Isaías 22:12 - Qheshwa Biblia DC

¹² Chayrayku, Tukuy Atiyniyoj Señorqa wajyasorqachej, mayta llakikuspa waqanaykichejpaj, umaykichejtataj ruthunaykichejpaj, qhashqa p'achastataj churakunaykichejpaj.

DIOSPA QHELQACHISQAN DEUTEROCANONICAL

¹² Chay p'unchaypi Tukuy Atiyniyoj Tata Dios wajyasorqachej mayta llakikuspa waqanaykichejpaj, llakikusqaykichejta rikuchispa umaykichejta ruthukunaykichejpaj, qhashqa p'achata churakunaykichejpaj ima, chay millay ruwasqaykichejmanta.

DIOSPA QHELQACHISQ

¹² Chay p'unchaypi Tukuy Atiyniyoj Tata Dios wajyasorqachej mayta llakikuspa waqanaykichejpaj, llakikusqaykichejta rikuchispa umaykichejta ruthukunaykichejpaj, qhashqa p'achata churakunaykichejpaj ima, chay millay ruwasqaykichejmanta.

Isaías 22:12 ပူးပေါင်းရင်းမြစ်များ

2 Crónicas 35:25

Jeremiasqa uj yarawita wakicherqa Josiaspa wañupusqanmanta yuyarikunapaj tukuy takiykuna qharispi warmispipis. Josiasmanta yuyarikuspa kay yarawita takinkupuni kunankama. Kay yaraweqa Israel ayllu ukhupi takisqapuni, qelqasqataj yarawi takiykuna libropi.

Esdras 9:3

Kay jinata uyarispa sonqo nanayniyta rikuchinaypaj p'achayta llik'ikorqani, chujchayta, sunkhaytawan sik'irakorqani manchay phutisqataj tiyakorqani.

Nehemías 9:9

Qan rikorqanki ñaupa tatasniyku Egiptopi ñak'arisqankuta, chay Puka mar qocha nisqapipis qan uyarerqanki waqaspa qhaparikamususqankuta.

Job 1:20

Chayta uyarispa Jobqa manchay llakisqa sayarikuspa, p'achasninta llik'irakorqa, chujchasnintapis k'uturakorqa. Jinaspataj pampaman k'umuykukorqa, nerqataj: Noqaqa q'alalla mamaypa wijsanmanta llojsimorqani, q'alallataj llojsipusaj kay mundomanta. Tukuy imasniyta Señor qowarqa, kunanqa payllataj chay imasta qhechukapuwan. Chaywampis Señorpa sutenqa bendicisqa kachun!

Eclesiastés 3:11

Diosqa tukuy imata tiempompi k'achituta ruwarqa. Payllataj runaj sonqonman wiñay kasqanta churarqa, qallariymantapacha Diospa ruwasqasninta allinta yachanampaj; chaywampis runaqa manapuni yachayta atinchu imaynamantachus kashasqankuta.

Eclesiastés 3:4

Uj tiempoqa waqanapaj, uj tiempotaj asinapaj. Uj tiempoqa llakikunapaj, uj tiempotaj tusunapaj.

Isaías 15:2

Paykuna alto orqosman waqaj wicharerqanku, Bayitman, Dibonman ima. Moabqa Nebo puntaman wicharenqa, Medeba puntamanwan chaypi waqamunankupaj; chay runastaqa chujchasninkuta, sunkhasninkutawan ruthuranqanku.

Isaías 26:10

Sajra runasta khuyanki chaypis, paykunaqa mana yachankuchu imachus cheqan kajtaqa; allinta ruwaj runaspa jallp'ampi paykunaqa sajra imasta ruwanku. Paykunaqa Señorqa jatun kayninta mana reparankuchu.

Isaías 29:1

Ay, Arielmanta, Arielmanta, Davidpa jarakunan llajta! Uj watastawan fiestasta ruwallachumpuni.

Isaías 3:24

Chaypachaqa q'apaj imaspa cuentamantaqa asnaylla kanqa; chumpej cuentanmantaqa uj panoqalla kanqa; sumaj simp'asqa kananmantaqa p'ajla umalla kanqa; sumaj p'acha cuentanmantaqa uj qhasqa p'achalla kanqa; k'achita kananmantaqa, millay ruphasqa uya kanqa.

Isaías 32:11

Qankuna, mana imata ruwaspa chukoj warmis, manchachikuychej ari; mana imamanta llakiyniyoj warmis, kharkatiychej ari. Chay p'achasniykichejta lluch'ukuychej. Qhashqa p'achasta churakuychej llakisqa kasqaykichejta rikuchinaykichejpaj.

Isaías 37:1

Rey Ezequiastaj chayta uyariytawan, llakiywan p'achasninta llik'irakorqa, qhashqa p'achasta churaykukuytawantaj Señorpa wasinman mañakoj rerqa.

Isaías 37:2

Chaymantataj palaciopi mayordomo Eliaquimta, qelqeri Sebnata, sacerdotespa kurajkunasnintawan qhashqa llakiy p'achaswan churaykuchispa, Amospa wawan sut'inchaj Isaiasman kacharqa.

Isaías 58:3

Imaraykutaj ninkichej: Noqaykoqa ayunayku, qantaj mana qhawariwaykuchu; noqaykoqa sonqoykuta llamp'uyachiyku, qantaj mana uyariwaykuchu, nispari? Qankunaqa ayunashaspa munasqaykichejta ruwankichej, chay p'unchaypipuni peonesniykichejtapis astawan llank'achej tukunkichej.

Jeremías 16:6

Kay jallp'apeqa jatunkunamanta, juch'uykunamantapis wañonqanku; mana pipis paypaj kanqachu, nitaj waqanqankuchu, llakiykunatapis mana rikuchenqankuchu, ukhusninkuta maqakuspa, chayri chujchasninkuta q'ararakuspapis.

Jeremías 16:8

Maypichus qhochukusta ruwashanku chay wasiman ama yaykuychu paykunawan tiyaykukuspa mikhoj, ujyajtaj.

Jeremías 4:8

Chayrayku qhashqa p'achaswan p'achallikuychej, waqaychej, nanaywantaj qhaparqachaychej, imaraykuchus Señorpa k'ajaj phiñakuynenqa manaraj noqanchejmanta t'aqakunchu.

Jeremías 7:29

Jerusalén runas, chujchasniykichejta k'utukuychej, wijch'uychejtaj. Llakiy wañuyta chay ch'in lomaspi takiychej. Señorqa may phiñasqa kashan kay runaspa contrampi. Paykunata saqerparin, qhesacharparintaj.

Ezequiel 27:31

Qannejta chujchasninkutapis q'arallata k'uturachikonqanku. Qhashqa pachata churakonqanku. Sonqo nanayta jatunmanta qhawarispa waqanqanku.

Daniel (hebreo) 5:1

Babiloniapi kaj rey Belsasar, wajyakorqa nacionmanta, jatumpi kaj waranqa runakunata, uj jatun qochukuman, chaypi mikhushaspataj reyqa wajyachikamusqan runakunawan khuska ashkha vinota ujyarqanku.

Oseas 9:1

Ama kusikuychu Israel; ama kusikuywan phinkiriychu waj llajta jinaqa. Qanqa qhenchachakunki Diosniykita saqerpayaspa. Maypichus grano trillakun chay eraspi, qanman gustasunki chay qhenchachakusqaykimanta t'inkasta jap'ikuy.

Joel 1:13

Qankuna, altarpi sirvejkuna sacerdotes, qhasqa pachata churakuspa nanaywan waqaychej, imaraykuchus Diosniykichejpa templompi ofrendata qonapajqa, manaña kanchu ch'aki mikhuykuna, nitaj vinopis.

Joel 1:8

Imaynatachus uj casarakoj sipas waqan luto p'achata churakuspa, paywan casarakoj novion wañupusqanrayku,

Joel 2:12

Kunanqa Señor nin: Noqaman tukuy sonqo kutirimuychej. Ayunota ruwaychej, qhaparikuychej, waqaychejtaj!

Joel 2:17

Sacerdotes, Señorta sirvejkunapis waqachunku. Templo punkuman altar qayllanejpi nichunku: Kay llajtapi kaj tukuy runaspa juchasninta pampachay, Señor. Ama saqeychu, qampata kajkunamanta pipis burlata ruwakunanta. Ama saqeychu waj llajtayoj runas llajtaykipi kamachinankuta. Amataj saqeychu Diospi mana creejkuna ninankuta: Maypitaj kashan paykunaj Diosninrí?

Amós 8:10

Wañusqasmanta waqayman fiestasniykichejta tukuchisaj. Takisqasniykichejtapis aya p'ampaypi waqayman tukuchisaj. Luto p'achasta churachisqaykichej. Umasniykichejta ruthuchisqaykichej, llakiypi kasqaykichej yachakunampaj. Waqankichejtaj uj runa k'ata wawan wañupojtin waqan jinata. Tukuy ima tukukonqa may llakiypi.

Jonás 3:6

Chay willaykunataj Nínivej reyninman chayarqa. Paytaj kamachinanmanta sayarispa, p'achasninta lluch'ukuspa, llakiy p'achasta churaykukuytawan ushpha patapi tiyamorqa.

Miqueas 1:16

Qanrí, Sión llajta, umaykita q'arakuy llakiyniykita rikuchispa chay sumaj munasqa wawasniykimanta. Astawan umaykita q'araykuy alqamarej umanman rijch'akunankama, imaraykuchus wawasniykeqa waj jallp'aman apasqas kanqanku.

Santiago 5:1

Kunanqa, qhapajkuna, waqaychej ari, qhapariychej qankunaman llakiykuna jamunanmanta.