Isaías 22:5 - Qheshwa Biblia DC

⁵ Tukuy Atiyniyoj Señorqa nerqa qhaparina llakiy atipachikuna p'unchay chayamunanta. Hinom vallepitaj perqasta urmachinku, qhapariykunataj orqosman chayan.

DIOSPA QHELQACHISQAN DEUTEROCANONICAL

⁵ Tukuy Atiyniyoj Tata Dios nerqa jatun manchachikuy p'unchay chayamunanta. Chaymanta mosqoypi jina rikuna vallepi perqakunata urmachinku, runakunaj qhaparisqankutaj orqokunaman chayan.

DIOSPA QHELQACHISQ

⁵ Tukuy Atiyniyoj Tata Dios nerqa jatun manchachikuy p'unchay chayamunanta. Chaymanta mosqoypi jina rikuna vallepi perqakunata urmachinku, runakunaj qhaparisqankutaj orqokunaman chayan.

Isaías 22:5 ပူးပေါင်းရင်းမြစ်များ

2 Reyes 19:3

Rey Ezequiasqa kay jinata nin: Kunan p'unchayqa may jatun llakiymin jasut'i p'unchay, p'enqay p'unchaytaj, imaraykuchus wawasqa nacenapaj jina kashanku, pichus nacichikojtaj mana kallpayojñachu kashan.

2 Reyes 25:10

Reypa kamachinwan kajkuna caldeostaj Jerusalén llajtaj perqasninta tukuyninta urmacherqanku.

Ester (hebreo) 3:15

Chantapis, chaskisqa reypa kamachisqanman jina tukuynin llajtasman usqhayta apararqanku. Chay kamachiy ruwasqataj reypa tiyanan Susa llajtapi sut'inchakorqa. Susa llajtapi runastaj maytapuni qhollpikusharqanku chay imasta yachaspa. Chaykamataj reywan Amanwanqa tiyaykurispa ujyarisharqanku.

Isaías 10:6

Asiriosta juchasapa runasman kachasaj, k'ajajta phiñachiwaj llajtaman pusasaj, imankuchus kajta, kapuyninkutapis qhechumunampaj, callespi t'uruta jina sarunampaj.

Isaías 22:1

Hinom vallej contranta willakun. Imataj tiyan tukuyniykichej wasi pataman wicharinaykichejpajri?

Isaías 25:10

Señorqa makinwan Sión orqota jark'anqa, Moab llajtataj pachampi saronqa, imaynatachus ichhuta q'opata jich'anapi sarunku ajinata.

Isaías 37:3

Chayaspataj Isaiasman willarqanku: Kay jinata nin rey Ezequías: Kunan p'unchayqa may llakiypi tarikunchej, may k'amisqa, k'umuykachachisqataj. Imaynachus uj onqoj warmeqa onqokunampachapi mana kallpayoj llauch'ipacha tarikun, ajinata rikhurinchej.

Isaías 5:5

Kunanqa, uvas sach'asniywan imanasajchus chayta nisqaykichej: Perqasninta thuñisaj, jinamanta chinkanqa, perqasninta urmarachisaj, tukuy sarunankupaj.

Isaías 63:3

Arí, noqalla uvas ch'irwanapeqa saruni. Mana pipis noqawan llajtaymanta saroj karqachu. Arí, phiñakuyniywan sarorqani, may phiñakuyniy paykunata taripan. Chayrayku chaypi yawarninku p'achayman ch'allpaykamuwan, ajinamanta tukuy p'achay pukachasqa.

Isaías 63:6

K'ajaj phiñakuyniywan chay runasta t'usterqani. Phiñakuywan tukucherqani. Yawar mayusta puriricherqani.

Jeremías 30:7

Uj jatun ñak'ariy p'unchay qayllamun, chay jina p'unchayqa mana ujtawan kanqachu. Uj llakiy p'unchaykuna Jacobpa ayllumpaj kanqa, chaywampis salvakonqa.

Lamentaciones 1:5

Enemigosninkoqa kamachejkuna kanku, chay chejnejkunasninkoqa mayta qhapajyanku. Jerusalentaqa Señorpuni chay jinata llakichin, chay chhikata juchallikusqanrayku. Wawasnenqa enemigosninnejta karuman apasqas karqanku.

Lamentaciones 2:2

Señorqa tukuy imata pampata ruwan mana khuyakuspa. Phiñakuyninwan Señorqa Jacobpa wawasninta wasintinta tukuyninkuta thuñirarqa. Judá llajtaj jark'achisqa perqasnintapis tukuyninta pampachan; maytapuni reyta kamachejkunatawan k'umuykachachin.

Lamentaciones 2:8

Señorqa nerqa k'acha Sión llajtaj perqasnin urmachisqa kananta, ajinata wakicherqa, iskayrayaspataj thuñinankama pararqa. Jawa perqantinta, ukhu perqantinta ujllapi pampaman urmachin.

Ezequiel 7:7

Kay naciompi tiyakojkunaj tukukuynenqa chayamushanña, ch'ajwana p'unchay chayamushan, lomaspi kusikoyqa tukukunña.

Oseas 10:8

Juchasapaspa lanti wasinku t'unasqas kanqanku, maypichus Israel ayllu juchallej chaykuna. Chay altaresninku pataspitaj qhepus khishkaspis wiñanqanku, runastaj orqosta nenqanku: Pakaykuwayku!, nispa; chhankastataj nenqanku: Pataykuman urmaykuwayku!, nispa.

Miqueas 7:4

Paykuna ukhumanta allimpaj qhawasqa kajqa uj khiska jinamin; aswan honrado kajpis uj itapallu jina. Jinapis jamun uj p'unchay chayman jina jasut'isqas kananku, chay qhawaj chayta nerqaña jamunanta chay p'unchay. Chaypacha paykuna ukhupi q'ala ch'ipanaku kanqa.

Sofonías 1:15

Phiñakuy p'unchay kanqa. Chay p'unchaypitaj kay imas kanqanku: Llakikuy ayqoytaj. Thuñikuy, ch'impacha kaytaj. Tutayay, may laqhayaytaj. Phuyusqa p'unchay, laqha llanthutaj.

San Mateo 24:16

Chaypacha, Judeapi kashajkuna ayqechunku orqosman.

San Lucas 23:30

Chaypachamá runasqa orqosta niyta qallarenqanku: Pataykuman urmaykamuwayku; lomastataj: P'ampaykuwayku, nispa.