Isaías 37:3 - Qheshwa Biblia DC

³ Chayaspataj Isaiasman willarqanku: Kay jinata nin rey Ezequías: Kunan p'unchayqa may llakiypi tarikunchej, may k'amisqa, k'umuykachachisqataj. Imaynachus uj onqoj warmeqa onqokunampachapi mana kallpayoj llauch'ipacha tarikun, ajinata rikhurinchej.

DIOSPA QHELQACHISQAN DEUTEROCANONICAL

³ Chayaspataj, Isaiasman willarqanku: Kay jinata nin kuraj kamachej Ezequías: Kunan p'unchay may llakiypi kashanchej, turiyasqa, k'umuykachachisqataj. Imaynachus wijsallisqa warmi paqarichikunanpachapi mana kallpayoj llawch'ipacha kashan, ajinata rikhurinchej.

DIOSPA QHELQACHISQ

³ Chayaspataj, Isaiasman willarqanku: Kay jinata nin kuraj kamachej Ezequías: Kunan p'unchay may llakiypi kashanchej, turiyasqa, k'umuykachachisqataj. Imaynachus wijsallisqa warmi paqarichikunanpachapi mana kallpayoj llawch'ipacha kashan, ajinata rikhurinchej.

Isaías 37:3 ပူးပေါင်းရင်းမြစ်များ

2 Reyes 19:3

Rey Ezequiasqa kay jinata nin: Kunan p'unchayqa may jatun llakiymin jasut'i p'unchay, p'enqay p'unchaytaj, imaraykuchus wawasqa nacenapaj jina kashanku, pichus nacichikojtaj mana kallpayojñachu kashan.

2 Crónicas 15:4

Jinapis llakiynimpi, Israel aylloqa, Israelpa Señor Diosninman kutirikuspa mask'ajtenqa, payqa tarichikorqa.

Salmos 50:15

Llakiy p'unchaypi wajyakuway, noqa librasqayki, qantaj jatunchawanki.

Salmos 91:15

Pay wajyawajtin, noqa uyarisaj, noqapuni paywan kasaj; llakiypipis noqa paywan kasaj. Libraspataj allinman payta churasaj.

Salmos 95:8

Ama Meribapi jinaqa sonqoykichejta rumiyachiychejchu, chay p'unchaypi jina, Masahpi, chay ch'in pampapi.

Isaías 22:5

Tukuy Atiyniyoj Señorqa nerqa qhaparina llakiy atipachikuna p'unchay chayamunanta. Hinom vallepitaj perqasta urmachinku, qhapariykunataj orqosman chayan.

Isaías 25:8

Señorqa wañuyta wiñaypaj chinkachenqa; tukuypaj waqayninta Señorqa pichanqa; ayllumpa mana allimpaj qhawasqa kayninkutataj tukuy jallp'amanta chinkachenqa. Ajinata Señorqa nin.

Isaías 26:16

Chay jina llakiypi tarikuspa qanta mask'asorqayku, Señor; ajinata jasut'iwajtiyki astawan mañakorqayku.

Isaías 29:2

Chaymanta Arielta llakiypi rikhurichisaj. Chaypi llakiy waqay kanqa. Chay llajtaqa noqapajqa Ariel jinapuni kanqa.

Isaías 33:2

Señor, noqaykumantaqa khuyarikuwayku ari. Noqaykoqa qantapuni suyayku. Qanqa tutamanta yanapawajniyku kay ari, llakiy tiempopipis salvajniyku kay ari.

Isaías 66:7

Manaraj onqokunampi wawata nacichinña, manaraj wijsa nanay jap'ishajtin, uj qhari wawata nacichinña.

Isaías 66:9

Noqa ajinata onqochejqa, manachu kunan nacichichiyman?, nispa Señorqa nin. Noqa ajinata paqarichishaspaqa, nacinanta jark'aymanchu karqa?, nispa Diosniykeqa nin.

Jeremías 30:7

Uj jatun ñak'ariy p'unchay qayllamun, chay jina p'unchayqa mana ujtawan kanqachu. Uj llakiy p'unchaykuna Jacobpa ayllumpaj kanqa, chaywampis salvakonqa.

Oseas 13:13

Israelpaj chayamun nacechikunan rato, jinapis chay wawari may wampu kasqa, mana allinmanta nacekamunampaj jinallapis cheqanchakorqachu, mana nacekamuyta munaspa.

Oseas 5:15

Jinata ruwaytawankama tiyakunay llajtayman kutimpusaj, juchasniyoj kasqankuta reparakuytawankamataj mask'aj jamunawanku. Ñak'ariypi rikhurisparaj mask'aj tukuwanqanku!

Oseas 5:9

Efraenqa q'ala pampachasqa kanqa jasut'i p'unchay chayamojtenqa. Chayta rejsichini Israel ayllukuna ukhupi, kay tukuy imasqa cheqamanta qhatirenqanku.

Apocalipsis 3:19

Tukuy munakusqasniyta k'amini, jasut'initaj. Sonqochakuy ari, juchamantataj kutirikuy.