Isaías 40:18 - Qheshwa Biblia DC

¹⁸ Pimantaj qankunaqa Diosta rijch'achinkichejri? Chayri ima lantimantaj rijch'achinkichejri?

DIOSPA QHELQACHISQAN DEUTEROCANONICAL

¹⁸ Tata Diosta imawantaj rijch'anachisunmanri? Chayrí imaynatataj lantita payman rijch'akojta ruwasunmanri?

DIOSPA QHELQACHISQ

¹⁸ Tata Diosta imawantaj rijch'anachisunmanri? Chayrí imaynatataj lantita payman rijch'akojta ruwasunmanri?

Isaías 40:18 ပူးပေါင်းရင်းမြစ်များ

Job 40:9

Qanqa noqa jina atiyniyojchu kanki? Qampa qhon qhon parlayniyki noqaj qhon qhon parlayniy jinachu?

Salmos 113:5

Señor Diosninchej jinaqa mana pipis kanchu; payqa janaj pachapi kamachin.

Salmos 89:6

Ni ima diospis, ni pipis cielopi kajkunamanta, qan jinata kanchu, Señor.

Salmos 89:7

Qanqa Diosmin kanki, manchachikunataj, cielopi kausajkunawan muyurisqa.

Salmos 89:8

Señor Tukuy Atiyniyoj Dios. Pitaj qan jina atiyniyojri? Cheqa kaywan muyuykusqa kanki. Manataj qan jinaqa pipis kanchu.

Éxodo 15:11

Ay, Señor, pitaj qan jinari, dioskunaj chaupimpiri? Ni pipis qan jina llimphu santo kanchu. May jina t'ukuna imasta ruwanki, mana yuyay atinasta, musphanapaj jina.

Éxodo 20:4

Ama ni ima lantita ruwakunkichu, ni patapi cielopi kajman rijch'akojta, ni urapi jallp'api kajman rijch'akojta, nitaj yakuspi kajman rijch'akojtapis.

Éxodo 8:10

Faraonqa nerqa q'ayapacha, nispa. Moisestaj nerqa: Qampa munasqaykiman jina mañasaj, ajinamanta qan rejsinaykipaj, Señor Diosniyku jinaqa mana pipis kasqanta.

Éxodo 9:14

Kunan kutipeqa tukuy jasut'iykunasniyta apachimusqayki qampa contraykipi, yanapajkunasniykej contranta, runasniykej contranta ima. Ajinamanta yachanaykipaj, mana pipis kay jallp'a patapi noqa jina kasqanta.

Isaías 40:25

Santo Diosqa tapurin: Pimantaj rijch'achiwankichejri? Pitaj noqa jina kanmanri?, nispa.

Isaías 44:6

Tukuy Atiyniyoj Señorqa, Israelta salvaj reyqa ajinata nin: Noqamin kani qallariytaj tukukuytaj. Noqamanta astawan waj diosqa mana kanchu.

Isaías 46:5

Pimantaj rijch'achiwankichej; noqa jinaqa pitaj kanmanri?

Isaías 46:9

Yuyarikuychej ari ñaupamantapacha imaschus kasqanta. Noqalla Diosqa kani. Noqamanta astawan waj mana kanchu, manataj kanchu ujllapis noqaman rijch'akojqa.

Jeremías 10:1

Uyariy, qan Israel ayllu; kay willayta Señorqa apachimusunki.

Jeremías 10:16

Waj jinapuni kay tukuy imasta ruwajqa, chaymin Jacobpa Diosnenqa. Paymin Israel aylluta paypata kanampaj ajllakorqa. Tukuy Atiyniyoj Señormin sutenqa. Profetaqa nin:

Jeremías 10:6

Señor, mana pipis qan jina kanchu: Qanqa jatun kanki, sutiykeqa may jatun atiyniyojtaj.

Miqueas 7:18

Mana waj qan jina Diosqa kanchu, imaraykuchus qanqa juchasninkumanta perdonanki, qonqapunkitaj kay uj chhika puchoj aylluykej juchasninmanta. Qanqa munakuyniykita rikuchiwayku, manataj wiñaypajchu phiñakunki.

Hechos 17:29

Diospa mirayninmanta kanchej chayqa, mana yuyananchejchu tiyan Diosqa rijch'akusqanta qori, qolqe, rumi lantiman ima. Chaykunaqa, runaj yuyayninman jinalla ruwasqas kanku.

Deuteronomio 33:26

Jesurumpa Diosninmanqa ni ima diospis rijch'akuchunchu. Chay Diosqa janaj pachamanta phuyus patapi rikhurimun, Israel ayllunta yanapanampaj.

Deuteronomio 4:15

Señorqa mayk'ajchus Horeb orqopi nina lauraj chaupimanta parlapayamusorqachej, chaypacha qankuna mana rikorqankichejchu ima rijch'ajchus kasqanta. Chayrayku sumajta qhawakuychej ama urmanaykichejpaj.

Colosenses 1:15

Cristoqa mana rikukoj Diospa rijch'ayninmin. Pay karqa tukuy ima ruwasqasmanta ñaupaj nacej.

Hebreos 1:3

Paytaj Diospa k'anchaynimpa lliphipiynin kaspa, Dios kaynimpa kikin rijch'aynintaj, tukuy imata palabrampa atiyninwan sayachin, pay kikintaj juchasninchejta pichaspa, jatun kajpa pañanman janaj pachapi tiyaykukorqa.

1 Samuel 2:2

Mana qan jina pipis santoqa kanchu Señor! Mana waj kanchu qanmanta nisqaqa, nitaj waj pakakuna chhankapis Diosniyku jinaqa.