Isaías 40:2 - Qheshwa Biblia DC

² K'acha simiwan Jerusalenmanqa parlaychej. Kamachi kanaykichej p'unchayqa tukukapun, juchasniykichejqa pampachasqaña. Chay juchasniykichejmanta jasut'itaqa uj jinatawanña Señorpa makinmanta jap'inkichej.

DIOSPA QHELQACHISQAN DEUTEROCANONICAL

² K'acha simiwan Jerusalenman parlaykuspa, wata runa kananku tukukapusqanta niychej. Willallaychejtaj juchanku pampachasqaña kasqanta. Tata Diosqa chay juchankumanta uj jinatawan paykunata jasut'inña, nispa.

DIOSPA QHELQACHISQ

² K'acha simiwan Jerusalenman parlaykuspa, wata runa kananku tukukapusqanta niychej. Willallaychejtaj juchanku pampachasqaña kasqanta. Tata Diosqa chay juchankumanta uj jinatawan paykunata jasut'inña, nispa.

Isaías 40:2 ပူးပေါင်းရင်းမြစ်များ

Génesis 34:3

Chaywampis anchatapuni munapayarqa Leaj wawan Dinata casarakuytapuni munaspa, imaymanatataj ruwarqa munachikuyta munaspa.

2 Crónicas 30:22

Ezequíastaj tukuynin levitasman allinta parlaykorqa kusiyninta rikuchispa ajinata Señorta yupaychasqankumanta. Qanchis p'unchay junt'ata mikhorqanku chay jatun fiestapi ñak'asqa uywasta aywasqankumanta, allinyakunapaj uywasta ñak'aspa, ñaupa tatasninkoj Señor Diosninkuta yupaychaspataj.

Salmos 32:1

Kusiyniyojmin runaqa, sajra ruwasqasnin pampachasqa kajtin, tukuy juchasnintaj pakaykusqa kajtin.

Salmos 85:3

Tukuy sinch'i phiñakuyniykipis chinkapun, k'araj phiñakuyniykitaj tiyaykun.

Éxodo 22:3

Sichus p'unchay wañuchin chayqa, chay wañuchej juchayoj kanqa. Pichus suwajtaj mashkhatachus suwasqampa valorninta qoponqa; mana qolqen tiyan chayri, pay kikin vendesqa kanqa, chaywan suwakusqanmanta junt'anampaj.

Eclesiastés 3:4

Uj tiempoqa waqanapaj, uj tiempotaj asinapaj. Uj tiempoqa llakikunapaj, uj tiempotaj tusunapaj.

Isaías 12:1

Chay p'unchaypi ninki: Graciasta qoyki, Señor, qanqa noqapaj maytapuni phiñakorqanki, chaywampis chay jina k'ajaj phiñakuyniykeqa manaña kanchu, astawampis sonqochawanki.

Isaías 14:3

Israel ayllu, maypachachus Señor samarikuyta qosojtin chay jinata ñak'arisqaykimanta, phutikusqaykimanta, chay jina sinch'i llank'aymanta ima, chaypachaqa, kay jina asikuna palabrasta Babilonia reypa contranta ninki: Qhawariychej ñak'arichejqa imapichus rikhurisqanta, runaykachajqa imaynatachus tukukusqanta.

Isaías 27:9

Ajinamanta Jacobpa millay juchasnenqa perdonasqa kanqa. Chaytaj ruwasqa kanqa kay jinata ruwanan kajtin: Tukuy altaresninta cal rumista jina jallp'aman tukuchinan kajtin, amaña yupaychana k'ulluspis kachunchu, amataj intiman rijch'akoj lantispis.

Isaías 33:24

Mana pipis ima nenqachu: Onqosqa kani nispaqa. Sión llajtapi tiyakojkunaj juchasninkuta Diosqa pampachanqa.

Isaías 35:4

Manchachikojkunaman niychej: Kallpachakuychej, amataj manchachikuychejchu; qhawariychej Diosniykichej jamushan salvasunaykichejpaj enemigosniykichejmantaj pagota qonampaj.

Isaías 43:25

Noqarí, noqa kikiyta munakusqayrayku chay millay juchaykichejta pichani. Chay juchasniykichejmantaqa manaña yuyarikusajchu.

Isaías 44:22

Noqa juchasniykitaqa uj phuyuta jina chinkarichini, mana kasukusqaykitataj urphuta jina. Noqaman kutirimuy, noqamin qantaqa salvarqayki.

Isaías 49:25

Señortaj nin: Cheqamanta jap'isqa runaqa chay jina kallpayoj soldadoj makinmanta qhechusqa kanqa; uj jap'isqapis uj sujsojkiri runaj makinmanta qhechusqa kanqa. Noqa kutichisaj, quejasojniykiwan yachanakusaj, noqa kikiytaj wawasniykitaqa qhechumpusqayki.

Isaías 51:17

Jerusalén, rijch'ariy, rijch'arikuy, sayarikuy; qanqa Señorpa k'ajaj phiñakuyninta kikin makinmanta jap'ispa ujyarqanki. Qanqa machachej Señorpa phiñakuynin copamanta, qhonchuntinta ujyaykorqanki.

Isaías 53:5

Payqa nanachisqa karqa Diosta mana kasusqanchejrayku. Juchanchejrayku tukuy ukhun t'unasqa karqa. Pay jasut'ita jap'ikusqanrayku sonqo tiyakuyta apamuwarqanchej, chay jina k'irisqa kasqanwantaj jampisqas kanchej.

Isaías 53:6

Tukuyninchej ovejas jina chinkaraporqanchej, sapa ujpis ñanninkutakama riporqanku. Chaywampis Señorqa tukuyninchejpa juchasninchejta payman q'epiricherqa.

Isaías 54:15

Pichus qanta maqaj sayaykamusonqa chayqa, mana noqaj kamachisqaychu. Pillapis qampa contraykipi jatarejqa ñaupaqeykipi urmanqa.

Isaías 54:17

Mana mayqen arma ruwasqankupis qantaqa chinkachisonqachu, pichus contraykita parlajtaqa juezpa ñaupaqempi ch'inyachillankipuni. Kay imasta noqaqa kasuwaj kamachisniymanqa qoni, atipayninkupis noqamanta llojsenqa, nispa Señorqa nin.

Isaías 55:7

Juchasapaqa sajra puriyninta saqechun. Sajra runaqa imatachus yuyasqasninta saqechun. Señorman kutirichun, imaraykuchus paymanta khuyakonqa. Diosman kutirichun. Payqa perdonanqapacha.

Isaías 6:7

Chaywan simiyman churawaspataj niwarqa: Qhaway, kay ninaqa simiykiman chayan. Kunanqa juchaykeqa qhechusqa, juchaykimanta llimphuchasqataj kanki.

Isaías 61:7

Chay jina p'enqaypi kasqaykichejmanta, chay jina chejnisqa mana allimpaj qhawasqa kasqaykichejmanta, may jina allimpaj qhawasqas kankichej, wiñaypaj kusikuyniyojtaj,

Isaías 66:13

Imaynatachus mamaqa wawanta kusichin, ajinallatataj noqapis qankunataqa kusichisqaykichej; chay kusiytaqa Jerusalempi tarinkichej.

Jeremías 16:18

Jinapis, ñaupajtaqa uj jinatawan pagachikusaj tukuy sajra ruwasqasninkumanta, jinataj juchasninkumantapis, imaraykuchus jallp'ayta ch'ichicharqanku chay millay wañusqa lantisninkuwan, paykuna ruwarqanku chay mana munasqay imasta, chayaqepaj jina qorqani chay tukuy jallp'api.

Jeremías 17:18

Qhatiykachawajkunata p'enqaypi rikhurichiy. Paykunalla mancharikuchunku, amataj noqaqa. Paykunaj patankuman ñak'ariykunasta apachimuy, tukuyninkuta kutin kutinta phirirpariy.

Jeremías 29:11

Noqa yachani imastachus qankunapaj wakichishasqayta, chaykunaqa qankuna allinta kausakunaykichejpaj, manataj ima sajrapis qankunaman jamunampaj, jinamanta jamojpi allin kajta suyasqaykichejman jina jap'inaykichejpaj. Noqa Señor chayta nini.

Jeremías 51:10

Señorqa cheqan ruwasqasninchejta sut'incharqa. Jamuychej, Sión orqopi willamusunchej, Señor Diosninchej imatachus ruwasqanta.

Lamentaciones 4:22

Sión llajta, jasut'iyniykeqa tukukun. Manaña jayk'ajpis kunanmantaqa maymampis Señorqa apachisonqachu. Chaywampis, Edom nación, juchaykitaqa Señor jasut'enqa. Juchaykitaqa imaynamantapis sut'imampuni orqhonqa.

Ezequiel 16:42

Chaypachataj phiñakuyniyta qampi thasnusaj, tumpasunaypis manaña kanqachu. Samarikusaj, manañataj astawampis phiñakusajchu.

Daniel (hebreo) 11:35

Yachayniyojkunamanta wakin qhatiykachisqasllataj kanqanku. Ajina ñak'ariywan, paykunaqa llimphuchasqas, sumajyachisqas, yurajyachisqastaj kanankupaj, tukukuypaj wakichisqa rato chayamunankama.

Daniel (hebreo) 12:4

Qantaj Daniel, kay imastaqa sonqoykipi pakay, sellaykuytaj librota tukukuy p'unchay chayamunankama. Ashkha runas kayman jaqayman puriykachanqanku, astawan yachayta munaspa.

Daniel (hebreo) 12:9

Paytaj kutichiwarqa: Daniel, ñanniykita rillaypuni, kay imasqa pakayllapirajpuni kanqanku, tukuykuy p'unchay chayamunankama.

Daniel (hebreo) 9:12

Kay jatun jasut'ita apachimuspa qan junt'anki imatachus niwasqaykuta, noqaykuman, jinallataj kamachejkunamampis. Manapuni mundontimpi karqachu jayk'ajpis, Jerusalenman chayamun chay jasut'iman rijch'akojqa.

Daniel (hebreo) 9:2

Ñaupaj kaj watata rey kashajtin, noqa Daniel, Diospa palabranta leekusharqani profeta Jeremiaspa librompi, qanchis chunka watas junt'akuna kasqanta Jerusalén urmanampaj, profeta Jeremiasman Señorpa nisqanman jina.

Oseas 2:14

Chayrayku munakuyta qallarisaj, ch'in pampamantaj pusaspa chaypi sonqonman parlamusaj.

Oseas 2:16

Chaypacha, Baalníy nispa ninawantaqa, qosáy, niwanqañataj. Noqa Señor chayta nini.

Habacuc 2:3

Chaywampis manaraj chayamunchu rikusqayniykiman jina junt'akunanqa, chaywampis mana junt'akuspaqa mana qhepakonqachu. Qhaparejmanña rijch'asunki chaypis suyarillay, chaypaj junt'akunan tiempoqa chayamullanqa.

Sofonías 3:15

Señorqa qhechun contraykipi karqa chay juchachaytaqa. Contrarioyki karqanku chaykunatataj karunchan. Israelpa Señornenqa, Reynintaj qanwan khuska kashan. Mana ima sajrataqa manchachikunaykeqa kanqachu.

Zacarías 1:13

Noqaman parlaj chay angelmantaj Señor kuticherqa, sonqochakoj palabraswan, kaytataj Señorpa angelnenqa kamachiwarqa sut'inchanayta, nispa: Kay jinata nin Tukuy Atiyniyoj Señorqa: Noqa sinch'ita munakuni Jerusalenta, Sión orqotapis.

Zacarías 1:15

Chayrayku sinch'ita k'ajarin phiñakuyneyqa, mana ni imamanta yuyarikojkunaj contrampi, maypachachus pisillataraj phiñakorqani. Chaypachaqa paykunaqa astawan juchawan yapaykukorqanku.

Zacarías 9:12

Qankunapis, waj llajtamanta wijch'usqas, suyayniyojraj kajkuna chay pakakuna sumaj wasisniykichejman kutipuychej! Niykichejña bendicionesniyta qonasuykichejta may chhika ñak'arisqaykichejmanta uj jinatawanraj.

Hechos 1:7

Jesustaj kutichispa nerqa: Qankunaqa mana yuyanaykichejchu tiyan mayk'ajchus, chayrí ima horatachus Dios Tata jatun atiynimpi chay imasta ruwanan kasqantaqa.

Gálatas 4:4

Chantá p'unchaykuna junt'akojtintaj, Dios kachamorqa Churinta, ley kamachishajtin, uj warmimanta nacikojta.

Apocalipsis 18:6

Payman kutichipuychej, imaynatachus qankunaman qorqasunkichej ajinata; ruwasqasninman jinataj iskay kutitawan kutichipuychej, ima copapichá qankunaman ujyachisorqachej, chayllapitaj iskay kutitawan ujyachiychej.