Isaías 30:9 - Qheshwa Biblia DC

⁹ Kay runasqa mana kasukoj kanku llulla wawas jina. Diospa kamachisqanta mana uyariyta munajkuna wawas jina kanku.

DIOSPA QHELQACHISQAN DEUTEROCANONICAL

⁹ Kay runakunaqa mana kasukoj kanku, llullataj, manataj ni imarayku Tata Diospa kamachisqanta uyariyta munankuchu.

DIOSPA QHELQACHISQ

⁹ Kay runakunaqa mana kasukoj kanku, llullataj, manataj ni imarayku Tata Diospa kamachisqanta uyariyta munankuchu.

Isaías 30:9 ပူးပေါင်းရင်းမြစ်များ

2 Crónicas 33:10

Señor parlarqa Manasesman tukuy llajtantinman, paykunataj mana kasorqankuchu.

Salmos 78:8

amataj ñaupa tatasninku jina kanankupaj: Wampus, Diospa contranta oqharikojkuna, sonqonkupitaj iskayta yuyajkuna, Diosta mana kasukoj runa mitas.

Salmos 81:12

Chayrayku munasqampi saqerqani; yuyasqankuman jinataj kausarqanku.

Proverbios 28:9

Sichus pipis Diospa kamachisqanta mana uyarinchu chayqa, Diospis willachikuspa, manallataj chay runaj mañakusqantaqa uyarenqachu.

Isaías 1:10

Sodomata kamachejkuna, uyariychej Señorpa palabranta. Gomorra llajta, allinta uyariy Diosninchejpa yachachisusqanta.

Isaías 1:2

Janaj pacha, kay pacha ima, uyariychej Señorpa nisqanta: Wawasta uywarqani jatuchaj kanankukama, paykunataj contraypi sayaykukunku.

Isaías 1:4

Ay, juchasapa runas, sajra kajta q'epirisqa ayllu, millay kajpa miraynin, qhenchachakoj wawas! Paykunaqa Señormanta karunchakunku, Israelpa cheqa kaj Diosninmanta t'aqakunku. Payta wasanchanku.

Isaías 10:5

Asiria, qanqa phiñakuyniypi wajtanay k'aspi kanki, phiñakuspa oqharinay k'aspi kanki.

Isaías 10:6

Asiriosta juchasapa runasman kachasaj, k'ajajta phiñachiwaj llajtaman pusasaj, imankuchus kajta, kapuyninkutapis qhechumunampaj, callespi t'uruta jina sarunampaj.

Isaías 24:5

Jallp'aqa chaypi tiyakojkunanejta ch'ichichasqa; imaraykuchus leyesta p'akinku, kamachisqasta mana kasunkuchu, wiñaypaj ruwasqa tratota p'akinku.

Isaías 28:15

Qankunaqa ninkichej: Uj tratota wañuywan ruwayku, wañusqaspa tiyakunankuwan tratoyoj kayku; manchay jasut'i jamojtenqa mana chayamuwasqaykuchu. Chay pakakuyniykutaqa llullakuypi mask'ayku, jinallataj ch'aukiyaypi ima.

Isaías 30:1

Señorqa ajinata nin: Ay, mana kasukoj wawasniymanta. Paykunaqa imatapis wakichikunku mana tapuwaspalla. Paykunaqa tratota ruwakunku mana noqaj yuyaychasqallay. Chay jinamanta juchamanta jucha yapakunku.

Isaías 48:4

Chayqa karqa k'ullu kasqaykirayku, much'uykeqa fierro jina, frenteykipis bronce jina.

Isaías 5:24

Chayrayku, imaynatachus ninaqa ichhuta q'olaykun, larwaynintaj ch'aki laqhesta ujllata rupharparin, ajinata qankunaqa chinkarparinkichej. Saphinmanta ismoj yura jina, t'ikasnintaj ñut'u jallp'aman tukupun, ajinata. Qankunaqa Tukuy Atiyniyoj Israelpa Santo Diosnimpa kamachisqantaqa mana kasunkichejchu.

Isaías 63:8

Señorqa nerqa: Cheqamanta noqaj aylluy kanku, mana llullakoj wawas kanku, noqataj paykunata salvarqani, nispa.

Isaías 65:2

Sapa p'unchay chay mana kasukoj runasman makisniyta jaywani; paykunaqa mana cheqan ñantachu purishanku, sajra yuyayninkupi paykunaqa kasushanku.

Jeremías 35:14

Recabpa wawan Jonadabpa miraynenqa mana vinota ujyana kamachiyta junt'arqa. Paykunaqa kunan p'unchaykama mana ujyankuchu, imaraykuchus ñaupa tatankoj kamachisqasninta junt'arqanku. Noqapis qankunaman kutin kutinta kamachiykunasniyta qorqaykichej, jinapis qankunaqa mana kasuwankichejchu.

Jeremías 7:13

Jinapis kutin kutinta willarqaykichej imaynatachus purishasqaykichejmanta, qankunataj mana kasuyta munawarqankichejchu, nitaj kutichillawankichejpischu. Noqa Señor chayta nini.

Jeremías 7:28

Niy: Kaymin chay nacionqa Señor Diosninta mana kasojqa, nitaj kasukuyta munajqa. Chay cheqan kaj ruwayqa mana kanchu, manañataj ujtawan chaymanta parlallankupischu.

Jeremías 9:3

Imatapis llullakuspa nirinapajqa churasqas kanku, imaynatachus flechasmanta wach'inasta kacharinku ajinata. Kay jallp'apeqa llullakuylla junt'a kashan, manataj cheqa kajqa kanchu, jinamanta astawan astawan mana allin kayman rishanku. Mana rejsiyta munawankuchu, nispa kikin Señor nin.

Ezequiel 24:3

Kay mana kasukoj aylluman parlay uj rijch'anachinawan. Noqaj sutiypi kay jinata niy: Uj mankata nina chhaqaman churaykuy, yakutataj chay mankaman jich'aykuy.

Oseas 4:2

May chhikasta paykuna ukhupeqa qhasillamanta juranku, llullakunku, wañuchinakunku, suwanakunkutaj chantá chay qhencheríos, sajra ruwaykunas, wañuchinaykunaspis qhepampi, qhepampi kallampuni.

Sofonías 3:2

Señorpa parlasqanta mana uyarerqachu, nitaj cheqanyachikuytapis munarqachu. Señorpi mana confiakorqachu, manataj payman qayllaykorqachu.

Hechos 7:51

Estebanqa nillarqataj: Qankunaqa mana yuyayniyoj rumi sonqos, mana uyarikojtaj kankichej. Chayrayku Santo Espíritoj contrampi kankichej, ñaupa tatasniykichej jina, wapuchakunkichejtaj.

Deuteronomio 32:20

Nerqataj: Paykunata mana qhawasajchu, yachasajtaj imapichus tukukunankuta. Cheqamanta paykunaqa sajra runas kanku; paykunaqa tatankuta saqerpayaj wawas kanku.

Apocalipsis 21:8

Manchachikojkunarí, mana creejkuna, millay kajkuna, runa wañuchis, qhenchachakojkuna, layqakuna, lanti yupaychajkuna, tukuy llullakojkunapis, chayaqepaj jap'enqanku, ninawan azufrewan larwashan chay qochata. Chaymá iskay kaj wañoyqa.

Apocalipsis 22:15

Jawapitaj qhepakonqanku alqos, layqas, qhenchas, runa wañuchis, lantista yupaychajkuna, jinallatataj llullakuyta munakojpis, llullata ruwaj ima.