Isaías 21:9 - Qheshwa Biblia DC

⁹ Ashkha runasta caballospi montasqasta iskaymanta iskay jamushajta rikorqani. Chaymantataj nerqa: Babiloniaqa urmanña, urmanña, jinallataj lantisnimpis pampapi p'akirasqa rikhurin.

DIOSPA QHELQACHISQAN DEUTEROCANONICAL

⁹ Kunantajrí uj carretata iskay caballokuna qhatatamushajta rikuni, nispa. Chaymantataj waj runa nerqa: Babilonia urmanña, urmanña, jinallataj lantinkunapis pampapi p'akirasqa rikhurinku, nispa.

DIOSPA QHELQACHISQ

⁹ Kunantajrí uj carretata iskay caballokuna qhatatamushajta rikuni, nispa. Chaymantataj waj runa nerqa: Babilonia urmanña, urmanña, jinallataj lantinkunapis pampapi p'akirasqa rikhurinku, nispa.

Isaías 21:9 ပူးပေါင်းရင်းမြစ်များ

Isaías 13:19

Babiloniaqa nacionespa munakusqanku, caldeospa mentasqanku llajta. Chay llajtaqa tukukonqa Diospa tukuchisqan Sodoma, Gomorra llajtas jina.

Isaías 2:18

Lantistaj chinkachisqas kanqanku.

Isaías 21:7

Sichus rikonqa, caballospi montasqasta, iskaymanta iskay jamushajta, wakenqa burrospi, chayri camellospi montasqasta chayqa, chayta sumajta qhawachun.

Isaías 47:5

Caldea sipas, ch'inmanta chukuy, laqhayajman yaykuy; kunanmantaqa manaña jayk'ajpis nacionespa kamachejnin reina nisonqankuchu.

Isaías 47:9

Chay iskaynin llakiykuna ujllata uj p'unchayllapi qhatirisonqa, ujllapi mana wawasniyoj, mana qosayojtaj rikhurinki. Chay jina yatirisniyoj, layqasniyoj kashajtiykipis, chay llakiykunaqa kaymanta jinalla chayamusonqa.

Isaías 48:14

Tukuyniykichej tantakuspa uyariychej: Mayqen diostaj kay imas kanmanta sut'incharqari? Pitachus noqa ajllarqani, chay runa nisqayta junt'anqa, Babiloniaj contranta caldeospa contrantawan.

Jeremías 50:29

Wajtamuychej tukuy wach'inasniyojkunata, Babiloniata jap'ej yaykunankupaj. Llajtaj tukuy muyuynimpi jarakuychej ama pipis ayqenampaj. Imatachus ruwasqasninman jina qopuychej, imaraykuchus paypis ruwasqanan jina ruwaychej. Payqa noqawan ayñanakullawampuni, noqa Israelpa Señor Santo Diosninwan.

Jeremías 50:38

Yakuyoj mayusninkupaj maqanaku kachun, ch'akipuchunkutaj. Babiloniaqa millay lantisniyoj jallp'amin, kunanqa chayraykumin yuyayninta chinkachin.

Jeremías 50:42

K'uru wach'inaswan, jinataj fierro t'ojsinaswan wakichisqasña kashanku. Sajras mana uj chhikan khuyakuyniyoj kanku. Qhaparqachasqasninkoqa mar qochaj qhollchoqeyasqan jina, caballospi lloq'asqastaj rishanku. Ñapis Babiloniaj contrampi maqanakuman yaykunankupajña kashanku.

Jeremías 50:9

Noqa wichaynejmanta atiyniyoj aylluta jamuchisaj, Babiloniata jap'ikapoj yaykuykunankupaj. Ñaupajta allinchaykukuytawankama jap'ikaponqanku. Paykunaqa sumajta maqanakuyta yachajkuna kanku, wach'inasninkuta kachaykunku mana ujta pantarispa.

Jeremías 51:27

Wiphaylata pataman oqhariychej maqanakoj yaykunaykichejpaj. Putututa waqachiychej, runasta tantaychej Babiloniata jap'ikapoj yaykunaykichejpaj. Paypaj contrampi Araratmanta, Minimanta, Askenazmantawan runasta tantaychej. Ajllaychej uj kuraj kamachejta tukuy reykunata pusanampaj. Phiñarisqa langostasta jina caballospi rejkunata kachaykuychej.

Jeremías 51:44

Babiloniaj diosnin Belta jasut'isaj, chay imatachus ajtuykusqanta ajtuchimusaj, manañataj nacionespis payman qayllaykonqankuchu. Babiloniaj perqasnin thuñiykukunña.

Jeremías 51:47

Ajinaqa Babiloniaj lantisninta jasut'inay p'unchay jamonqa. Chay tukuy naciontaj k'umuykachachisqas qhepakonqanku, ayaswan junt'aykusqa.

Jeremías 51:52

Señorqa nillantaj: Babiloniaj lantisninta jasut'inay p'unchay jamushan, tukuy chay jallp'api nanasqasniyoj kajkunaqa llakiyta waqanqanku.

Jeremías 51:8

Jinapis, Babiloniaqa ujllata urmarqa phirikunankama. Paymanta waqaychej. Chay nanachikusqasnimpaj jampista apamuychej ichapis thañikonqaraj.

Apocalipsis 14:8

Waj angeltaj payta qhaterqa, nispa: Urmanña, urmanña jaqay jatun Babilonia llajta, pichus millay qhenchachakuy vinonta tukuy llajtasman ujyacherqa, chay.

Apocalipsis 18:2

Paytaj kallpawan qhaparerqa: Urmanña, urmanña jatun Babiloniaqa. Supaykunaj wasinman tukun, tukuy millay espíritoj pakakunanman, tukuy millay chejnina p'isqospa thapanman, nispa.

Apocalipsis 18:21

Uj kallpasapa angeltaj uj rumita oqharispa, jatun molino rumita jina mar qochaman wijch'uykorqa, nispa: Ajinallatataj sinch'i kallpawan wijch'usqa kanqa chay jatun Babilonia llajta, manataj jayk'ajpis rikhurenqañachu.