Isaías 45:4 - Qheshwa Biblia DC

⁴ Kamachiy Jacobta munakusqayrayku, ajllasqay Israelrayku sutiykimanta wajyarqayki; mana rejsishawajtiykipis sumaj sutiwan suticharqayki.

DIOSPA QHELQACHISQAN DEUTEROCANONICAL

⁴ Kamachiy Jacobta munakusqayrayku, ajllakusqay Israelrayku sutiykimanta wajyarqayki. Mana rejsishawajtiykipis, jatunpaj qhawasqa sutita churarqayki.

DIOSPA QHELQACHISQ

⁴ Kamachiy Jacobta munakusqayrayku, ajllakusqay Israelrayku sutiykimanta wajyarqayki. Mana rejsishawajtiykipis, jatunpaj qhawasqa sutita churarqayki.

Isaías 45:4 ပူးပေါင်းရင်းမြစ်များ

Salmos 105:6

Qankuna, Abrahampa miraynin. Qankuna, ajllasqas Jacobpa miraynin kajkuna.

Salmos 136:22

Israel kamachinman chayaqenta jina qopojman, khuyakuynin wiñaypaj kasqanrayku;

Isaías 43:1

Jacobpa miraynin israelitasta Señorqa nin: Ama manchachikuychu, noqa qantaqa librarqayki. Noqa qanman sutita churarqayki. Chaynejta noqajta qanqa kanki.

Isaías 43:14

Israelpa Santo Diosnin salvasojniyki Señorqa ajinata nin: Qankunata libranaypaj Babiloniaman runasta kacharqani, babiloniostataj tukuyninkuta ayqecherqani. Jinallataj runaykachaspa buquespi purej caldeostapis may llakiypi rikhuricherqani.

Isaías 44:1

Kunanqa Jacobpa ayllun Israel, ajllakusqay kamachíy, uyariway ari.

Isaías 44:28

Kamachej Cirotapis nini: Qanqa michejniy kanki, qanqa ruwanki imatachá munasqayta, nispa. Jerusalentapis nillanitaj: Qanqa watejmanta ruwasqa kanki. Diospa wasintapis nillanitaj: Qantapis watejmanta sayachisonqanku, nispa.

San Mateo 24:22

Chay p'unchaykunachus mana pisiyachisqas kankuman karqa chayqa, mana pipis salvasqachu kanman. Ajllasqasraykutaj chay p'unchaykuna pisiyachisqas kanqanku.

Marcos 13:20

Manachus Señor jaqay p'unchaykunata juch'uyyachinman karqa chayqa, mana pipis salvasqachu kanman karqa; astawanqa, ajllasqasninrayku chay p'unchaykunata juch'uyyacherqa.

Hechos 17:23

Llajtaykichejpi puriykachashaspaqa, rikuni lanti yupaychanaykichejta. Uj altartapis tarini kay jina escribisqayojta: “Mana rejsisqa diosman”. Chay Diosmanta, pitachus mana rejsispalla yupaychankichej, noqaqa willaykichej.

Romanos 11:7

Chantá imatajri? Israelitasqa imatachus mask'asqankuta mana tarerqankuchu. Diospa ajllasqasnintaj tarerqanku. Wajkunataj sonqonkuta rumiyacherqanku.

Romanos 9:6

Diospa palabranqa mana pantayta atinchu; astawanqa Israelpa mirayninmanta kajkunaqa, mana tukuychu israelitas kanku.

Efesios 2:12

Chayrayku mana Cristoyojchu karqankichej, Israel llajtayoj kaymanta karunchasqas, Diospa qosqayki nisqan tratotapis mana rejsispa; mana suyayniyoj, mana Diosniyojtaj kay pachapi karqankichej.