Isaías 20:4 - Qheshwa Biblia DC

⁴ Ajinata Asiria reyqa, Egiptopi kajkunatawan, Etiopiapi kajkunatawan, wayna runasta, jinataj machu runastawan q'alasllata apachenqa, mana ujut'asniyojta, q'ara sikispachata, Egipto p'enqakunampaj jina.

DIOSPA QHELQACHISQAN DEUTEROCANONICAL

⁴ Ajinata Asiriata kuraj kamachejqa Egipto llajtayojkunata, Etiopía llajtayojkunatawan, waynakunata, jinataj machu runakunatawan ukhunchana p'achayojllata waj suyukunaman apachenqa. Paykunaqa q'ara chakilla, sikinku rikhurishaj ima purenqanku, Egipto p'enqakunanpaj.

DIOSPA QHELQACHISQ

⁴ Ajinata Asiriata kuraj kamachejqa Egipto llajtayojkunata, Etiopía llajtayojkunatawan, waynakunata, jinataj machu runakunatawan ukhunchana p'achayojllata waj suyukunaman apachenqa. Paykunaqa q'ara chakilla, sikinku rikhurishaj ima purenqanku, Egipto p'enqakunanpaj.

Isaías 20:4 ပူးပေါင်းရင်းမြစ်များ

2 Samuel 10:4

Chaypacha Hanonqa kamacherqa Davidpa kachasninta jap'inankuta, sunkhasninkuta khuskanmanta k'uturparinankuta, p'achasninkutataj siki patasninkukama llik'irparinankuta. Jinata ruwachispataj paykunata kachaporqa.

1 Crónicas 19:4

Chaypacha Hanún kamacherqa Davidpa kachasninta presota jap'inankuta, sunkhasninkuta rasphanankuta, p'achasninkutataj chaka patasninkumanta uraman llik'iracherqa. Chaymantataj paykunata kachariporqa.

Isaías 19:4

Egiptotaqa sajra runaj makinman churasaj, paykunataqa rumi sonqoyoj rey kamachenqa. Ajinata Tukuy Atiyniyoj Señorqa nin.

Isaías 3:17

Chayrayku Señorqa chay warmispa umasninkuta q'ara t'ojlullata ruwanqa p'enqayninkutataj q'alallata rikhurichenqa.

Isaías 31:2

Chaywampis, Señorqa aswan yachayniyoj, ashkha llakiykunasta apamonqa, imatachus nisqantataj junt'anqapuni. Payqa sajra runaspa contranta maqanakonqa, chay sajra runasta yanapajkunawampis.

Isaías 31:3

Egipciosqa runaslla kanku mana dioskunachu; caballosninkoqa aychalla kanku, manataj espirituschu. Chayrayku Señorqa makinta oqharejtin, chay yanapaj urmanqa, jinallataj yanapachikojpis. Jinamanta tukuyninku ujllapi urmachisqas kanqanku.

Isaías 47:2

Maran rumita jap'ispa jak'uta kutay; uma qhatanaykita qhatarakuy, qhoysu p'achaykita pataman oqharikuy, ujut'aykita lluch'ukuspa mayusta chimpay.

Isaías 47:3

Tukuy ukhuykipis q'alalla rikukonqa, p'enqayniykipis sut'ipacha kanqa, chaypacha aynita kutichisqayki. Mana pi runapis jark'awanqachu.

Jeremías 13:22

Sichus qan tapukunki imaraykuchus kay imas qhatirisusqanta chayqa, allinta yachay chay jatun juchasniykirayku kasqanta. Chayraykumin p'achaykita ch'uskisunku, chantá qhesachasorqankutaj.

Jeremías 13:26

Noqapis qanta q'alallata sayachisqayki, p'enqayniykita rikhurichisqayki.

Jeremías 46:19

Wakichikuychej Egiptopi tukuy tiyakojkuna jallp'aykichejmanta wijch'usqas kanaykichejpaj. Menfis llajtaqa ch'in nisqaman tukuchisqa kanqa ama pipis tiyakunampaj jina raqaykunasllaman tukuchisqa kanqa.

Jeremías 46:26

Babiloniamanta rey Nabucodonosorpa atiynin uraman urmanankuta saqesaj, chay wañuchejkunaj enemigosninkoj atiynin uraman, jinallataj reypa runasnimpa atiynin uraman. Jinapis, Egiptopi qhepa p'unchaymantawan ñaupajpi jina runas tiyakaponqanku. Noqa Señor chayta nini.

Ezequiel 30:18

Egiptoj atiyninta p'akejtiy, atiyniyrayku wapuyayninta chinkachejtiytaj, Tafnes nisqa llajtapajqa chay p'unchaypi inti laqhayaykonqa. Egipto llajtatataj urphuykonqa, ranchosnimpi tiyakojkunatataj presochaspa apanqanku.

Amós 9:7

Ajinata nin Señorqa: Noqapajqa israelitas etiopeswan ujlla kankichej. Imaynatachus Egiptomanta pusamorqaykichej, ajinallatataj filisteostapis Cretamanta pusamorqani, arameostapis Kirmanta pusamorqani.

Miqueas 1:11

Safirpi tiyakojkuna, jallp'aykichejmanta llojsiychej q'araslla; p'enqayniykichejwantaj junt'a! Mana llojsenqankuchu Zaanampi tiyakojkuna! Bet-eselpi waqay kashan, qankunataj mana piniyoj qhepakunkichej!

Nahúm 3:10

Chaywampis jallp'asninkumanta apasqas karqanku, wawasninkurí calle esquinaspi ch'allpasqas karqanku. Allin qharisninmanqa suertesta choqarqanku, Chay kamachi runasnintaj cadenaswan ch'ipasqas karqanku.

Sofonías 2:12

Ajinallataj qankunapis Etiopiamanta kajkuna, Señorpa espadanwan t'ojsisqas wañonqanku.

Apocalipsis 3:18

Qanta umachayki noqamanta rantikunaykita ninapi ch'uwachasqa qorita, qhapaj kanaykipaj; rantikunaykitataj yuraj p'achata p'achallikunaykipaj, ama q'ala kasqaykej p'enqaynin rikukunampaj rantikunaykitataj; ñawisniykipaj ñawi jampinata, rikunaykipaj.