Isaías 26:16 - Qheshwa Biblia DC

¹⁶ Chay jina llakiypi tarikuspa qanta mask'asorqayku, Señor; ajinata jasut'iwajtiyki astawan mañakorqayku.

DIOSPA QHELQACHISQAN DEUTEROCANONICAL

¹⁶ Tata Dios, may jina llakiypi rikhurispa, noqayku qanta mask'asorqayku. Allin ñanman churayta munaspa ñak'arichiwashajtiyku, qantapuni mask'arqayku.

DIOSPA QHELQACHISQ

¹⁶ Tata Dios, may jina llakiypi rikhurispa, noqayku qanta mask'asorqayku. Allin ñanman churayta munaspa ñak'arichiwashajtiyku, qantapuni mask'arqayku.

Isaías 26:16 ပူးပေါင်းရင်းမြစ်များ

Salmos 142:2

Ñaupaqempi phutiyniyta willakuni, ñaupaqempi llakiyniyta sut'inchakuni.

Salmos 27:8

Sonqoyqa qanmanta niwan: Señorta mask'ayki.

Salmos 42:4

Kaykunapi yuyani chayqa, llakiywan atipachikuni. Diospa wasinman pusasqayta, qhaparispa, kusiywantaj yupaychaspa, chaypachamá jatun fiesta karqaqa.

Salmos 50:15

Llakiy p'unchaypi wajyakuway, noqa librasqayki, qantaj jatunchawanki.

Salmos 77:3

Diosmanta yuyarikuspa waqani. Yuyayniyman churakusaj nini, kallpaytaj pisiyan.

Salmos 78:34

Dios wañuchejtin chaypacharaj mask'aj kanku, payman kutirispa mana samarispa mask'aj kanku.

Salmos 91:15

Pay wajyawajtin, noqa uyarisaj, noqapuni paywan kasaj; llakiypipis noqa paywan kasaj. Libraspataj allinman payta churasaj.

Isaías 37:3

Chayaspataj Isaiasman willarqanku: Kay jinata nin rey Ezequías: Kunan p'unchayqa may llakiypi tarikunchej, may k'amisqa, k'umuykachachisqataj. Imaynachus uj onqoj warmeqa onqokunampachapi mana kallpayoj llauch'ipacha tarikun, ajinata rikhurinchej.

Jeremías 2:27

Uj k'aspita ninkichej: Qan tatay kanki!, nispa. Uj rumitataj ninkichej: Qan mamay kanki!, nispa. Noqamantaj wasanchakuwankichej, manataj uyaykichejta rikuchikuwankichejchu. Maypachachus ñak'ariypi rikhuriytawankamari, nishawankichej: Jamuy salvanawaykupaj!, nispa.

Jeremías 22:23

Kunan qanqa thapaykipi k'acha karikushanki, Libanomanta chay apamusqa cedros chaupipi. Chantaqa ñak'arinki, maypachachus wijsayoj warmej nanaykunasnin jina jamusojtin.

Jeremías 29:12

Chantaqa qankuna noqaman qhaparikuwankichej, mañakojtaj jamuwankichej, noqataj uyarisqaykichej.

Lamentaciones 2:19

Sayarikuspa tukuy ch'isi qhaparikuy ari. Paran paranta Señorpa ñaupaqempi waqarikuy ari. Makisniykita oqharikuspa Señormanta mañakuy ari, calle yaykunaspi mikhunamanta jina wawasniyki ama wañupunankupaj.

Oseas 5:15

Jinata ruwaytawankama tiyakunay llajtayman kutimpusaj, juchasniyoj kasqankuta reparakuytawankamataj mask'aj jamunawanku. Ñak'ariypi rikhurisparaj mask'aj tukuwanqanku!

Oseas 7:14

Qhaparqachanku camankupi kashaspa manataj sonqowanchu wajyakuwanku. Trigota jinataj vinota mañakuspa nanarachikunku. Contraypi oqharikorqanku!

Números 21:7

Chaymanta israelitasqa maypichus Moisés kasharqa chayman rispa nimorqanku: Noqayku juchallikuyku ajinata parlaspa Señorpa contranta, qampa contraykitawan. Señormanta mañapuwayku ari, kay katarista noqaykumanta ithirichinanta!, nispa. Chaymanta Moisesqa Señormanta mañakorqa israelitasta perdonananta.

Apocalipsis 3:19

Tukuy munakusqasniyta k'amini, jasut'initaj. Sonqochakuy ari, juchamantataj kutirikuy.

Jueces 10:15

Chaypacha israelitasqa kuticherqanku Señorman: Juchallikorqayku, imatachá qan munanki chayta ruway noqaykuwan, jinapis kunanqa salvawayku ari.

1 Samuel 1:15

Mana jinachu, wiraqochíy, nispa Anaqa kuticherqa: Mana ujyarqanichu ima vinotapis, nitaj poqosqa ujyanastapis, manachayqa sinch'i llakisqa kashani; chay llakiyniytataj Señorpa ñaupaqempi waqashani sonqoy tiyaykunampaj.