Isaías 26:1 - Qheshwa Biblia DC

¹ Chay p'unchaypi kay takiyta Judá jallp'api takenqanku: Kunanqa sumaj jark'achisqa llajta tiyapuwayku; chaypi pakakunaykupaj iskay perqaswan muyuykucherqa.

DIOSPA QHELQACHISQAN DEUTEROCANONICAL

¹ Chay p'unchaypi kay takiyta Judá suyupi takenqanku: Kunanqa perqawan sumaj jark'achasqa llajta tiyapuwanchej. Tata Dios qhespichinawanchejpaj jatuchaj perqakunata sayarichipuwarqanchej.

DIOSPA QHELQACHISQ

¹ Chay p'unchaypi kay takiyta Judá suyupi takenqanku: Kunanqa perqawan sumaj jark'achasqa llajta tiyapuwanchej. Tata Dios qhespichinawanchejpaj jatuchaj perqakunata sayarichipuwarqanchej.

Isaías 26:1 ပူးပေါင်းရင်းမြစ်များ

Esdras 3:11

Ujkuna alabanzasta takerqanku, wajkunataj yupaycharqanku Señorman graciasta qospa kay jinata: Payqa may k'achapuni, Israeltaqa wiñaypaj munakun. Runasqa llajtantin kusiywanqa qhaparerqanku, yupaycharqankutaj Señorta, paypa templonta watejmanta ruwayta qallarishajta rikusqankurayku.

Salmos 31:21

Jatunchasqa kachun Señorqa, munakuyninwan jatuchaj imasta ruwapuwarqa, noqa llakisqa phutisqa kashajtiy.

Salmos 48:12

Sionta muyumuychej, torresninta yupaspa.

Salmos 48:4

Reyesta tantakorqanku, contrampi tukuyninku rinankupaj.

Isaías 12:1

Chay p'unchaypi ninki: Graciasta qoyki, Señor, qanqa noqapaj maytapuni phiñakorqanki, chaywampis chay jina k'ajaj phiñakuyniykeqa manaña kanchu, astawampis sonqochawanki.

Isaías 14:31

Filistea llajtas, alqo jina qhapariychej, nanaywan qhapariychej, manchariywan kharkatitiychej, imaraykuchus patanejmanta manchay q'osñi phuyu jina jamusonqachej, manañataj ni ujpis tantakunasniykichejpi qhepakunkichejchu.

Isaías 2:11

Jatunmanta qhawaykachayninkoqa k'umuykuchisqa kanqa, runaykachayninkutaj pampaman urmasqa kanqa. Chay p'unchaypeqa Señorlla jatunchasqa kanqa.

Isaías 2:20

Chay p'unchaykunapi runasqa, qorimanta, qolqemanta ima yupaychanankupaj ruwakusqanku lantista, juk'uchasman, ch'iñisman ima wijch'onqanku.

Isaías 25:9

Chaypacha nenqanku: Qhawaychej, kaymin Diosninchejqa. Payta maytapuni suyarqanchej. Paytaj salvawarqanchej. Kunanqa kusikunachej jatun kusiywan ajinata salvawasqanchejmanta.

Isaías 31:5

Imaynatachus uj p'isqoqa thapan patata phawaykachaspa irpasninta jark'akun, ajinata Tukuy Atiyniyoj Señorqa Jerusalenta jark'akonqa, libranqataj, waqaychanqa, salvanqataj.

Isaías 31:9

Manchachikuywan reyqa pakakunanta saqerparenqa, kurajkunasninkupis maqanakuta saqerparispa ayqerikaponqanku. Kayta Señorqa nin: Jerusalempi nina kashan, enemigosninta jasut'inampaj.

Isaías 33:5

Señorqa jatunchasqa kanqa, imaraykuchus payqa patapi tiyakun, paylla allin kajwan, cheqan kajwantaj Sionman junt'achenqa.

Isaías 33:6

Qan kashajtiykeqa yachaywan, yuyaywan, salvacionwan kamachenqanku. Señorta manchachikoyqa uj qhapajyay jina kanqa.

Isaías 4:2

Chaypacha, Señorpa sach'an ch'illchin kanqa may sumaj, k'achataj salvakoj israelitaspaj, jallp'aj poqoyninmantataj mayta kusikonqanku, jatunchakonqankutaj.

Isaías 5:1

Kunanqa takirisaj munasqaypa sutimpi, uvas sach'asmanta takiysituta. Munasqaypata uvas sach'asnenqa uj kinraypi sumaj jallp'api karqa.

Isaías 56:5

noqa wasiypi uj cheqata qosaj, perqaswan muyuykuchisqata, churismanta, ususismantapis aswan sumaj sutita qosaj. Chay sutitaqa wiñaypaj qosaj ama jayk'aj chinkanampaj. Karu llajtayojkuna Señorta qhatejkunaman, Señorpa sutinta munakojkunaman, samakuna p'unchayta sumajta waqaychajkunaman, trato ruwasqayta mana p'akejkunaman ima, noqa paykunata Santo orqoyman pusasaj, Diosmanta mañakuna wasiypi paykunata kusichisaj, uywa wañuchisqankuta ruphachinankupaj altarniyman apamusqankutaqa jap'isaj. Waseyqa Diosmanta mañakuna wasi sutichasqa kanqa tukuy aylluspaj.

Isaías 60:18

Llajtaykipeqa manaña ñak'arichinasmanta parlanqankuchu, manataj urmachinasmanta, nitaj thuñinasmantapis; manachayqa perqasniykita salvación nispa sutichanki, punkusniykipitaj Señorta yupaychaykuna k'askachisqa kanqa.

Isaías 62:10

Punkusnejta puriychej, llajtaspaj ñanta kicharipuychej, chay ñan t'oqosta khuskachaychej, ñanmanta rumista orqhoychej, tukuy runas rikunankupaj wiphaylatapis pataman oqhariychej.

Isaías 62:11

Señorqa tukuy jallp'a patapi kajkunaman nimun: Uyariychej, Siompa ususinman niychej: Salvajniyki t'inkan aparisqa jamushan, imatachus wakichisqantawan oqharisqa.

Jeremías 33:11

Kaypi watejmanta uyarikullanqataj, fiestaspi kusiy takiykuna, casarkojkunapaj kusiy takiykuna. Kaypis uyarikullanqataj: Tukuy Atiyniyoj Señorman graciasta qoychej, imaraykuchus Señorqa k'achamin, wiñaypajtaj munakuynenqa. Diosta yupaychana wasimantaj agradecekuna jaywanasta apamonqanku. Arí, noqa kay jallp'aj kausayninta allinyachisaj qallariypi karqa ajina. Noqa Señor chayta nini.

Ezequiel 40:5

Diosta yupaychana wasej jawanqa perqawan muyuykusqa karqa. Chay qhari jap'isharqa chay soqosoqa kinsa metroyoj karqa. Chay perqata miderqa. Phatunmanqa kinsa metroyoj karqa, patamampis kinsa metroyojllataj.

Zacarías 2:5

Chaywampis, noqa kikiy sayaykusaj Jerusalempa muyuynimpi nina perqa jina, kikin llajta chaupipitaj k'anchaj gloriayta rikuchisaj. Noqa Señorniykichej kayta nini.

Números 21:17

Chaypacha israelitas takerqanku: Pozomanta yaku phullchimun. Pozo manta takiychej.

San Mateo 16:18

Noqarí niyki, qan Pedro kasqaykita. Kay chhanka patapitaj iglesiayta sayarichisaj. Infiernoj atiynimpis mana iglesiataqa atipanqachu.