Isaías 2:6 - Qheshwa Biblia DC

⁶ Qanqa, Señor, Jacobpa ayllun runasniykita saqerparinki. Jallp'ayki junt'a kashan inti llojsimuymanta kaj yatiriswan; jinallataj qoyllurkunamanta yachajkunawan, filisteos jina. Waj llajtayojkunawantaj tratosta ruwakunku.

DIOSPA QHELQACHISQAN DEUTEROCANONICAL

⁶ Qan Tata Dios, Jacobpa ayllunmanta kajkunata saqerparerqanki. Paykuna ukhupi inti llojsimuynejmanta jamoj yatirikunawan junt'a kashan, jinallataj filisteokuna ukhupi jina watojkunawan junt'allataj kashan. Waj llajtayojkunawantaj tratotapis ruwakunku.

DIOSPA QHELQACHISQ

⁶ Qan Tata Dios, Jacobpa ayllunmanta kajkunata saqerparerqanki. Paykuna ukhupi inti llojsimuynejmanta jamoj yatirikunawan junt'a kashan, jinallataj filisteokuna ukhupi jina watojkunawan junt'allataj kashan. Waj llajtayojkunawantaj tratotapis ruwakunku.

Isaías 2:6 ပူးပေါင်းရင်းမြစ်များ

2 Reyes 1:2

Ocoziastaj Samariapi wasimpi kashaspa ventanamanta urmaykamorqa. Ajinamanta onqosqa kashaspa kamachisninta kacharqa: Riychej, Ecrón llajtaj diosnin Baal-zebubta tapurimpuwaychej thañikapusajchus manachus chayta, nispa.

2 Reyes 17:20

Israelpa tukuynin mirayninta Señorqa qhesacharqa, llakiypitaj churarqa, suwaspa makisninmantaj saqerqa, paypa ñaupaqenmanta wijch'usqas kanankukama.

1 Crónicas 10:13

Ajinatamin Saulqa wañorqa juchasninrayku. Payqa juchallerqa Señorpa kamachisqasninta mana kasuspa, uj yatiri warmita tapukamusqanraykutaj.

2 Crónicas 15:2

Paytaj Asata taripaj llojserqa, nerqataj: Uyariwaychej, Asa, jinataj tukuy Judamanta kajkuna, Benjamimpamanta kajkunapis, Señor qankunawan kanqa, qankuna paywan kashankichej chayqa. Sichus qankuna payta mask'ankichej chayqa, tarinkichej. Sichus saqerparinkichej chayri, paypis saqerpallasonqachejtaj.

2 Crónicas 24:20

Chaypacha Joiadaj wawan Zacariasman Diospa Espíritun jamorqa, uj moqonejpi sayaykuspataj ayllunman nerqa: Diosqa nin: Imaraykutaj qankunaqa mana kasunkichejchu kamachisqasniytari? Jinamanta qankuna kikiykichej llakiyniykichejta mask'ashankichejri? Noqata saqerpariwasqaykichejrayku, noqapis qankunata saqerparisqaykichej!

Nehemías 13:23

Ajinallatataj chay diaspi rikorqani wakin judiosmanta kajkuna waj llajtayoj warmiswan casarasqankuta. Chaykuna karqanku Asdodmanta, Amonmanta, Moabmanta ima.

Salmos 106:35

Astawampis paykunaqa Diosta mana rejsej runaswan chajrukorqankuña, ususninkutataj ruwarqanku.

Éxodo 22:18

Layqa warmista cantomanta wañurachinki.

Proverbios 6:1

Wawáy, sichus kausaqeykimanta sayanki chayqa, chayri waj runamanta cuentallikunki chayqa,

Isaías 8:19

Sichus chay runas nisonqachej: Tapuriychej wañusqaspa almasninta, chhichinakuspa parlaj layqasta ima, nispa chayqa, niychej: Manachu runasqa Diosnillankuta tapurikunkuman? Wañusqastarajchu kausajkunamanta tapurikunkuman?, nispa.

Jeremías 10:2

Señorqa nin: Ama waj nacionespa ruwasqasnillantataj ruwaychejchu, nillataj cielopi ima t'ukunas kajtin mancharikuychejchu, waj nacionespi jinaqa.

Jeremías 12:7

Aylluyta saqerparini, noqaypata kajllata saqerparini. Chay munasqa nacionniyta enemigosniyman enqhaykuni.

Lamentaciones 5:20

Imaraykutaj chay jinatapuni qonqakapuwaykuri? Imaraykutaj kay chhika unaytaña saqerpariwaykuri?

Levítico 19:31

Ama wañusqasta tapojkunamanqa qayllaychejchu, nitaj layqasmampis. Ama chaykunaman tapukuspataj ch'ichichakuychejchu. Noqa Señor Diosniykichejqa kani.

Levítico 20:6

Sichus pipis wañusqasta tapojkunaman, layqasmanwan rinman, chayta qhatispataj ch'ichichakunman chayqa, noqa sayarisaj paypa contranta, chinkachisajtaj ayllun chaupimanta.

Miqueas 5:11

Llajtasniykitapis raqaykunasman tukuchisaj, chay tukuy jark'akunasniykichejtapis urmarachisaj.

Miqueas 5:12

Layqakunasniykitataj tukuchisaj, mana ni uj adivinoyojtataj saqesqayki.

Sofonías 1:8

Chay rikuchiku jaywana p'unchaypeqa kamachejkunata, kurajkunatawan, reykunaj wawasninkutawan jasut'isaj. Waj llajtamanta kaj p'achaswan p'achallikojkunata jasut'illasajtaj.

Números 23:7

Balaamtaj imachus kananmanta parlayta qallarerqa: Moab rey Balacqa, Arammanta pusachimuwan, inti llojsimuy orqosmanta, jamuspa israelitasta maldicipuway, Jacobpa miraynin runasta mana allinman churay, nispa.

Romanos 11:20

Arí, paykunaqa mana creesqankurayku p'akirasqas karqanku, qanrí fenejta sayashanki. Amaña jatunchakuychu, astawanqa manchachikuy.

1 Samuel 6:2

Chaypacha filisteosqa wajyacherqanku sacerdotesta, yatiristawan tapunankupaj: Imanasunchejtaj Diospa trato cajonninwanri? Niwayku imaynatachus llajtanman kutichipunata.