Isaías 27:1 - Qheshwa Biblia DC

¹ Chay p'unchaypi Señorqa, manchay atiyniyoj espadanwan manchayta phawaj Leviatán katarita jasut'enqa, manchayta ch'aukiyaj Leviatán katarita. Chantá mar qochapi kashaj dragontapis wañuchenqa.

DIOSPA QHELQACHISQAN DEUTEROCANONICAL

¹ Chay p'unchaypi Tata Diosqa jatun, manchay atiyniyoj espadanwan Leviatán sierpeta jasut'enqa, may jinata suchoj, ch'uwirakoj Leviatán sierpeta, mayqenchus mama qochapi tiyakun, chayta.

DIOSPA QHELQACHISQ

¹ Chay p'unchaypi Tata Diosqa jatun, manchay atiyniyoj espadanwan Leviatán sierpeta jasut'enqa, may jinata suchoj, ch'uwirakoj Leviatán sierpeta, mayqenchus mama qochapi tiyakun, chayta.

Isaías 27:1 ပူးပေါင်းရင်းမြစ်များ

Job 26:13

Ujta phukuspa janaj pachata picharparin, makinwan q'allpispa chay llusp'iy katarita wañuchin.

Job 3:8

Chay ch'isitaqa p'unchayta chejnejkuna maldicinanku karqa, ima atiyninkuwanchus Leviatanta wajyanku chaywan.

Job 40:19

Chayqa tukuy ima ruwanaypa qallariyniy, chaytaqa noqalla imaynachus ruwaj jina atipayta atini.

Job 41:1

Leviatanta anzuelowan orqhomuyta atiwajchu, chayri q'aytuwan qallunmanta watayta atiwajchu?

Salmos 104:26

Chaypi barcosqa kayman jaqayman rinku. Jatun challwa Leviatampis, mayqentachus chaypi phujllanampaj ruwarqanki.

Salmos 45:3

Wapu runa espadaykita chumpiykiman churay. Chay jinapi atiyniykipi k'achanchasqa kanki.

Isaías 26:21

Qhaway, Señorqa tiyakunanmanta llojsimonqa, jallp'a patapi tiyakojkuna paypa contranta juchallejkunata jasut'inampaj. Jallp'aqa manaña pakayta atenqachu yawar jich'asqata wañuchisqa kajkunatawan.

Isaías 51:9

Señorpa makin, rijch'ariy, rijch'ariy ari atiyniykiwan, imaynatachus unay ruwaj kanki jinata rijch'ariy, ñaupa tiempospi jina. Qan Rahabta t'unarparerqanki, chay mar qochapi sierpeta.

Isaías 65:12

Chayrayku, noqapis qankunaman espadata kachaykamusqaykichej. Tukuyniykichej ñak'asojkunaman qonqorikunkichej. Chhikata wajyashajtiy qankunaqa mana uyariwankichejchu. Qankunaqa parlapayashajtiy astawanraj mana uyarej tukunkichej, rikunayta tukuy ima sajrata ruwankichej. Imachus noqaman mana allinchu rijch'awan, chaytapuni qankunaqa ajllakunkichej.

Isaías 65:25

Atojwan ovejawanqa uj michejniyojlla kanqanku. Leonqa waka jina ichhuta mikhonqa. Katareqa ñut'u jallp'ata mikhonqa. Chay ajllakusqay lomapeqa manaña pipis llakichenqachu, manañataj ñak'arichenqankuchu paykunata, nispa nin Señorqa.

Isaías 66:16

Señorqa ninawan espadawantaj tukuyta cheqanchanqa, jinamanta Señorpa wañurachisqasnenqa ashkha kanqa.

Jeremías 47:6

Ay, Señorpa espadan, mayk'ajkamallataj samarikunkiri? Jallch'anaykiman yaykupuy, amaña kuyukuspa kakuy.

Jeremías 51:13

Qan Babilonia, jatuchaj mayus cantopi tiyakoj, may chhika qhapaj kapuykunasniyki tiyapusunki, ña chayamusunkiña tukukapunayki p'unchay, mayta munapayanayki ima.

Jeremías 51:34

Jerusalén Sión orqo llajtaqa nin: Babiloniamanta rey Nabucodonosorqa t'unata ruwawarqa, mikhuwarqataj, uj ch'usaj chuwata jina saqerpariwarqa. Mar qochamanta uj millay animalta jina oqoykuwarqa; noqamanta misk'i kajninwan sajsaykukorqa, noqamanta puchojtataj wijch'urparerqa.

Ezequiel 29:3

Kunanqa kay jinata parlay: Señorqa kay jinata nin: Egipto llajtapi kamachej faraón, sierpe, mayusniyki chaupipi winkhuraj, nishankitaj: Nilo mayoqa noqajta, noqa ruwarqani, nispa. chayrayku noqaqa contraykipi sayarini.

Amós 9:3

Carmelo orqo puntamampis pakakamuchunku, chaymampis risaj mask'aj; sichus ukhu mar qochaman pakakamuwanqanku chaypis, qocha ukhupi purej katarita kachaykusaj, chayñataj chinkachinampaj.

Apocalipsis 12:3

Waj señaltaj janaj pachapi rikukorqa: Uj jatun puka sierpe, qanchis umayoj, chunka wajrayoj, umasnimpitaj qanchis pilluyoj.

Apocalipsis 13:11

Chay qhepata, uj phiña animalta jallp'amanta wicharishajta rikorqani iskay wajrasniyojta, corderota jina, sierpe jina parlajta.

Apocalipsis 13:4

Sierpetataj yupaycharqanku, mayqenchus phiña animalman atiyta qorqa. Phiña animaltapis yupaychallarqankutaj, nispa: Pitaj chay phiña animal jina, pitaj paywan maqanakuyta atenqari?

Apocalipsis 16:13

Rikorqanitaj sierpej siminmanta, phiña animalpa siminmanta, llulla sut'inchajpa siminmantapis, kinsa millay supaykunata llojsejta jamp'atusta jina.

Apocalipsis 17:1

Chaypacha, qanchis angelesmanta pikunachus qanchis vasosta jap'isharqanku, chaykunamanta ujnin kaj jamorqa, parlapayawaspataj niwarqa: Kayman jamuy, qhencha warmej juchachasqa kasqanta rikuchisqayki. Payqa ashkha yaku patapi tiyasqa kashan.

Apocalipsis 17:15

Paytaj niwarqa: Chay ashkha yaku rikusqaykeqa, maypichus chay qhenchachakoj warmi tiyasqa kashan chayqa, llajtas kanku, ashkha runakuna, jatuchaj naciones, tukuy laya parlayniyojkuna ima.

Apocalipsis 19:21

Puchojkunataj wañuchisqas karqanku, caballopi lloq'asqa kajpa siminmanta llojsej espadawan. Tukuy p'isqostaj, q'arqañastaj aychasninkuwan sajsakorqanku.

Apocalipsis 2:16

Chayayku juchata saqey ari, manachayqa usqhayta jamusqayki, simiypi kaj espadawantaj paykunaj contrampi maqanakusaj.

Apocalipsis 20:2

Sierpetaj presocharqa chay ñaupa katarita, pichus supay, Satanás karqa. Paytataj waranqa watapaj wataykorqa.