Isaías 45:9 - Qheshwa Biblia DC

⁹ Pichus ruwajninwan churanakojqa imanallanqachus! T'urumanta ruwasqakamalla k'aminakuyta atinkumanchu? T'uru mankaqa ruwajninta ninmanchu: Imata ruwashanki, chayri ninmantajchu ruwasqaykeqa mana allinchu, nispa?

DIOSPA QHELQACHISQAN DEUTEROCANONICAL

⁹ May llakiy qhatirenqa, pikunachus Ruwajninkuwan churanakunku, chaykunata. T'urumanta ruwasqa mankaqa ruwajninwan churanakunmanchuri? T'uru mankaqa ruwajninta ninmanchu: Imata ruwashanki? nispa. Chayrí ninmantajchu: Ruwasqaykeqa mana allinchu, nispari?

DIOSPA QHELQACHISQ

⁹ May llakiy qhatirenqa, pikunachus Ruwajninkuwan churanakunku, chaykunata. T'urumanta ruwasqa mankaqa ruwajninwan churanakunmanchuri? T'uru mankaqa ruwajninta ninmanchu: Imata ruwashanki? nispa. Chayrí ninmantajchu: Ruwasqaykeqa mana allinchu, nispari?

Isaías 45:9 ပူးပေါင်းရင်းမြစ်များ

Job 10:9

Yuyarikuy ari t'urumanta ruwawasqaykita! Kunanqa ñut'u jallp'allamantajchu tukuchiwanki?

Job 33:13

Imaraykutaj qan Payman jinata uyampi ninkiri, mana ni ima parlasqaykita kutichisojtinchu jinata ninki?

Job 40:2

Qanqa, Tukuy Atiyniyojwan tinkuyta munanki, chantapis kutichikuytarajchu munanki?

Job 9:12

Sichus imata jap'ikapun chayqa, pitaj qhechuyta atinmanri? Pitaj ninman, imatataj ruwashanki?, nispari.

Job 9:4

Diosqa sumaj yachayniyoj, may atiyniyoj kallpasapataj. Pitaj paywan maqanakoj llojsinman, atipanmantajri?

Proverbios 21:30

Señorpa rikuynimpeqa mana yachayqa kanchu, ni sumaj yuyay, nitaj sumaj yuyaychakunaspis.

Eclesiastés 6:10

Yachakusqan imaschus kunan kajqa ñaupajtaña sutichasqa karqa, yachakuntaj imachus runa kasqan. Chayrayku paymanta atiyniyojwanqa mana pipis siminakuyta atinmanchu.

Isaías 10:15

Hachaqa k'utoj runamanta may sumaj kasqanta yuyakunmanchu? Sierrapis khuchoj runamanta may kasqanta yuyakunmanchu? Chayqa kanman uj k'aspi chayri tojnupis runata apaykachanman jina.

Isaías 29:16

Cheqamanta qankunaj sajra ruwasqaykichejqa rijch'akun manka ruwajpa llink'i t'uruman. Chay imatachus ruwasqanqa ruwajninta ninmanchu: Mana qanchu ruwawanki. Chay ruwasqan p'uñoqa ruwajninta ninmanchu: Mana yachankichu imatachus ruwasqaykita.

Isaías 45:10

Manallataj pi runapis tatanta ninmanchu, Imapaj yumawankiri? Manallataj mamantapis ninmanchu: Imapaj nacechiwarqankiri?, nispa.

Isaías 64:7

Sutiykita oqharejqa mana pipis kanchu, rijch'arispa sutiykimanta yuyarikojpis manallataj kanchu. Chayrayku qanqa uyaykita noqaykumanta pakaykukunki, sajra ruwasqasniykupi qawejta qhawallawayku.

Isaías 64:8

Kunanqa Señor, qan tatayku kanki. Noqaykoqa t'urulla kayku imaraykuchus qanmin t'urumanta ruwawarqayku. Chayrayku noqaykoqa tukuyniyku makisniykej ruwasqasnin kayku.

Jeremías 36:29

Kay jinata noqa niyki, qanqa librota ruphacherqanki, Jeremiastataj k'amerqanki kay jinata qelqasqanmanta; Babiloniamanta reyqa jamonqapuni kay nacionta chinkachinampaj mana uj runasniyojta, mana uj uywasniyojtataj.

Jeremías 50:24

Babilonia llajta, qampaj tojllata churarqani, mana allinta qhawakusqaykiraykutaj chayman urmaykorqanki. Chaypi presochasqa qhepakorqanki, Señorpa contrampi oqharikusqaykirayku.

Daniel (hebreo) 4:35

Paypa ñaupaqempi mana imapis kankuchu kay jallp'a patapi tukuy tiyakojkunaqa. Pay ruwan munayninman jina, janaj pachapi, jinallataj kay pachapipis. Mana pipis kanchu Diospa atiyninman sayaykojqa, manallataj pipis payta tapurinmanchu, imarayku jinata ruwanki?, nispa.

1 Corintios 10:22

Chayri munanchejchu Señorta phiñachiyta? Chayrí astawan atiyniyojchu kanchej paymanta?