manataj kamachisqasnintapis kasorqanchejchu.

Isaías 45:8

Cielo, qanqa patamanta ch'ajchumuy, phuyus, qankunapis cheqanchayta parachimuychej; chaytataj jallp'aqa jap'enqa, chaywantaj jallp'aqa salvacionta cheqanchaytapis poqochun. Kay imastaqa noqa Señor ruwachini.

Isaías 54:13

Tukuynin wawasniykiman Señorqa yachachipusonqa; chay wawasniykej kusiynintaj may jatun kanqa.

Isaías 61:10

Noqaqa Señorniypi mayta kusikusaj, almaypis mayta Diosniypi kusikonqa, imaraykuchus payqa salvación p'achawan p'achallichiwan, justiciawan qhataykuwan, uj casarakoj runata jina, casarakoj warmita jinataj faluchosninwan sumaj k'achan ch'asqata.

Isaías 61:11

Imaynatachus jallp'aqa plantasta wiñachin, jinallataj uj huertapis ima yurastapis mujuchin, ajinata Señorqa cheqan kajta rikhurichimonqa. Jinallataj Señorta yupaychanqanku tukuy nacionespis.

Isaías 62:1

Sión llajtata munakusqayrayku mana ch'inyakusajchu, Jerusalenta munakusqayrayku mana samarikusajchu, cheqanchaynin lliphirimunankama, Salvacionnin k'anchay jina k'anchaykamunankama.

Isaías 66:12

Señorqa ajinata nin: Noqa chay llajta ukhunman sonqo tiyakuyta churani uj mayuta jina, tukuy nacionespa kusiynintawan mayu yakupis llump'irishanman jina. Chaynejta qankunaqa ñuñoj wawas jina kusikunkichej, makisninwan ichurikusonqachej, arphin patapitaj chhukusonqachej.

Oseas 10:12

Paykunaman nerqani: Allin cheqa kajta tarpuychej, munakuy cosechata oqhariychej. Wakichiychej jallp'ata watejmanta tarpunaykichejpaj, imaraykuchus Señorta mask'ana tiempoña, pay jamunankama apamuspa qankunaman salvacionmanta parata.

Amós 5:24

Astawampis ashkhayachun cheqan ruway yaku jina, k'acha kaytaj kachun mana tukukoj yaku pujyu jina.

San Mateo 23:37

Jerusalén, Jerusalén, profetasta wañuchej, qanman kachamusqastapis rumiswan ch'anqaj! Mashkha kutitachus wawasniykita tantayta munarqani, imaynatachus wallpa chillwisninta lijrasnin uraman tantaykun ajinata, qantaj mana munarqankichu.

Romanos 14:17

Diospa reinonqa mana mikhunachu, nitaj ujyanachu. Manachayqa cheqan kay, sonqo tiyakuy, kusikuytaj Santo Espiritupi.

Deuteronomio 32:29

Sichus paykuna yachayniyoj kankuman chayqa, umachakunkuman, imamanchus tukunankuta.

Deuteronomio 5:29

Allin kanman ajinallatapuni yuyanankoqa, yupaychanawankutaj; kamachisqasniyman jina sapa p'unchay allinta ruwananku paykuna, jinataj wawasninkupis sumaj kusisqas wiñaypaj kausakunankupaj.