Isaías 40:11 - Qheshwa Biblia DC

¹¹ Uj michej jina ovejasninta michin, corderosta makisninwan marq'arikun, uñayoj kajkunatataj allinta pusanqa.

DIOSPA QHELQACHISQAN DEUTEROCANONICAL

¹¹ Ayllunta qhawanqa, imaynatachus uj michej ovejankunata michin, ajinata. Corderokunata makinpi marq'arikonqa, uñachakojtataj alliyllawan pusanqa.

DIOSPA QHELQACHISQ

¹¹ Ayllunta qhawanqa, imaynatachus uj michej ovejankunata michin, ajinata. Corderokunata makinpi marq'arikonqa, uñachakojtataj alliyllawan pusanqa.

Isaías 40:11 ပူးပေါင်းရင်းမြစ်များ

Génesis 33:13

Jacobtaj nerqa: Munasqa wauqéy, yachanki jina wawasniy pisisllaraj kanku, chantapis ovejasniy, wakasniy juch'uy uñasniyoj kanku, sayk'uspa uj p'unchayllachari wañurankuman.

Génesis 49:24

Josejtari makisnin manchay kallpasniyoj. Pay sumajta arcosta jap'in. Jacobpa atiyniyoj Diosninrayku, Israelta michejninrayku, waqaychajninraykutaj.

Salmos 100:3

Yachaychej Señorqa Dios kasqanta. Pay ruwawarqanchej, manataj noqanchej kikinchejchu ruwakorqanchej, Paypa ayllun kanchej, q'omer pastosninmanta ovejasnintaj.

Salmos 27:10

Tata mamay saqerpariwajtinkupis, Señorqa mana saqerpariwanqachu.

Salmos 28:9

Señor, aylluykita salvay, qampata kajkunatataj yanapay. Pusaykachay, waqaychay, ovejata michej jina waqaychay, wiñaypajtaj ichurikuspa pusaykachay.

Salmos 37:3

Señorpa atienekuy, allin kajtataj ruway. Kay jallp'api kausakuy, sonqo junt'asqataj tiyakuy.

Salmos 80:1

Israelta michej, uyariy, José aylluta tropaykita jina pusanki, querubinespa patampi tiyakoj k'anchaykamuy.

Isaías 42:3

Lajrasqa soqosota mana p'akenqachu, nitaj ñak'ayllata larwashaj mecherotapis wañuchenqachu. Cheqan sonqowan cheqan kajta ruwanqa.

Isaías 63:11

Chaypacha payqa kamachin Moisesmanta, ayllun israelitasmantawan yuyarikorqa nerqataj: Maytaj kunan mar qochamanta wicharichimusorqachej, ovejasta jina michejnintawan khuska, chayri? Maytaj kunan Santo Espiritunta israelitaspa chaupinman churarqa chayri?

Jeremías 31:10

Naciones Señorpa palabranta uyariychej, mar qochaj karu cantosnimpi willaramuychej, nimuychejtaj: Señorqa Israel ayllunta ch'eqeracherqa. Jinapis tantaykamonqa, waqaychanqataj imaynatachus uj michejqa ovejasninta waqaychan ajinata.

Jeremías 31:8

Kutichimusqaykichej chay pata jallp'asmanta, tantaykusqaykichejtaj kay pachaj tukuy k'uchusninmantapacha. Paykunawan jamonqanku lerq'os, wist'us, wijsallisqa warmis, nacechikojkuna ima. Manchay ashkhapuni kutimonqanku.

Ezequiel 34:15

Noqa ovejasniytaqa michikusaj, noqallataj puñuchikusaj, nin Señorqa.

Ezequiel 34:16

Chinkasqasta noqa mask'amusaj. Ch'eqerasqasta tropanman kutirichimusaj. Chakin p'akisqata trapowan mayt'uykusaj. Tulluyajkunata kallpacharisaj. Kallpayojkunata, wira kajkunatataj allinnimpaj qhawasaj. Maychus kajta noqa qhawasaj.

Ezequiel 34:23

Noqa David kamachiyta kutirichimusaj, payta ovejasniyta michinampaj churasaj. Pay ovejasniymanqa sumaj pastosta mikhuchipuwanqa, sumajtataj qhawanqa.

Ezequiel 34:31

Qankunaqa ovejasniy kankichej, sumaj pastosniyoj jallp'api kaj tropa ovejasniy. Noqataj Diosniykichej kani, nin Señorqa.

Ezequiel 37:24

David kamachiy paykunaj reyninku kanqa, uj k'acha michejniyojlla tukuninku kanqanku. Leyesniyta kasonqanku, kamachisqasniytataj ruwaspa junt'anqanku.

Miqueas 5:4

Reyqa jatarikonqa michinampaj chay Israel ayllunta tukuy atiywan, Señor Diospa jatun kaynimpitaj, paykunataj sonqo tiyasqa kaypi tiyakonqanku, imaraykuchus Señor jatunchasqa kanqa tukuy jallp'aj cantosninkama.

Miqueas 7:14

Señor, waqaychay Israel aylluykita, qampata kaj ovejasniykita, imaraykuchus sapallanku sach'as ukhupi kashanku, chay muyuyninkupitaj poqoj jallp'as karishanku! Ñaupa tiempospi jina apay chay Basán jinataj Galaad pastosman.

Zacarías 11:7

Jinaqa, wañuchinapaj t'aqasqa karqa chay ovejasta michej churakorqani. Chayta ruwarqani rantejkunaj cuentankupi. Chaymanta iskay tojnusta oqharikorqani; ujninta suticharqani khuyakuyta, chay ujnintataj ujchakuyta.

Zacarías 13:7

Tukuy Atiyniyoj Señorqa nillantaj: Oqharikuy, espada, michejpa contrampi, yanapajniypa contrampitaj! Wañuchiy chay michejta ovejasniytaj ch'eqeranqanku, juch'uy kaj corderosninmantaj noqa kutiykukusaj!

Hebreos 13:20

Sonqo tiyachej Diosqa, pichus wañusqakunamanta kausarichimorqa Señorninchej Jesucristota, ovejaspa jatun michejninta, wiñay tratoj yawarnimpi, tukuy ima allin ruwaypi qankunata wakichichun, paypa munayninta ruwanaykichejpaj. Ajinata qankunapi pay ruwachun imachus ñaupaqempi allin kajta Jesucristonejta. Payman janaj pacha k'anchay kachun, wiñaypa wiñayninkama. Amén.

1 Pedro 2:25

Ñaupajtaqa chinkasqa ovejas jina karqankichej; kunantaj kutiripunkichejña almaykichejpa michejnin Cristoman.

1 Pedro 5:4

Jatun michej rikhurimojtintaj, mana ismoj, lliphipej pilluta jap'inkichej.

Apocalipsis 7:17

Trono chaupipi kashaj Corderoqa paykunata michenqa, kausaj yaku pujyusninmantaj pusanqa. Diostaj paykunaj ñawisninkumanta tukuy waqayta pichanqa.