Isaías 2:21 - Qheshwa Biblia DC

²¹ Sat'ikonqanku qaqa jusk'usman, chhanka jusk'usman, pakakuspa Señorpa may jina jatun kayninmanta, jatun kaynimpa lliphipiyninmanta ima, jallp'ata kharkatichej jamojtin.

DIOSPA QHELQACHISQAN DEUTEROCANONICAL

²¹ Paykuna qaqa jusk'ukunaman, chhanka jusk'ukunaman ima sat'ikonqanku, Tata Diospa k'araj phiñakuyninmanta, jatun kayninpa lliphipiyninmanta ima pakakuspa, maypachachus Tata Dios kay pachata jasut'ej jamonqa, chaypacha.

DIOSPA QHELQACHISQ

²¹ Paykuna qaqa jusk'ukunaman, chhanka jusk'ukunaman ima sat'ikonqanku, Tata Diospa k'araj phiñakuyninmanta, jatun kayninpa lliphipiyninmanta ima pakakuspa, maypachachus Tata Dios kay pachata jasut'ej jamonqa, chaypacha.

Isaías 2:21 ပူးပေါင်းရင်းမြစ်များ

2 Samuel 22:46

Waj llajtayoj runas mancharikunku, pakakusqasninkumanta kharkatispa llojsimunku.

Job 30:6

Chaynejta qaqa jusk'uspi tiyakoj kanku, wakintaj larqaspi, chhanka jusk'uspi ima.

Job 9:6

Payqa jallp'ata kuyurichin, maypichus sayanasnin kashan chay tukuyninta kharkatichin.

Éxodo 33:22

Lliphipiyniy rikhurimojtin, churasqayki uj chhanka t'oqoman, chaypitaj makiywan pakaykusqayki chaynejta pasanaykama.

TAKIYKUNA 2:14

Palomitáy qanqa chhanka jusk'usman pakakunki, millay manchachikuna chhanka jusk'usman pakaykukuwanki. Uyaykita rikurichikuway ari, parlapayarimuway ari. Qampa palabraykeqa sonqoyta t'ikarichiwan, qhawaykachasqaykipis k'acha.

Isaías 2:10

Chhankaman sat'iykukonqanku, jallp'a ukhumantaj pakaykukonqanku, Señorpa may jina kayninmanta, jatun kaynimpa lliphipiyninmantawan.

Isaías 2:19

Chanka jusk'usman sat'iykukonqanku, jallp'aj lajesninman lajrasninman ima, Señorpa may jina jatun kayninmanta, jatun kaynimpa lliphipiyninmantawan, jallp'a kharkatiychej jamojtin.

Isaías 24:18

Pichus manchachikuymanta ayqejqa t'oqoman urmaykonqa. Chay t'oqomanta llojsimojtaj tojllapi preso rikhurenqa. Janaj pacha ventanasqa kicharikonqa, kay jallp'ataj tukuynin ikhakonqa.

Isaías 33:10

Señorqa nin: Kunanqa sayarikusaj; oqharisqa, may jatunchasqataj kasaj, nispa.

Isaías 7:19

Chay tukuy jamuspaqa sayanqanku, ch'in wayk'uspi, chhanka jusk'uspi, khishka ch'umispi, uywa ujyanaspi ima.

Jeremías 16:16

Noqa jamuchisaj ashkha challwa jap'ejkunata, noqa Señor chayta nini, challwasta jina israelitasta jap'inankupaj, chanta kachamullasajtaj ashkha uywa wañuchejkunata, wañurachisunaykichejpaj tukuy orqospi, lomaspi, jinataj chay chhanka k'ajllusnimpipis.

Oseas 10:8

Juchasapaspa lanti wasinku t'unasqas kanqanku, maypichus Israel ayllu juchallej chaykuna. Chay altaresninku pataspitaj qhepus khishkaspis wiñanqanku, runastaj orqosta nenqanku: Pakaykuwayku!, nispa; chhankastataj nenqanku: Pataykuman urmaykuwayku!, nispa.