Isaías 2:2 - Qheshwa Biblia DC

² Qhepa p'unchaykunapi kay jina kanqa, Señorpa wasin lomaqa tukuy orqosmanta aswan patapi sayachisqa kanqa, oqharisqataj kanqa tukuy orqosmanta aswan pataman. Tukuy nacionestaj chaymampuni jamonqanku.

DIOSPA QHELQACHISQAN DEUTEROCANONICAL

² Jamoj p'unchaykunapi kay jina kanqa: Maypichus Tata Diospa Templon kashan, chay orqoqa tukuy orqokunamanta aswan uyarisqa kanqa. Tukuy suyumantataj runakuna chayman jamonqanku.

DIOSPA QHELQACHISQ

² Jamoj p'unchaykunapi kay jina kanqa: Maypichus Tata Diospa Templon kashan, chay orqoqa tukuy orqokunamanta aswan uyarisqa kanqa. Tukuy suyumantataj runakuna chayman jamonqanku.

Isaías 2:2 ပူးပေါင်းရင်းမြစ်များ

Génesis 49:1

Jacobqa tukuynin wawasninta wajyachispa nerqa: Qayllamuwaychej wawasníy, noqaqa nisqaykichej imaschus qankunapaj qhepaman kananta.

Job 19:25

Noqa yachani salvadorniy kausashasqanta, pay noqamanta kutikuwanqa kay jallp'a patapi.

Salmos 102:23

Wayna kashajtillayraj pay kallpayta qhechuwan, pisi kausayniyojtataj ruwawan.

Salmos 2:8

Mañaway chayaqeykipaj nacionesta, tukuy kay pachatataj k'uchunkama qampata kanampaj qosqayki.

Salmos 22:27

Tukuy laya runas, tukuy llajtas, tukuy kay pachamanta runas, Señormanta yuyarikuychej, payman jamuychej, qonqorikuychejtaj ñaupaqempi.

Salmos 22:28

Señorqa rey kasqanrayku nacionesta kamachin.

Salmos 48:2

Diospa Sión orqonqa jatun, k'achitutaj. Jaqay pata ladopi kusikuy kashan. Sión orqoqa kusikuy tukuy kay pachapaj, chayqa jatun reypa llajtan.

Salmos 68:17

Diospa maqanakuna carrtasnenqa, waranqasmanta waranqa, chay carrestaspi Señorqa Sinaí orqonmanta, yupaychana wasinman jamorqa.

Salmos 72:8

Kamachichun uj marmanta uj markama, Eufrates mayumanta kay jallp'aj k'uchunkamataj.

Salmos 86:9

Señor, tukuy nacionesta qan sayachinki, tukuyninkutaj qanta yupaychasonqanku, sutiykitataj jatunchanqanku.

Salmos 87:1

Diospa llajtampa cimientosnenqa, santo orqokunapi sayachisqas kanku.

Salmos 87:2

Señorqa Siompa punkusninta munakun, Jacobpa tukuy wasinmanta astawan.

Isaías 11:10

Chaypacha Isaejpa saphinmanta ch'illchejqa, tukuy nacionespaj uj señal kanqa. Chay runastaj payta mask'anqanku; tiyakunantaj lliphipirenqa.

Isaías 25:6

Tukuy Atiyniyoj Señorqa Sión orqopi tukuy llajtaspa uj jatun mikhunata ruwanqa, misk'i mikhuykunawan sumaj kaj vinosta ujyachenqa. Chantá sumaj kaj aycha kankasta mikhuchenqa, sumaj allin kaj ch'uwachasqa kaj vinostawan ujyachenqa.

Isaías 27:13

Chaypacha putututa jatunmanta waqachenqanku, chayta uyariytawan Asiriaman wijch'usqa kajkuna jamonqanku, jinallataj Egiptopi kajkunapis. Chayamuspataj Jerusalempi Santo orqopi Señorta yupaychanqanku.

Isaías 30:29

Qankunapajqa takiykuna kanqa jatun fiesta ch'isipi jina. Sonqoykichejqa kusisqa kanqa, qenata tocarispa, israelitaspa pakakunan Señorpa orqonman rejpata jina.

Isaías 49:6

Chanta payqa niwarqa: Kamachillay kanaykeqa mana allinchu, Jacobpa ayllusninta kutirichimunallaykipajqa, Israelmanta puchojkunata kutirichimunallaykipajqa. Astawampis nacionespa k'anchaynin kanaykipaj churayki, salvacionniyta apanaykipaj, karu jallp'aspi kajkunasnintinman.

Isaías 56:5

noqa wasiypi uj cheqata qosaj, perqaswan muyuykuchisqata, churismanta, ususismantapis aswan sumaj sutita qosaj. Chay sutitaqa wiñaypaj qosaj ama jayk'aj chinkanampaj. Karu llajtayojkuna Señorta qhatejkunaman, Señorpa sutinta munakojkunaman, samakuna p'unchayta sumajta waqaychajkunaman, trato ruwasqayta mana p'akejkunaman ima, noqa paykunata Santo orqoyman pusasaj, Diosmanta mañakuna wasiypi paykunata kusichisaj, uywa wañuchisqankuta ruphachinankupaj altarniyman apamusqankutaqa jap'isaj. Waseyqa Diosmanta mañakuna wasi sutichasqa kanqa tukuy aylluspaj.

Isaías 60:3

Tukuy naciones qampa k'anchayniykipi purenqanku, reyestaj chay k'anchayniykej lliphipiynimpi.

Isaías 65:11

Qankuna Señorta qonqajkunari, ajllakusqay orqota qonqapunkichej, suertesta choqanaykichejpaj mesasta churankichej, mana rejsisqa diosman vinowan ch'allankichej.

Isaías 66:20

Paykunallataj tukuy nacionesmanta tukuy ayllusniykichejta, pusampusonqachej, uj rikuchikutapis Señorman apamushankuman jina; caballospi, carretaspi, litera ruwasqa carretaspi, mulaspi, camellospi ima, Jerusalén santo ajllasqay orqoyman, nispa nin Señorqa. Kikillantataj israelitaspis chay jampoj jinaqa Señorpa wasinman rikuchikusta apamonqanku, allin llimphu vasospi.

Isaías 66:23

Sapa killamanta killa, sapa samakuna p'unchaypi, paykunaqa tukuyninku noqaqa yupaychaj jamuwanqanku, nispa nin Señorqa.

Jeremías 16:19

Señorníy, qanmin kallpayqa, waqaychawajniytaj kanki, ñak'ariy ratospi qanllamin pakawajniy kanki. Qanman tukuy naciones jamonqanku. Kay pachaj cantosninmantapacha nisonqanku: chay qhasi dioskunallatamin mana atiyniyojkunata, chay mana imapaj allinchu kajkunata ñaupa tatasniyku chayaqenkupaj jina jap'erqanku.

Jeremías 23:20

Señorpa k'ajaj phiñakuynenqa mana tukukonqachu, chay imachus ruwanan kajta ruwanankama. Uj tiempo jamonqa, chaypacha qankuna allinta umacharikuspa kay imasta unanchankichej.

Jeremías 3:17

Chaypacharaj Jerusalenqa Señorpa tiyakunan kanqa, tukuy nacionestaj chaypi yupaychanawankupaj tantakonqanku, manañataj ujtawan k'ullukuspa sonqonkupi chay sajra millay yuyaykunata qhatenqankuchu.

Jeremías 30:24

Señorpa phiñakuynenqa mana thasnukonqachu imatachus munasqanta junt'anankama. Qhepa p'unchaykunaman tukuy kay imastaqa unanchankichej.

Jeremías 31:12

Jamonqanku, kusiywantaj Sión orqo patapi takenqanku, Señorpa allin kaj imasta apachimusqasninmanta kusikonqanku; trigowan, vinowan, aceitewan, ovejaswan, wakaswan ima, kausayninkoqa sumaj qarpasqa huerta jina kanqa; manataj kallpankuta chinkachenqankuchu.

Jeremías 48:47

Jinapis tukukuypiñaqa noqa Moabpa runasninta kutichimpusaj. Noqa Señor chayta nini. Kaymin chay Moabpa contrampi Señorpa jasut'iynenqa.

Jeremías 49:39

Jinapis jamoj p'unchaykunapeqa mana aswan allinman noqa tukuchisaj, Elam runasta llajtankuman kutichimpusaj. Noqa Señor chayta nini.

Jeremías 51:44

Babiloniaj diosnin Belta jasut'isaj, chay imatachus ajtuykusqanta ajtuchimusaj, manañataj nacionespis payman qayllaykonqankuchu. Babiloniaj perqasnin thuñiykukunña.

Ezequiel 38:16

Llojsimunkitaj Israel aylluypa contrampi, yana phuyus jina jallp'ata urphuykuspa. Chay qhepa p'unchaykunapi pusamusqayki jallp'aypa contrampi, waj jallp'asmanta kaj runas qannejta noqata rejsinawankupaj, llimphu kayniyta noqa rejsichisaj ñaupaqenkupi chaypacha.

Ezequiel 40:2

Diosqa mosqoypi jina Israelpa jallp'anman pusamuwarqa. Chay loma patapitaj uray ladonejpi uj jatun llajtaman rijch'akoj karqa.

Daniel (hebreo) 10:14

Allinta willasunaypaj jamuni, imachus qhepa p'unchaykunapi aylluykiman jamonqa chayta. Kay rikusqaykeqa, chay p'unchaykunamantamin kashan.

Daniel (hebreo) 2:28

Chay tukuywampis janaj pachapi uj Dios tiyan. Payqa sut'ita rikuchin pakaypi kaj tukuy imasta. Paymin rey Nabucodonosormanqa sut'ita rikuchin, imaschus jamoj p'unchaykunapi chayamunanta. Kayqa, reyman willasaj mosqoyninta, imaschus rikhurerqa puñushajtin chayta.

Daniel (hebreo) 2:35

Chay rato ujllata chay fierropis, t'urupis, broncepis, qolqepis, qoripis ñut'usqas karqanku, imaynatachus chajra oqharina tiempopi trigo trillakojtin q'oshñilla jatarin ajinata. Chanta wayrataj oqharerqa mana imata puchuchispa. Lantita t'unaykorqa chay rumitajrí, uj jatun orqoman tukorqa, tukuynin jallp'amantaj junt'aykorqa.

Daniel (hebreo) 2:45

Chaytamin niyta munan reypa rikusqan rumi mana pejpa tanqarimusqallan orqomanta choqakamojqa. Chay rumitaj fierrota, bronceta, t'uruta, qolqeta, qoritapis ñut'u polvoman tukucherqa chayqa. Jatun Diosqa rikuchin reyman, imachus kananmanta qhepa p'unchaykunapi. Mosqokusqaykeqa cheqamin, sut'inchaynimpis cheqapunitaj.

Oseas 3:5

Chay qhepantaqa, israelitas kutimuspa Señor Diosninkuta mask'anqanku, jinataj reyninku Davidtapis. Qhepa p'unchaykunapeqa, tukuy sonqowan yupaychaypi Señorman qayllaykonqanku, Paypa tukuy khuyakoj imasninmantaj.

Zacarías 14:10

Tukuy jallp'aqa pampachasqa kanqa Jerusalenmanta surnejpi chay Gabamanta Rimonkama. Jerusalén llajtaqa wichaynejpiña rikhurenqa, chaynejpitaj tiyakonqanku Benjamimpa punkunmantapacha Esquina punkukama. Chaypi ñaupa punku karqa. Jinataj Hananeelpa torrenmantapacha reypa aceitenta ruwanasninkama.

Zacarías 14:9

Chay p'unchaypeqa Señorlla kamachenqa tukuynin jallp'api. Chaypacha uj k'ata Señorlla kanqa, uj k'atallataj sutimpis kanqa.

Zacarías 8:22

Jerusalenman jamonqanku ashkha runas jatun atiyniyojkuna ima. Tukuy Atiyniyoj Señorta mask'aj bendicionnintataj mañarikoj jamorqanku.

Zacarías 8:3

Jerusalenman kutillasajtaj chaypi tiyakapoj. Chaypacha Jerusalenqa uj cheqata purej llajta kanqa; Tukuy Atiyniyoj Señorpa orqontaj uj santo orqo nisqa kanqa.

Malaquías 3:12

Tukuy nacionespi kaj runas kusiyniyoj kasqaykichejta nenqanku, imaraykuchus munanapaj jina kanqa llajtaykichejqa. Noqa Tukuy Atiyniyoj Señormin chaytaqa nini.

Números 24:14

Jina kajtenqa wasiyman kutipullasaj. Chaywampis kayta niyki, imatachus chay runas, runasniykita qhepaman ruwanankuta.

Hechos 2:17

Dios nin imaschus qhepa p'unchaykunapi kananmanta. Tukuy runakunaman Espirituyta chayachisaj. Churisniykichejtaj, ususisniykichej pis Diospa sutimpi parlanqanku. Waynakunataj mosqoypi jina rikonqanku. Machu runasniykichejtaj mosqoykunata mosqoykonqanku.

2 Timoteo 3:1

Yachanallaykitaj tiyan kayta: Qhepaman sajra p'unchaykuna jamonqanku.

Hebreos 1:2

Kay qhepa p'unchaykunapitaj Churinnejta parlamuwarqanchej; paytataj churarqa tukuy imamanta chayaqeyoj kanampaj; paynejtataj tukuy mundontinta ruwarqa.

2 Pedro 3:3

Ñaupajta kayta yachachiychej, qhepa p'unchaykunapi kay imasta asipayajkuna jamonqanku, aychankoj munayninman jina purispa.

Apocalipsis 11:15

Qanchis kaj angeltaj trompetata waqacherqa. Janaj pachapitaj sinch'i parlaykuna uyarikorqa, nispa: Kay pachapi reinosqa Señorninchejpataña kanku, Cristompatawan. Paytaj wiñay wiñaypaj kamachenqa.

Apocalipsis 20:4

Tronostataj rikorqani. Chaykuna patapitaj tiyaykukorqanku pikunachus atiyta jap'erqanku juzganankupaj, chaykuna. Uman qholusqakunaj almasnintapis rikullarqanitaj, pikunachus Jesusmanta, Diospa palabranmantawan willarqanku, chaykunata. Paykunaqa phiña animalta mana yupaycharqankuchu, nitaj lantintapis, nitaj frentesninkupi, nitaj makisninkupipis marcata jap'erqankuchu. Chaykunaqa kausarqanku, kamacherqankutaj Cristowan waranqa watata.