Isaías 4:4 - Qheshwa Biblia DC

⁴ Chayqa kanqa maypachachus Señor Siompi kaj warmispa ch'ichi kayninkuta mayllajtin, jinallataj Jerusalempi yawar jich'asqankuta pichajtin, Señor tukuy atiyninwan cheqanchajtin, jasut'ejtintaj.

DIOSPA QHELQACHISQAN DEUTEROCANONICAL

⁴ Chay kanqa, maypachachus Tukuyta Kamachej Dios juicionwan, ninawan ima Sionpa ch'ichi kayninta llimphuchanqa, jinallataj Jerusalenpi yawar jich'asqankuta pichanqa, chaypacha.

DIOSPA QHELQACHISQ

⁴ Chay kanqa, maypachachus Tukuyta Kamachej Dios juicionwan, ninawan ima Sionpa ch'ichi kayninta llimphuchanqa, jinallataj Jerusalenpi yawar jich'asqankuta pichanqa, chaypacha.

Isaías 4:4 ပူးပေါင်းရင်းမြစ်များ

Salmos 51:2

Sajra kayniyta mayllaway. Juchasniymanta llimphuchaway.

TAKIYKUNA 3:11

Sión llajtapi kaj sipaskuna, llojsimuychej, Rey Salomonta qhawarej. Payqa kashan umampi k'acha pilluyoj; chay pillutaqa casarakushajtin maman pillucherqa, mayta kusikusharqa chay p'unchaypi.

Isaías 1:15

Qankuna mañakunaykichejpaj makisniykichejta oqharejtiykichej, mana qhawarisqaykichejchu; ashkha kutitapis mañakuychej, noqaqa mana uyarisqaykichejchu, imaraykuchus makisniykichejqa yawarwan may ch'ichichasqa.

Isaías 1:25

Makiyta watejmanta oqharisaj qampa contraykipi, ruphachisajpuni tukuy q'opaykita, tukuy ch'ichiykimantataj llimphuchasqayki.

Isaías 1:31

Kallpayoj kajqa ichhuman tukonqa, ruwasqasnimpis nina phawajman tukonqa, iskaynintaj ujllapi larwarenqanku, nitaj pipis thasnoj kanqachu.

Isaías 27:9

Ajinamanta Jacobpa millay juchasnenqa perdonasqa kanqa. Chaytaj ruwasqa kanqa kay jinata ruwanan kajtin: Tukuy altaresninta cal rumista jina jallp'aman tukuchinan kajtin, amaña yupaychana k'ulluspis kachunchu, amataj intiman rijch'akoj lantispis.

Isaías 28:6

Jinallataj cheqanchajkunata yuyaychanqa, llajtata jark'aj soldadostapis kallpachanqa.

Isaías 9:19

Tukuy Atiyniyoj Señorpa phiñakuynenqa jallp'ata manchayta kharkatichin, runasqa nina enqhampaj llant'a jina kanku. Runaqa, runa masinta mana khuyanchu, sapa ujtaj mikhunakunku.

Isaías 9:5

Soldadospa sonachinanku zapatos, yawar rara p'achasninku ima, ruphachisqas, q'olachisqastaj kanqanku.

Jeremías 9:6

Señor nillantaj: Qhepampi qhepampi mana allin ruwaylla, qhepampi qhepampi llullakuylla, aylloyqa mana rejsikapuyta munawanchu.

Lamentaciones 1:9

P'achanqa millay ch'ichi kashan, manataj yuyarikusqachu imaynatachus tukukunanmanta. Chayrayku payqa mana yuyasqamanta urmarparin, manataj pipis sonqochaykurej kanchu. Qhawariway ari Señor, llakiyniyta, enemigosniypis manchayta wapuykachasqankuta.

Ezequiel 22:15

Tukuy nacionesman ch'eqerachisqayki, tukuy jallp'asman wijch'usqayki, tukuynin juchasniykimantataj llimphuchasqayki.

Ezequiel 36:25

Llimphu yakuwan mayllasqaykichej, tukuy ch'ichi kausayniykichejmanta llimphuchasqas kankichej. Tukuy qhasi mana kaj dioskunamantapis t'aqasqaykichej.

Ezequiel 36:29

Ama ch'ichichakunaykichejpaj noqa waqaychasqaykichej. Trigota poqochipusqaykichej, manataj ujtawan yarqhaywan ñak'arichisqaykichejñachu.

Sofonías 3:1

Way qanmanta Jerusalén, mana kasukoj llajta, ch'ichichasqa, mana khuyakuyniyojtaj.

Zacarías 13:1

Jaqay tiempopeqa, yaku juturi kicharisqa kanqa, Davidpa ayllusnin jinataj Jerusalempi tiyakojkunajpa millay juchasninku pichasqa kanampaj.

Malaquías 4:1

Tukuy Atiyniyoj Señorqa nin: Horno jina lauraj p'unchay qayllamushan, mayqempichus tukuy jatunchakojkuna, tukuynin sajra runastaj ichhu jina ruphanqanku. Chay jamoj p'unchaypi paykunata tukuyninkuta q'olanqa, nitaj imapis chaypacha paykunamanta puchonqachu.

San Mateo 23:37

Jerusalén, Jerusalén, profetasta wañuchej, qanman kachamusqastapis rumiswan ch'anqaj! Mashkha kutitachus wawasniykita tantayta munarqani, imaynatachus wallpa chillwisninta lijrasnin uraman tantaykun ajinata, qantaj mana munarqankichu.