Isaías 47:8 - Qheshwa Biblia DC

⁸ Chayrayku, kunanqa uyariy kayta, k'anchilla warmi. Kamachinaykipi kunanqa sumaj sumajta tiyarishanki, sonqoykipitaj nishayki: Noqalla kani. Noqamanta astawan wajqa mana kanchu. Mana noqaqa viudachu kasaj, manataj wawasniypis wañonqankuchu, nispa.

DIOSPA QHELQACHISQAN DEUTEROCANONICAL

⁸ Chayrayku, kunanqa kayta uyariy, k'anchilla warmi: Kunan kamachinayki tiyanapi sumajta tiyarishanki, ni imamanta llakikuspa. Sonqoykipitaj nishanki: Noqa jinaqa ni pi kanchu. Noqamanta jawaqa waj mana kanchu. Manataj warmisapa jina qhepakusajchu, nitaj wawaykunapis wañonqankuchu, nispa.

DIOSPA QHELQACHISQ

⁸ Chayrayku, kunanqa kayta uyariy, k'anchilla warmi: Kunan kamachinayki tiyanapi sumajta tiyarishanki, ni imamanta llakikuspa. Sonqoykipitaj nishanki: Noqa jinaqa ni pi kanchu. Noqamanta jawaqa waj mana kanchu. Manataj warmisapa jina qhepakusajchu, nitaj wawaykunapis wañonqankuchu, nispa.

Isaías 47:8 ပူးပေါင်းရင်းမြစ်များ

Sofonías 2:15

Chaymin jatunchakoj llajtaqa, paykunallaman confiakuspa kausarqanku, nerqankutaj: Mundontimpi mana waj llajta noqanchej jina atiyniyojqa kanchu. Kunanrí, imaraykutaj ch'impacha, k'ita animalespa puñunankutaj tarikunri? Chayninta pasajkunaqa silbarispa qhesachaspataj qhawarenqanku.

Isaías 32:9

Qankuna, mana imata ruwaspa chukoj warmis, uyariwaychej kay nisqasuyta. Qhella sipaskuna, uyariwaychej kay palabrasniyta.

Jeremías 50:11

Qankuna caldeos, aylluyta ch'uskirarqankichej chaykuna kusikuychej, asirikuychejtaj. Waka uña jina q'omer pampaspi sink'uriychej. Caballos jinataj qhapariychej.

Isaías 47:10

Qanqa sajra ruwasqasniykiman atienekuspa nerqanki: Mana pipis rikuwanchu, nispa. Qantaqa imatachus yachasqaykiwan, yachaynillaykiwantaj ch'aukiyasunku. Qantaj sonqoykipi nerqanki: Noqalla kani. Noqamanta astawan wajqa mana kanchu.

Isaías 45:6

tukuy yachanankupaj intej llojsimuyninmanta, intej chinkaykuyninkama, noqamanta astawanqa mana waj dios kasqanta. Noqa k'atalla Diosqa kani, astawanqa mana kanchu.

2 Tesalonicenses 2:4

Payqa sayaykukonqa, oqharikonqataj tukuy ima Dios sutichasqaj contrampi, chayrí yupaychanaj contrampi; Diospa templonman yaykuspataj Dios jina tiyaykukonqa, kikin Diospis kanman jinataj rikuchikonqa.

Nahúm 1:10

Imaraykuchus uj chhari khiska jina uj ch'aki ichhu jinataj tukuynin ruphachisqas kanqanku.

Daniel (hebreo) 11:36

Wichaynejpi kaj reyqa tukuy ima munasqanta ruwanqa. Jatunchakuynenqa maypuni kanqa. Tukuy dioskunajpata kurajnin kasqanta creekonqa. Cheqa Diospa contrantataj manchay sajrata parlanqa. Tukuy imataj paypajqa allin renqa, Dios paypaj jasut'ita apachimunankama. Diosqa imaynatachus ruwanan karqa chaytaqa junt'anqapuni.

Daniel (hebreo) 5:30

Chay ch'isimpacha caldeokunaj Belsasar reyninkuta wañucherqanku. Mediamanta rey Dariotaj reinota jap'ikaporqa. Dariotaj chaypachaqa sojta chunka iskayniyoj watayoj kasharqa.

Daniel (hebreo) 5:23

Aswampis, janaj pachapi kaj Señorpa contrampi asiykukorqanki, kamacherqankitaj templomanta vasosta orqhomunankuta, chay vasospitaj vinota ujyarqankichej wajyarakorqanki chaykunawan khuska, yupaychankitaj waj dioskunata, qorimanta, qolqemanta, broncemanta, fierromanta, k'aspimanta, rumimanta ima ruwasqa dioskunata. Chay dioskunaqa mana rikunkuchu, mana uyarinkuchu, nitaj imatapis yachankuchu. Manataj jayk'ajpis Diostaqa yupaychankichu, paypa makimpi kausayniyki kashan, tukuy ima ruwanaykipis paymanta kashan.

Daniel (hebreo) 4:22

Wiñarqa atiyniyojtaj karqa chayqa, qan rey, kanki chay sach'aqa. Rey kasqaykipi jatunyasqaykeqa yapakun janaj pachaman chayanankama, kamachisqaykitaj tukuynin jallp'api, uj cantomanta ujnin cantokama jatunyan.

Jeremías 51:53

Babiloniaqa cielokamapis wicharichun aswan pataman atiyninta churanampaj, chaymampis enemigosninta kachasaj chay atiyninta thuñiykamunankupaj. Noqa Señor chayta nini.

Isaías 45:18

Janaj pachata ruwaj Señorqa, payllataj Dios kay jallp'ata ruwaj, chay ruwasqanta sumajta sayachej, manataj qhasipajchu chay imasta ruwaj, chaypi tiyakunankupaj ruwajqa, nin: Noqamin Señorqa kani, noqamanta astawan wajqa mana kanchu.

Jueces 18:27

Paykunaqa Micaiajpa ruwasqasninta apariykukuspa jinataj sacerdotentawan pusariykukuspa Laiskama chayarqanku. Chaypi runasqa mana imamanta dakuspa paykunallapi atienikuspataj kausakusharqanku, Danmanta kaj runastaj wañuracherqanku espadawan t'ojsiraspa, chay llajtatataj ruphaykucherqanku.

Jueces 18:7

Chaymantataj chay phishqa kachasqa Leisman rerqanku. Chay llajtapi runasqa mana imamanta dakuspa tiyakullaj kanku, imaynatachus chay sidonios kausayta yachasqankuman jina; ni ima ch'ajwawan, kusiyllapi, ni pejpa imanasqan, nitaj ni imapi pisichikuspa. Paykunaqa karupi kasharqanku sidoniosmantaqa manataj piwampis tratoyojchu karqanku.

Isaías 14:14

Phuyus pataman wicharisaj, Patapi kaj Diosmantaj rijch'akusaj, nispa.

Isaías 32:11

Qankuna, mana imata ruwaspa chukoj warmis, manchachikuychej ari; mana imamanta llakiyniyoj warmis, kharkatiychej ari. Chay p'achasniykichejta lluch'ukuychej. Qhashqa p'achasta churakuychej llakisqa kasqaykichejta rikuchinaykichejpaj.

Isaías 45:5

Noqamin Señorqa kani. Noqamanta astawan waj diosqa manapuni kanchu. Qan mana rejsishawajtiykipis noqa qantaqa sumajta sayacherqayki atipanaykipaj;

Jeremías 49:31

Noqa Señor kamachiykichej: Chay llajtata jap'ej yaykullaychej, payqa atienekuspa mana imata manchachikuspa tiyashan, jinapis mana punkusniyoj, mana wisq'anasniyojtaj sapallan kashan.

Ezequiel 30:9

Chay p'unchaypi buquespi willarajkunata kachasaj, Etiopía jallp'api mana ima llakiyniyoj tiyakoj runasman chay manchaymanta uyarichimunankupaj. Paykunapajpis imaynatachus Egipto llajtapaj manchay jasut'i chayamorqa, ajinallataj kanqa. Chay p'unchaytaj chayamushanñapuni.

Daniel (hebreo) 4:4

Noqa Nabucodonosor, mana ima llakiyniyoj tiyakusharqani palacioypi kusikuspa, tukuy imapi qhapajyaspataj.

Ezequiel 16:49

Sodoma ñañaykej juchanqa kay jina karqa: Payqa, jinataj ranchosnimpis jatunchakorqanku, wapuykacharqankutaj ashkha mikhunayoj kaspa, allin imaswan junt'asqa kausakusqankurayku, manataj wajchasman, ni pisichikojkunatapis yanaparqankuchu.

Daniel (hebreo) 4:27

Chayrayku, kay nisusqayta kasuway: Rey kayniykipi cheqanta ruway, amataj aswan juchalliychu. Sajra kausayniykita saqespa, pisipachikoj wajcha runakunata yanapay. Ichapis ajinamantaqa kausakunki mana ima llakiyniyoj, tukuy imapipis allillan risonqa aswan unaykamataj.

Nahúm 3:4

Tukuy chaykunaqa qhencha warmej qhenchachakusqanrayku. Chay qhencha warmeqa manchay k'achita may yachayniyojtaj layqeriyaspajqa Chay layqeriyasninwan hechizeriasninwantaj llajtasta, nacionestapis sonqonkuta suwaspa ch'aukiyasharqa.

Habacuc 1:7

Manchay t'ukuna mancharikunataj kanku mana rejsinkuchu waj leyta paykunajmanta nisqaqa.