Isaías 41:16 - Qheshwa Biblia DC

¹⁶ Chaymantaqa wayrachinki, wayrataj apakaponqa, muyoj wayrataj kayman jaqayman t'akaranqa. Qantaj Señorpi kusikunki. Israelpa Santo Diosninmantataj mayta kusisqa yuyarikunki.

DIOSPA QHELQACHISQAN DEUTEROCANONICAL

¹⁶ Chaykunata wayrachinki, wayrataj apakaponqa, sinch'i muyoj wayra kayman jaqayman t'akaranqa. Qantajrí Tata Diosniykimanta kusikunki. Israel, May Llimphu Kaj Diosniykirayku may kusisqa kanki.

DIOSPA QHELQACHISQ

¹⁶ Chaykunata wayrachinki, wayrataj apakaponqa, sinch'i muyoj wayra kayman jaqayman t'akaranqa. Qantajrí Tata Diosniykimanta kusikunki. Israel, May Llimphu Kaj Diosniykirayku may kusisqa kanki.

Isaías 41:16 ပူးပေါင်းရင်းမြစ်များ

Salmos 1:4

Sajra runasrí mana jinachu kanku, paykunaqa wayrawan apachikoj ichhu jina kanku.

Isaías 12:6

Siompi tiyakojkuna kusiywan takiychej, imaraykuchus Israelpa Santo Diosnenqa qankunaj chaupiykichejpi kashan, tukuy jatun kayninwan.

Isaías 17:13

Chaywampis Dios k'amejtinkama, llojsispa karuman ayqerikaponqanku. Imaynatachus uj q'opata wayra orqos patata apaykachan ajinata, chayri muyoj wayra jallp'ata oqharin ajinata.

Isaías 25:9

Chaypacha nenqanku: Qhawaychej, kaymin Diosninchejqa. Payta maytapuni suyarqanchej. Paytaj salvawarqanchej. Kunanqa kusikunachej jatun kusiywan ajinata salvawasqanchejmanta.

Isaías 28:5

Chaypacha Tukuy Atiyniyoj Señorqa, puchoj ayllun israelitaspaj may sumaj lliphipishaj k'achanchasqa pillu jina kanqa.

Isaías 29:19

Llamp'u sonqo kajkunaqa mayta kusikonqanku Señorpi, aswan wajcha kajkunapis Israelpa Santo nisqa Diosnimpi maytapuni kusikonqanku.

Isaías 29:5

Enemigosniykeqa ñut'u jallp'a jina kanqanku, manchay atiyniyojkunapis wayrawan apachikoj q'opa jina kanqanku; mana yuyasqamanta ujllata.

Isaías 35:10

Ajinata Señorpa salvasqasnenqa kutimponqanku, Sionmanqa may kusisqas yaykuponqanku. Umankupeqa kusiy yuyayllapuni kanqa. Chaypacha may kusiyniyoj kanqanku. Paykunamanta llakiywan, ayqoywan ayqenqa.

Isaías 40:24

Paykunaqa chaypachallaraj plantasqa sach'aman rijch'akunku, manaraj allinta saphinchakojman. Paykunaman sinch'ita Dios wayrachimojtenqa ch'akipunkupacha, muyu wayrapis jamuytawan q'opata jina apakapun.

Isaías 51:3

Cheqamanta Sión llajtataqa sonqochasaj, jinallataj ch'in raqaykunasmanta. Ch'aki ch'in jallp'asninta qhallallarichisaj, imaynatachus Señorqa Edén huertata qhallallaricherqa ajinata. Chaypeqa may kusikuy, Diosta yupaychaspa, takiykuna ima kanqa.

Isaías 60:19

Chaypacha mana intichu, nitaj killachu k'anchamusonqa, mana chayqa kikin Señorpuni wiñaypaj k'anchamusonqa; kikin Diosniyki k'anchayniykeqa kanqa.

Isaías 65:18

Qankunaqa maytapuni wiñaypaj kusikunkichej, imastachus ruwarqani chaykunapi. Jerusalenman kusikuyta apamuni, jinallataj chaypi kaj runaspis kusikunankupaj.

Jeremías 15:7

Runasniykitaqa ichhuta jina ch'eqeracherqani, jallp'aykej llajtasninmanta orqhospa. Mana wawasniyojta aylluyta saqerqani, paykunata tukucherqani, imaraykuchus mana chay sajra kausayninkuta saqeyta munarqankuchu.

Jeremías 51:2

Babiloniaman enemigosninwan kachaykusaj trigota jina wayrachimunankupaj. Chay jallp'ankuta mana uj runayojta saqenqanku, maypachachus chay ñak'ariy p'unchaynin chayamojtin, tukuynejmanta maqaj yaykuykonqanku.

Jeremías 51:20

Babilonia qanqa martilloy jina kanki. Qanwan nacionesta phirirani, qanllawantaj reinosta chinkachini.

Jeremías 51:33

Tukuy Atiyniyoj Señorqa Israelpa Diosnin kayta nin: Babiloniaqa trilla tiempo saruchisqa era jinamin. Poqoy oqharina tiempoqa ña chayamonqaña.

Daniel (hebreo) 2:35

Chay rato ujllata chay fierropis, t'urupis, broncepis, qolqepis, qoripis ñut'usqas karqanku, imaynatachus chajra oqharina tiempopi trigo trillakojtin q'oshñilla jatarin ajinata. Chanta wayrataj oqharerqa mana imata puchuchispa. Lantita t'unaykorqa chay rumitajrí, uj jatun orqoman tukorqa, tukuynin jallp'amantaj junt'aykorqa.

Oseas 11:9

Mana phiñakuyniy k'ajarisqanman jinachu ruwasaj: Mana watejmanta Efrainta t'unasajñachu, imaraykuchus noqa Dios kani, mana runachu, noqamin Santo kani, chaupiykichejpi kashani chay, manataj t'unata ruwajchu jamuykichej.

Joel 2:23

Sión orqopi tiyakojkuna, mayta kusikuychej! Kusikuychej Tukuy Atiyniyoj Señor Diosniykichejpi. Paymin parachimusunkichej maychus kaj tiempompi. Parachimusonqachejtaj chiri tiempopi, jinallataj q'oñi tiempopipis, Imaynachus ñaupa tiempopi kaj ajinata.

Miqueas 5:8

Chaypacha, Jacobpa ayllunmanta puchojkunaqa ashkha llajtaspa chaupimpi kanqa; imaynatachus uj león monte uywas chaupipi karin ajinata, chantá imaynatachus uj león ovejas chaupipi rikhurispa pasaj jina t'isaspa wañurachintaj ujtapis kausashajta saqespa ajinata.

San Mateo 3:12

Jorcapis makimpiña kashan, trigota erapi llimphuchanampaj. Chaymantataj trigota pirwaman waqaychanqa, pajantataj mana jayk'aj thasnukoj ninaman kanaykonqa.

Romanos 5:11

Mana kayllachu, astawanqa Diospi kusikullanchejtaj, Señorninchej Jesucristonejta, pay Dioswan allinyachiwasqanchejrayku.

Filipenses 3:3

Noqanchejqa cheqamanta circuncisionmanta kanchej, imaraykuchus Diosta yupaychanchej Espirituman jina; kusikunchejtaj Cristo Jesuspi kasqanchejmanta, manataj chay circuncisionkunaspichu confianchej.