Isaías 42:1 - Qheshwa Biblia DC

¹ Qhawariy kamachiyta. Payta noqaqa sayachini, payqa noqaj ajllasqay. Paypi noqaqa kusikuni. Payman Espirituyta churani, tukuy nacionespaj cheqan kajta apamunampaj.

DIOSPA QHELQACHISQAN DEUTEROCANONICAL

¹ Kaymin noqaj kamachiy, pitachus noqa kallpachani, chay. Paymin ajllakusqayqa paywantaj may kusisqa kani. Chantá payman Espirituyta qoni, tukuy suyukunapaj justiciata ruwananpaj.

DIOSPA QHELQACHISQ

¹ Kaymin noqaj kamachiy, pitachus noqa kallpachani, chay. Paymin ajllakusqayqa paywantaj may kusisqa kani. Chantá payman Espirituyta qoni, tukuy suyukunapaj justiciata ruwananpaj.

Isaías 42:1 ပူးပေါင်းရင်းမြစ်များ

Génesis 49:10

Ni pi qhechonqachu Judaj atiyninta, ni makimpi kashaj chay tojnuntapis, chay tojnuyoj chayamunankama, pitachus tukuy llajtas kasonqanku.

Salmos 72:4

Llajtamanta kaj wajchasta reyqa justiciata ruwachun, salvachuntaj chay wajcha wawasninta, ñak'arichej runatataj ñat'uchun.

Salmos 89:4

Qampa mirayniykita wiñaypaj sayachisaj, tiyanaykitaj wiñaypaj kanqa, nispa.

Isaías 2:4

Señortaj nacionesta juzganqa, ashkha runastataj cheqanchanqa. Espadasninkuta arado rejasman tukuchenqanku, fierro choqanasninkumanta hocesta ruwakaponqanku. Nitaj mayqen naciompis maqanakunasninta waj naciompa contranta wakichikonqachu, nitaj ch'ajwapajpis oqharikonqachu.

Isaías 32:16

Ch'in pampapeqa tukuy ima cheqan ruwaylla kanqa, sumajta poqoj jallp'aspipis cheqan ruwayllapuni kanqa.

Isaías 41:8

Uyariway ari, Israel ayllu, Jacobpa ayllun. Qanqa kamachiy kanki. Qanta noqaqa kausaqey Abrahampa mirayninmanta ajllakorqayki.

Isaías 41:9

Qantaqa jallp'aj tukukuyninmantapacha pusamorqayki, karu jallp'api kashajtiyki wajyamorqayki, nerqaykitaj: Qanqa noqaj kamachiy kanki. Noqaqa ajllakorqayki manataj qhesacharqaykichu, nispa.

Isaías 42:2

Payqa mana qhaparenqachu, nitaj jatunmanta parlanqachu, manataj callespipis qhaparenqachu.

Isaías 43:10

Señorqa cheqamanta nin: Qankuna noqamanta sut'inchajkuna kankichej, noqaj ajllakusqasniy kamachisniy, noqata rejsikunawaykichejpaj, atienekunawaykichejpajtaj, pichus noqa kasqayta allinta unanchanaykichejpaj. Noqamanta ñaupajtaqa mana ima diospis karqachu, manataj qhepamampis waj dios kanqachu.

Isaías 50:10

Mayqellampis Señorta manchachikojkuna, kamachimpa parlasqasninta uyarejkuna. Pikunachus laqhayajpi purejkuna, Señorpa sutimpi atienekuychej. Diosniykichejpi atikuychej.

Isaías 52:13

Qhawariy, kamachiytaqa tukuy imapi allin renqa. Payqa may jina jatunchasqa, may jina pataman oqharisqataj kanqa.

Isaías 53:11

Chay jina llakiyta jap'ispa kusiy poqoyta rikonqa, may kusisqataj qhepakonqa. Chay yachayninwan cheqan kamacheyqa ashkhasta salvanqa, paykunaj juchasninkutataj apanqa.

Isaías 59:21

Kay tratota paykunawan ruwasaj nin Señorqa. Pataykiman Espirituyta churani, palabrasniytapis simiykiman churallanitaj; chayqa mana simiykimanta llojsenqachu, manallataj wawasniykejmanta, nitaj allchhisniykej siminmantapis. Ajina kunanmantaqa wiñaypaj qankunawan kanqa, ajinata nin Señorqa.

Isaías 61:1

Señorpa Espíritun noqawan kashan, imaraykuchus Señorpuni noqataqa ajllawan. Sumaj willaykunata wajchasman willanaypaj kachamuwan, llakisqastataj sonqochanaypaj. Kachamuwantaj wata kamachis librasqas kanankuta ninaypaj, jinallataj carcelespi kajkunatapis kacharichinaypaj.

Isaías 63:1

Pitaj kay puka p'achayoj Edonmanta, Bosramanta jamushanri? Pitaj kayri, atiyniyoj jina puka p'achata churakojri? Noqa kani, cheqan kajta willaspa atiywan salvanaypaj.

Hageo 2:23

Chay p'unchaypitaj, sirviwajniy Zorobabel, noqaj atiyniyta qosqayki, noqa ajllakorqayki chayrayku. Noqa Tukuy Atiyniyoj Señor, cheqatapuni kaytaqa nini.

Zacarías 3:8

Allinta uyariy jatun sacerdote Josué, qanwan kajkuna chay sacerdotespis uyarillachunkutaj. Qankuna churasqas jina kankichej chayta qhepaman yachanankupaj,. Noqataj apamusaj kamachiyta Wiñashan nisqata.

Malaquías 1:11

Tukuynejpi kay pachapi sutiyta jatumpaj jap'inku; tukuynejpi inciensota noqapaj q'osñichinku, ofrendatataj qonku llimphu uywasta, imaraykuchus suteyqa may jatunmin tukuynin llajtas ukhupi, nin Tukuy Atiyniyoj Señorqa.

San Mateo 17:5

Ajinata Pedro parlashajtillanraj, ujllata k'ancharishaj phuyu paykunata pakaykorqa. Chay phuyu ukhumantataj uj voz nimorqa: Kaymin munasqa Chureyqa, paywan ancha kusisqa kani. Payta uyariychej.

San Lucas 3:22

Santo Espiritutaj paypa patanman uraykamorqa paloma jina. Cielomantataj Dios nimorqa: Qanmin munasqa Churiy kanki, qannejta sonqo junt'asqa kani.

San Lucas 4:18

Señorpa Espíritun noqapi kashan; jawiwaspa ajllawarqa sumaj willanasta wajchasman willanaypaj; kachamuwarqataj willajta presos kacharisqas kanankupaj, ciegos qhawarinankupaj, ñak'arejkunataj samachisqas kanankupaj; Señorpa allin watantapis willanaypaj.

San Lucas 9:35

Phuyu ukhumantataj, Dios Tataj nisqan uyarikorqa: Kaymin munasqa Chureyqa, payta uyariychej.

San Juan 16:32

Kayqa hora chayamushanña, chayamunñapis, chaypachataj ch'eqerasqas kankichej; sapa ujpis munasqaykichejman jina ripunkichej, noqata sapayta saqerparispa; manataj sapaychu kashani, imaraykuchus Tatay noqawan kashan.

San Juan 6:27

Llank'aychej ari, wiñaypaj kaj t'antarayku, ama ari tukukoj t'antaraykullaqa. Chaytaqa Runaj Churillan qosonqachej; paytaqa Dios Tata ajllarqa.

Hechos 10:38

Yachankichej, Nazaret llajtayoj Jesusman imaynatachus Dios qosqanta Santo Espirituta, atiytawan. Jesustaj tukuynejta purerqa allinta ruwaspa, thañichispataj sajraj atiynimpi tukuy ñak'arejkunata, Dios paywan kasqanrayku.

Hechos 11:18

Chayta uyarispataj hermanosqa ch'inyakaporqanku. Diostataj yupaycharqanku, nispa: Kayman jina, gentilespis juchata saqejtinkoqa Dios wiñay kausayta qollanqantaj.

Hechos 28:28

Pabloqa nillarqataj: Kunan qankuna yachaychej. Diospa salvacionnenqa gentilesman willakonqa, paykunataj uyarenqanku. [

Hechos 9:15

Señortaj nerqa: Riy payman. Noqa ajllani payta kamachiy kanampaj, noqamantataj willanampaj waj llajtayoj runasman, reykunaman, ajinallatataj israelitasmampis.

Efesios 1:4

Dios ajllawarqanchej Cristonejta manaraj kay pacha ruwasqa kashajtin, llimphuchasqa mana ch'ichiyoj paypa ñaupaqempi kananchejpaj.

Efesios 3:8

Diospa tukuy ajllasqasninmanta aswan juch'uy kashajtiypis, Diosqa atiyta qowarqa, Cristoj qhapaj kapuyninta mana rejsiy atina evangeliota gentilesman willanaypaj.

Filipenses 2:7

Pay kikin, Dios kayninta lluch'ukuspa, uj kamachi jina jamorqa runaman rijch'asqa.

Colosenses 1:13

Dios, laqhaj atiyninmanta orqhospa, munasqa Churimpa reinonman pusawarqanchej.

1 Pedro 2:4

Señorman qayllaykuychej, kausaj rumiman jina. Paytaqa runas qhesachanku, Diospajtaj ajllasqa sumaj k'acha rumi kashan.

1 Pedro 2:6

Chayrayku Escriturapi nisqa kashan: Noqa Siompi churani aswan sumaj esquina rumita, ajllasqa k'acha rumitataj. Chaypi creejqa mana p'enqakonqachu.