Isaías 45:3 - Qheshwa Biblia DC

³ Ima kapuykunachus pakasqa kashan chaykunatapis noqa rikuchisqayki, maykunapichus pakasqa kashan chaykunata, noqa Israelpa Señor Diosnin kasqayta yachanaykipaj, sutiykimanta wajyasoj kasqaytawan.

DIOSPA QHELQACHISQAN DEUTEROCANONICAL

³ Pakasqa valorniyoj imakunata noqa qosqayki, valorniyoj pakasqa kashan, chayta. Ajinamanta yachanki Israelpa Tata Diosnin noqa kasqayta, jinallataj sutiykimanta wajyasoj kasqaytawan.

DIOSPA QHELQACHISQ

³ Pakasqa valorniyoj imakunata noqa qosqayki, valorniyoj pakasqa kashan, chayta. Ajinamanta yachanki Israelpa Tata Diosnin noqa kasqayta, jinallataj sutiykimanta wajyasoj kasqaytawan.

Isaías 45:3 ပူးပေါင်းရင်းမြစ်များ

2 Crónicas 6:17

Ajinaqa, Israelpa Señor Diosnin, kamachiyki tatay Davidman nisqaykeqa junt'akuchun ari.

Esdras 1:2

Persiamanta rey Ciroqa kay jinata nin: Janaj pachapi kaj Señor Diosqa, tukuynin jallp'api reinosta qopuwan, kamachiwantaj Judapi kaj Jerusalén llajtapi paypaj uj wasita ruwapunayta.

Éxodo 33:12

Moisesqa Señorman nerqa: Qhawariy, qan niwarqanki noqaman: Kay runasta orqhoy, nispa; manataj sut'inchawankichu pitachus kachamunawaykita noqawan rinampaj. Chaywampis qan niwarqanki, noqa qanta allintapuni rejsiyki, nispa. Chanta nillawankitaj: Noqapi khuyakuyta tarinki, nispa.

Éxodo 33:17

Chaymanta Señorqa Moisesman nerqa: Kay tukuy imasta niwasqaykitaqa ruwasaj, qan noqapi khuyakuyta tarisqaykirayku, noqa qantaqa allintapuni rejsiyki.

Isaías 41:23

Allinta willawayku qhepaman imaschus kananta, ajinamanta yachanaykupaj cheqamanta qankuna dioskuna kasqaykichejta. Allintapis chayrí mana allintapis ruwaychej ari; t'ukunaykupaj, manchachikunaykupajpis.

Isaías 43:1

Jacobpa miraynin israelitasta Señorqa nin: Ama manchachikuychu, noqa qantaqa librarqayki. Noqa qanman sutita churarqayki. Chaynejta noqajta qanqa kanki.

Isaías 48:15

Noqa kani parlaj, wajyaj, kaymantaj pusamoj; chayrayku maykunastachus purisqasnimpeqa allimpuni renqa.

Isaías 49:1

Mar qocha cantopi kaj llajtas, karupi kaj naciones uyariwaychej: Manaraj naceshajtiy Señorqa wajyawarqa, mamaypa wijsampi kashajtillayraj payqa sutichawarqa.

Jeremías 41:8

Chaywampis chay runasmanta chunka jina Ismaelman nerqanku: Ama wañuchiwaykuchu, noqaykojta tiyapuwayku trigoyku, cebadayku, aceiteyku, jinataj misk'iykupis campopi pakasqas. Chaypacha Ismaelqa mana wañucherqachu chay ujkunata jinataqa.

Jeremías 50:26

Tukuynejmanta contrampi maqanakoj jamuychej. Mikhuy poqoj jallp'asninkuta kichariychej. Tukuy imasta tantaykuspa ninawan jap'iykuchiychej, ama imapis qhepakunampaj.

Jeremías 50:37

Caballosninkupaj, carrosninkupajpis maqanaku kachun, pagamanta kajkuna soldadosninkupajpis maqanaku kachun, warmisman jina tukuchunku. Qhapaj kapuyninkupaj maqanaku kachun, suwakapuchunkutaj.

Jeremías 51:13

Qan Babilonia, jatuchaj mayus cantopi tiyakoj, may chhika qhapaj kapuykunasniyki tiyapusunki, ña chayamusunkiña tukukapunayki p'unchay, mayta munapayanayki ima.

Jeremías 51:53

Babiloniaqa cielokamapis wicharichun aswan pataman atiyninta churanampaj, chaymampis enemigosninta kachasaj chay atiyninta thuñiykamunankupaj. Noqa Señor chayta nini.