Isaías 41:13 - Qheshwa Biblia DC

¹³ Noqaqa paña makiykimanta jap'isoj Señor Diosniyki kani, niykitaj: Ama manchachikuychu, noqa yanapasqayki, nispa.

DIOSPA QHELQACHISQAN DEUTEROCANONICAL

¹³ Noqa paña makiykimanta jap'isoj Tata Diosniyki kani, niykitaj: Ama manchachikuychu, imaraykuchus noqa yanapasqayki, nispa.

DIOSPA QHELQACHISQ

¹³ Noqa paña makiykimanta jap'isoj Tata Diosniyki kani, niykitaj: Ama manchachikuychu, imaraykuchus noqa yanapasqayki, nispa.

Isaías 41:13 ပူးပေါင်းရင်းမြစ်များ

Salmos 109:31

Payqa wajcharayku sayan, juchachayta munajkunamanta salvan.

Salmos 118:7

Señorqa noqawan kashan; Pay yanapawan. Rikusajtaj chejnikuwajkunata atipasqasta.

Salmos 63:8

Tukuy kausayniy qanwan khuska kashan. Paña makiykeqa mana kachariwanchu.

Salmos 73:23

Chaywampis, qanwampuni karqani. Paña makiymanta jap'iwarqanki.

Éxodo 14:13

Moisestaj paykunaman nerqa: Chaymantaqa ama mancharikuychejchu, sumajta sayaychej, rikunkichej Señor imatachus ruwanqa qankunata libranasuykichejpaj; imaraykuchus kunallanña egipciospa uyasninkuta rikushankichej, kaymanta qhepamanqa ni jayk'aj rikunkichejñachu.

Éxodo 20:20

Moisestaj paykunaman nerqa: Ama manchachikuychejchu; Diosqa qankunata imaynachus kasqaykichejta yachaj jamun, qankuna payta manchachikunaykichejpajpuni, paypa ñaupaqempi ama juchallikunkichejchu.

Isaías 41:10

Qanqa, ama manchachikuychu. Noqaqa qanwampuni kashani, Ama iskayrayaychu. Noqaqa kallpachasoj Diosniyki kani. Atipachej paña makiywan sayachisqayki, yanapallasqaykipunitaj.

Isaías 42:6

Noqa Señorqa qanta wajyayki. Makiykimanta mana kacharisqaykichu. Noqa qantaqa waqaychasqayki. Qanqa runaswan trato ruwanay kanki, tukuy nacionespa k'anchaynintaj.

Isaías 43:6

Patanejpi kaj nacionta nisaj kutichipuy, runasniyta. Uranejpi kaj naciontapis nisaj: Ama jap'ikuyñachu, nispa. Kacharipuway qhari wawasniyta, warmi wawasniytawan, kay pachaj k'uchusninmantapacha.

Isaías 45:1

Ajinata ajllasqa Ciroman Señorqa nin: Noqa qanqa paña makiykimanta jap'erqayki, ñaupaqeykipi nacioneswan kasuchikunaykipaj, tukuy reyesta munayniykipi apaykachanaykipaj. Ñaupaqeykipi punkusta kicharerqani, manataj saqerqanichu punkus wisq'akunanta.

Isaías 51:18

Tukuynin wawasniykimanta mana ujllapis pusasunkichu, mana mayqen wawallaykipis makiykimanta aysasunkichu.

Jeremías 30:10

Noqa Señor nillanitaj: Jacobpa ayllun kamachiy, ama mancharikuychu. Qan, Israel, ama mancharikuychu. Qanta, wawasniykitapis noqa kacharichimusaj, chay karu llajtasmanta, maypichus wijch'usqas kashankichej chaymanta. Watejmanta sonqo tiyasqa kaypi tiyakunki, ch'inllapi mana pejpa mancharichinan.

Jeremías 46:27

Kamachiy Jacobpa ayllun, ama mancharikuychu. Ama manchachikuychu, Israel. Qanta jinataj wawasniykitapis noqa kacharichisaj chay karu jallp'aspi wijch'usqas kashanku chaymanta. Watejmanta sonqo tiyasqa kausakunki ni pejpa nisqan.

Hageo 2:5

Imaynatachus Egiptomanta llojsimushajtiykichej, qankunawan tratota ruwarqani, chayman jina Espírituy qankunawan kanqa. Ama manchachikuychejchu.

2 Timoteo 4:17

Chaywampis, Señor noqawan karqa, kallpachawarqataj evangeliota allinta willanaypaj, tukuy mana judiostaj uyarinankupaj. Ajinamanta Señorqa leompa siminmanta kacharichiwarqa.