Isaías 41:10 - Qheshwa Biblia DC

¹⁰ Qanqa, ama manchachikuychu. Noqaqa qanwampuni kashani, Ama iskayrayaychu. Noqaqa kallpachasoj Diosniyki kani. Atipachej paña makiywan sayachisqayki, yanapallasqaykipunitaj.

DIOSPA QHELQACHISQAN DEUTEROCANONICAL

¹⁰ Chayrayku ama manchachikuychu, imaraykuchus noqa qanwanpuni kashani. Ama q'enaqakuychu, imaraykuchus noqa Diosniyki kani. Noqa kallpachasqayki, yanapasqaykitaj. Jinallataj justiciata ruwaj paña makiywan sayachillasqaykipuni.

DIOSPA QHELQACHISQ

¹⁰ Chayrayku ama manchachikuychu, imaraykuchus noqa qanwanpuni kashani. Ama q'enaqakuychu, imaraykuchus noqa Diosniyki kani. Noqa kallpachasqayki, yanapasqaykitaj. Jinallataj justiciata ruwaj paña makiywan sayachillasqaykipuni.

Isaías 41:10 ပူးပေါင်းရင်းမြစ်များ

Génesis 15:1

Chay qhepata Dios parlarqa Abramman mosqoypi jina, nispa: Ama manchachikuychu Abram, noqa qampa jark'ajniyki kani, qampa t'inkaykeqa may chhikapuni kanqa.

Génesis 26:24

Chay ch'isi Señorqa rikhurerqa, nerqataj: Noqa kani tatayki Abrahampa Diosnin. Ama manchachikuychu, noqa qanwan kashani. Kamachiy Abrahamrayku bendicisqayki, mirayniykitapis ashkhayachisaj.

Génesis 31:5

Chayajtinkutaj nerqa: Noqa reparakuni, tataykichejqa manaña ñaupajta jinachu qhawawasqanta; chaywampis tataypa Diosnenqa noqawampuni kashan.

Génesis 49:24

Josejtari makisnin manchay kallpasniyoj. Pay sumajta arcosta jap'in. Jacobpa atiyniyoj Diosninrayku, Israelta michejninrayku, waqaychajninraykutaj.

2 Samuel 22:19

Noqa sinch'i llakiypi kashajtiy maqaj jamuwarqanku, chaywampis Señor noqata yanapawarqa.

1 Crónicas 12:18

Chaypacha chay kinsa chunka runaspa kamachejninku Amasaiman Espíritu jamorqa, paytaj qhaparerqa: Isaej wawan David qanwan sonqo tiyasqa kay kachun! Sonqo tiyasqa kay qampi kachun! Sonqo tiyasqa kay qanwan kachun, jinataj yanapasojkunawampis, qanta Dios yanapasusqanrayku! Davidtaj paykunata jap'erqa soldadosnimpa kamachejkunamantaj tukucherqa.

2 Crónicas 20:17

Kay kutipeqa manamin qankunachu maqanakunkichej. Chaynejpi allinta sayakuychej, kakullaychej mana kuyukuspa, rikunkichejtaj imaynatachus Señor qankunata librasusqaykichejta. Jerusalempi, jinataj Judapi tiyakojkuna runas ama manchachikuychejchu, nitaj kharkaychejchu, q'ayapacha riychej paykunawan maqanakoj, Señorqa qankunawan kashan.

2 Crónicas 32:8

Payqa runaspa kallpallanwan kashan, noqanchejwantaj Señor Diosninchej kashan maqanakunasninchejpi yanapanawanchejpaj. Rey Ezequiaspa parlasqasninta uyarispataj ayllumanta runasqa may kallpachasqas karqanku.

Salmos 144:11

Libraway wañuchej espadamanta, libraway waj runakunaj makinkuman urmanaymanta, libraway llullakojkunamanta, paykuna paña makinkuta oqharispa juranku.

Salmos 144:8

Libraway llullakojkunamantawan, mayqenkunachus paña makinkuta oqharispa juranku, manataj junt'ankuchu.

Salmos 145:14

Señorqa tukuy urmajkunata oqharin, sayarichintaj llakiywan wañunayajkunata.

Salmos 147:12

Jerusalén, Señorta jatunchay. Sión, Diosniykita yupaychay.

Salmos 18:36

Usqhayta thaskichiwanki, chakisniytaj mana llust'anqachu.

Salmos 27:1

Señorqa k'anchawajniy, salvawajniytaj. Pimantataj manchachikuymanri? Señorqa kausayniyta jark'awan.

Salmos 29:11

Señorqa ayllunta kallpachan. Señorqa sonqo tiyasqa kaywan ayllunta bendicin.

Salmos 33:12

Kusikuyniyojmin uj nacionta, imaraykuchus Señorqa Diosmin. Chay aylluta pay ajllakun paypata kanampaj.

Salmos 37:17

Señorqa sajra kajkunata tukuchenqa, allin runastataj sumajta sayachenqa.

Salmos 37:24

Runa urmajtimpis, mana urmasqachu qhepakonqa, imaraykuchus Señorqa makinmanta jap'in.

Salmos 41:12

Noqatarí makisniykipi jap'iwanki, allin kausayniyoj kasqaykirayku. Ñaupaqeykipipuni wiñaypaj waqaychakuway.

Salmos 46:11

Atiyniyoj Señorqa noqanchejwan kashan. Jacobpa Diosnenqa pakakuyninchej.

Salmos 46:7

Atiyniyoj Señor Diosninchejqa noqanchejwan kashan. Jacobpa Diosnenqa pakakuyninchej.

Salmos 63:8

Tukuy kausayniy qanwan khuska kashan. Paña makiykeqa mana kachariwanchu.

Salmos 65:5

Salvawajniyku Dios, qan uyariwayku, may sumaj cheqanta ruwaspa. Mundontimpi kaj runasqa qampi suyanku. Karupi kaj mar qochapis qampi suyakun.

Salmos 99:4

Qan atiyniyoj rey kanki, cheqan kaj ruwayta munanki, qan kikiyki cheqan kajta sayacherqanki. Cheqa kajta, cheqan kajtataj, Jacobpa miraynimpi ruwarqanki.

Éxodo 14:13

Moisestaj paykunaman nerqa: Chaymantaqa ama mancharikuychejchu, sumajta sayaychej, rikunkichej Señor imatachus ruwanqa qankunata libranasuykichejpaj; imaraykuchus kunallanña egipciospa uyasninkuta rikushankichej, kaymanta qhepamanqa ni jayk'aj rikunkichejñachu.

Éxodo 20:20

Moisestaj paykunaman nerqa: Ama manchachikuychejchu; Diosqa qankunata imaynachus kasqaykichejta yachaj jamun, qankuna payta manchachikunaykichejpajpuni, paypa ñaupaqempi ama juchallikunkichejchu.

Isaías 12:2

Diosmin salvawajneyqa; payman noqaqa atienekuni, manañataj manchachikusajchu. Señormin pakakunayqa kallpaytaj. Paylla noqataqa salvawan.

Isaías 35:4

Manchachikojkunaman niychej: Kallpachakuychej, amataj manchachikuychejchu; qhawariychej Diosniykichej jamushan salvasunaykichejpaj enemigosniykichejmantaj pagota qonampaj.

Isaías 43:5

Ama manchachikuychu. Noqa qanwan kashani. Inti llojsimuymantapacha, inti yaykuymantawan runasniykita tantaykampusqayki.

Isaías 44:2

Noqa ruwasoj Diosniyki kani. Manaraj naceshajtiyki ruwarqayki, yanaparqaykitaj. Ama manchachikuychu kamachíy, Jacob, Jesurún. Qanta noqaqa kamachiypaj ajllakorqayki.

Isaías 49:8

Señorqa nin: Khuyakuy p'unchaypi uyarerqayki, salvación p'unchaypitaj yanaparqayki, noqa waqaycharqayki, qannejta uj tratota tukuy aylluywan ruwasaj, chay llajtata watejmanta sayarichinaykipaj, saqerpayasqa jallp'asta watejmanta rak'iranaykipaj;

Isaías 50:9

Señorniy noqataqa yanapawanqa; pitaj juchachawanqari? Tukuyninku chinkaponqanku, imaynatachus thutaj tukusqan p'acha mullphaspa chinkapun ajinata.

Isaías 52:7

May kusiypuni orqo puntaspi sumaj kusiy willaykunata apamojpa chakisnenqa; sonqo tiyakuyta willajpata, allin kajmanta sumaj willaykunata apamojpata. Jinallataj salvacionta willajpata. Sión llajtamampis Diosniykeqa kamachishan, nejpata.

Isaías 60:19

Chaypacha mana intichu, nitaj killachu k'anchamusonqa, mana chayqa kikin Señorpuni wiñaypaj k'anchamusonqa; kikin Diosniyki k'anchayniykeqa kanqa.

Lamentaciones 3:57

Qhaparikamushasojtiy qanqa qayllaykamuwaspa niwarqanki: Ama manchachikuychu, nispa.

Daniel (hebreo) 10:12

Chaypacha niwarqa: Ama mancharikuychu, Daniel. Qanqa ñaupaj p'unchaymantapacha, mana entiendeyta atikoj imasta yachayta munaspa, Diosman k'umuykukuyta yuyaychakorqanki. Chaymantapacha, Dios uyarisorqa paymanta mañakusqaykita. Chayrayku noqa jamorqani.

Daniel (hebreo) 6:16

Chanta reyqa kamacherqa Danielta pusamunankuta, leonespa t'oqonmantaj payta choqaykunankuta. Manaraj chay wañuypaj juchachasqan junt'akushajtin, reyqa Danielta nerqa: Sumajtapuni sirvishanki chay Diosniyki qanta salvasuchun.

Oseas 1:9

Chaypacha Señor nerqa Oseasman: Lo-amita sutichay wawata, imaraykuchus qankuna manaña aylluychu kankichej nitaj noqapis Diosniykichejñachu kasaj.

Hageo 1:13

Chaypachataj Señorpa kachasqan Hageoqa, paykunaman parlarqa Diospa sutimpi kay jinata: Señorqa nin: Noqa kaspa cheqamanta niykichej: Noqa qankunawan kashani.

Hageo 2:5

Imaynatachus Egiptomanta llojsimushajtiykichej, qankunawan tratota ruwarqani, chayman jina Espírituy qankunawan kanqa. Ama manchachikuychejchu.

Zacarías 10:12

Noqa paykunata kallpachasaj, sutiypitaj ñaupajman purenqanku. Noqa Señor kayta nini.

Zacarías 10:6

Señor nin: Judajpa mirayninmanqa noqa kallpata qosaj, Josejpa miraynintaqa salvasajtaj. Watejmanta llajtankuman pusallasajtaj, paykunamanta khuyakusqayrayku. Paykuna tukukonqanku manapis jayk'aj paykunata qhesachaymanchu karqa ajinaman, noqa Señor Diosninku kasqayrayku, mañakuwasqasninkutataj uyarisaj.

San Lucas 1:13

Chantá angeltaj payman nerqa: Ama mancharikuychu Zacarías. Mañakusqaykita Dios uyarinña, warmiyki Isabel wawayoj kanqa, paytataj Juanta sutichanki.

San Lucas 1:30

Chaymantataj angelqa nerqa: Ama mancharikuychu María. Qanqa Diospa khuyakuyninta tarinki.

Romanos 8:31

Ima nisuntaj kaymantari? Sichus Dios noqanchejwan kashan chayqa, pitaj contranchejpi kanmanri?

2 Corintios 12:9

Señortaj niwarqa: Khuyakuynillay atipachisonqa; imaraykuchus atiyneyqa pisi kallpayojkunapi astawan rikuchikun. Chayrayku kusisqa kani. Pisi kallpayoj kaspa jatunchakuni, Cristoj atiynin noqapi kakunampaj.

Efesios 3:16

Janaj pacha qhapaj kayninman jina qosunkichej atiyta, Santo Espiritunejta kallpachasqas kanaykichejpaj.

Deuteronomio 20:1

Sichus maqanakoj llojsinkichej, enemigosniykichejtaj rikhurisonqachej ashkha caballosniyoj, carretasniyoj ima, qankunamanta aswan ashkha soldadosniyoj ima chayqa, ama paykunamanta manchachikunkichejchu. Egiptomanta orqhomusorqachej chay Señor Diosniykichejqa qankunawan kashan.

Filipenses 4:13

Tukuy imata atini Cristo kallpachawajniypi.

Josué 1:9

Noqa kayta kamachiyki, sumaj kallpasapa wapu kay. Ama manchachikuychu, amataj q'ewakuychu. Noqa Señorniyki, Diosniykeqa qanwampuni kasaj, maymanchá rinki chaypi.

Jueces 6:16

Señortaj kuticherqa: Noqa qanwan kasqayrayku qanqa ruwayta atillanki. Madianitastaqa atipanki imaynatachus uj sapan runata atipanchej jinata.