Isaías 3:8 - Qheshwa Biblia DC

⁸ Cheqamanta Jerusalenqa urmaykapun, Judapis thuñiykukun, imaraykuchus chaypeqa mana parlanasta parlanku, millay imasta Señorpa contranta ruwanku, Señorpa jatun kayninta qhesachaspa.

DIOSPA QHELQACHISQAN DEUTEROCANONICAL

⁸ Cheqapuni Jerusalén llajtaqa urmananpajña kashan. Judá suyupis urmallanqataj, imaraykuchus chaypi tiyakojkuna Tata Diospa contranta parlanku. Mana kamachisqanta kasunkuchu, paypa jatun kayninmantaj sayaykunku.

DIOSPA QHELQACHISQ

⁸ Cheqapuni Jerusalén llajtaqa urmananpajña kashan. Judá suyupis urmallanqataj, imaraykuchus chaypi tiyakojkuna Tata Diospa contranta parlanku. Mana kamachisqanta kasunkuchu, paypa jatun kayninmantaj sayaykunku.

Isaías 3:8 ပူးပေါင်းရင်းမြစ်များ

2 Crónicas 28:18

Jinallataj filisteospis Judá pampasnejpi kaj llajtasmanta, Neguevmanwan qhechuraj yaykusqanku. Jap'ikapusqankutaj: Bet-semesta, Ajalonta, Gederotta, jinallataj Socota, Timnata, Gimzota, ranchosnintintakama. Chaykunaspitaj tiyakapusqanku.

2 Crónicas 33:11

Chayraykumá Señorqa Asiriaj reynin soldadosnimpa kamachejkunasninta kachamorqa paykunaj contrankupi, chaykunataj presocharqanku Manasesta, fierro ganchoswan, broncemanta ruwasqa cadenaswan wataykuspa Babiloniaman apacherqanku.

Proverbios 26:27

Jusk'uta allajqa chayllamantaj urmaykun; jatun rumita tanqajqa, chayllawantaj p'altachikonqa.

Isaías 1:7

Jallp'aykichejqa ch'inman tukun, llajtaykichejtaqa ninawan q'olaykuchinku, kikin qankunaj ñaupaqeykichejpi enemigosniykichej tarpusqasniykichejta mikhunku. Tukuy ima qhepakun ch'impacha, imaynatachus Sodoma chinkachisqa karqa jina.

Isaías 49:19

Llajtaykeqa thuñispa chinkachisqa, ch'impacha. Kunantaj jallp'aykeqa kutimoj runasniykipaj pisi kanqa. Urmachisojkunataj karuman ayqenku.

Isaías 57:4

Pimantataj qankunaqa alqochakunkichejri? Pejpa contrantataj chhikan chhikanmanta parlankichej, qalluykichejtapis sik'inkichejri? Manachu qankunaqa juchaj wawasnin kankichej, llullakojkunaj miraynin?

Isaías 59:3

Qankunaj makisniykichejqa yawarlla kashan, maki dedosniykichejqa jucha ruwayllawan kashan; parlasqaykichejqa llullalla; simiykichejqa juchallata parlan.

Isaías 6:11

Noqataj taporqani: Señor, mashkha unaytataj kay kanqari?, nispa. Paytaj niwarqa: kayqa kanqa llajtas chinkachisqa kanankama, mana uj runayoj kanankama, wasis mana runayoj kanankama, chay campospis ch'in qhepakunankama;

Isaías 9:17

Chayrayku Señorqa mana khuyanchu waynasta, nitaj wajcha wawasta, nitaj viudastapis. Tukuyninku sajras kanku, juchasapastaj; tukuyninkutaj parlanku sajra palabrasllata. Chay tukuywampis, Señorpa k'ajaj phiñakuynenqa manarajpuni thasnukunchu, payqa jasut'inampaj makin oqharisqallarajpuni kashan.

Jeremías 23:36

Jinapis qankunaqa ama kay jinata parlaychejchu, Señorpa willaynin kayqa, nispa. Pillatajpis Señorpa palabran kasqanta ninman chayqa, chay kikin palabrasnillantataj uj q'epiman tukuchisaj. Qankunamin kausaj Diospa palabrasninta uj jinaman tukuchinkichej. Payqa Diosniykichej, Tukuy Atiyniyoj Señortaj.

Jeremías 26:6

Chaypajwanqa noqa ruwasaj kay Diosta yupaychana wasiwan imaynatachus Silopi ruwarqani ajinata. Kay llajtataj tukuypa rikunanta ñak'arichisaj, kay pachamanta tukuy naciones wananankupaj jina.

Jeremías 4:13

Qhawariychej, enemigosqa phuyu jina jamurishanku; ch'ajwapaj wakichisqa carretasninkoqa jatun muyoj wayraman rijch'akunku, caballosninkutaj ankasmantapis aswan sinch'i chakis kanku. Ay, imachus noqanchejqa chinkasqas kanchej!

Jeremías 44:3

Chay millay juchasta ruwasqasninkurayku, phiñachiwarqanku waj dioskunasllata yupaychaspa, inciensosta q'osñichispa; chay dioskunaqa mana imatapis ruwanankuchu karqa, paykunawan qankunawan, nitaj ñaupa tatasniykichejwampis.

Lamentaciones 1:9

P'achanqa millay ch'ichi kashan, manataj yuyarikusqachu imaynatachus tukukunanmanta. Chayrayku payqa mana yuyasqamanta urmarparin, manataj pipis sonqochaykurej kanchu. Qhawariway ari Señor, llakiyniyta, enemigosniypis manchayta wapuykachasqankuta.

Ezequiel 8:12

Niwarqataj: Runa, rikunkichu israelitaspa kurajkunasnin imastachus ruwashanku chayta, sapa ujninku kashanku pintasqa lantinkoj ch'ujllampi chayta? Paykuna yuyanku paykunata noqa mana rikushasqayta, kay naciontataj saqeshasqayta.

Ezequiel 9:9

Señortaj kutichiwarqa: Israel aylloj juchanqa may jatumpuni, jinallataj Judajtapis. Kay jallp'aqa wañunachikuywan junt'a kashan. Llajtapis sajra ruwaykunawan junt'asqa kashan. Paykuna yuyanku noqa kay nacionta saqepusqayta, imatachus ruwasqankuta mana rikusqayta.

Oseas 5:5

Israelpa runay kachasqanqa uyallanmantaj laq'akamun; Efraintaj kikin juchallampitaj misk'akun, Judapis paykunawan kuskallataj misk'anqa!

Oseas 7:16

Lantikunaman kutiporqanku; uj wist'u arcoj wach'in waj ladollaman ripun ajinata, paykunapis waj ladollaman ripunku. Phiña palabraswan parlasqankurayku kurajkunasninku t'ojsinaswan t'ojsisqas wañonqanku, Egiptopitaj paykunamanta asiykukonqanku.

Miqueas 3:12

Jinapis, qankunaj juchasniykichejrayku Diospa llajtan Jerusalenqa barbecho llank'asqaman tukonqa, wasispis phirisqa qolluman jinataj, Diospa yupaychana wasimpa orqontaj qhoraswan pakaykusqa kanqa.

Miqueas 6:12

Kay llajtamanta qhapaj kajkuna tukuyninku kaypi tiyakojkunamantaqa; ñak'arichejkuna kanku, llullas, ch'aukeyajkunataj kanku.

Habacuc 1:13

Qanqa ancha llimphupuni kanki sajra juchata jap'ikunayllaykipajqa, chay sajra ruwaykunatapis kusiywan qhawakunaykipajqa; imaynatataj ari qhawakullanki chay millay ruwajkunatari, ch'inllataj kanki uj sajra runa paymanta allin runa kajta wañuchinankamari?

1 Corintios 10:22

Chayri munanchejchu Señorta phiñachiyta? Chayrí astawan atiyniyojchu kanchej paymanta?