Isaías 2:12 - Qheshwa Biblia DC

¹² Chaypachaqa Tukuy Atiyniyoj Señorpa p'unchaynin jamonqa, runaykachajkunaj contrampi, jatunmanta qhawaykachajkunaj contrampi, may kasqankuta yuyakojkunaj contrampi, chinkachisqa kanampaj;

DIOSPA QHELQACHISQAN DEUTEROCANONICAL

¹² Chaypacha Tukuy Atiyniyoj Tata Diospa p'unchaynin jamonqa runaykachajkunaj contrankupi, uma oqharejkunaj contrankupi, may kasqankuta yuyakojkunaj contrankupi ima, tukuyninku k'umuykuchisqa kanankupaj.

DIOSPA QHELQACHISQ

¹² Chaypacha Tukuy Atiyniyoj Tata Diospa p'unchaynin jamonqa runaykachajkunaj contrankupi, uma oqharejkunaj contrankupi, may kasqankuta yuyakojkunaj contrankupi ima, tukuyninku k'umuykuchisqa kanankupaj.

Isaías 2:12 ပူးပေါင်းရင်းမြစ်များ

2 Samuel 22:28

Qan salvanki llamp'u sonqosniyojkunata, wapuykachajkunatataj allinta qhawanki, k'umuykuchinkitaj.

Job 24:1

Tukuy Atiyniyojmanta tiempospis mana pakasqa kajtenqa, imaraykutaj payta rejsejkunaqa ima diaschus ruwanantaqa mana yachankuchuri?

Salmos 131:1

Señorníy, sonqoyqa mana jatunchakunchu, ñawisniypis mana pitapis pisipaj qhawanchu. Mana jatuchaj imaspa qhepantachu purini, nitaj mana ruway atina imaspipis.

Salmos 18:28

Qan, Señor, k'anchayta qowanki. Qan, Diosníy, laqha kayniyta k'anchaykunki.

Salmos 37:13

Señortaj paymanta asikun, imaraykuchus yachan sajrapajqa horan chayamusqantaña.

Salmos 94:2

Wapuchakojkunaj contrampi oqharikuy, ruwasqankuman jinataj kutichiy. Qanmin kay pachata cheqanchajqa kanki.

Proverbios 16:5

Señorqa runaykachajkunata millachikun; jasut'isqapuni kanqanku.

Isaías 10:12

Señorqa Sión orqopi, Jerusalempiwan ruwaspaña, Asiria reytañataj jasut'enqa, anchata wapuykachasqanta, may kasqanta yuyakusqanmantataj.

Isaías 10:33

Qhawaychej, Tukuy Atiyniyoj Señorqa, manchay kallpanwan sach'asta mast'arparenqa. Aswan jatuchaj kaj sach'asqa k'utusqas kanqanku, aswan jatuchajpuni kajkunatajrí, pampaman urmachisqas kanqanku.

Isaías 13:11

Señorqa nin: Kay pachata juchanmanta jasut'isaj, sajra runasta millay juchasninkumanta. Sajra runaspa machu machuykachayninkuta ch'inyachisaj; May kasqankuta yuyakojkunata k'umuykachachisaj.

Isaías 13:6

Qhapariychej, imaraykuchus Señorpa p'unchaynenqa qayllaña. Payqa tukuy atiyninwan chinkachenqa.

Isaías 13:9

Señorpa p'unchaynenqa manchaytapuni jamushan, manchay llakiy p'unchay, k'ajaj phiñakuywan k'ajarishaj, jallp'ata ch'impachata saqenampaj, juchasapastapis chinkachinampaj.

Isaías 14:15

Astawampis, qanqa wañusqas kashanku chayman wijch'usqa kanki, ukhu ukhupachaman.

Isaías 23:9

Kaytaqa Tukuy Atiyniyoj Señormin unancharqa, mayta machu machuykachasqankuta p'enqaypi rikhurichinampaj, jinallataj jallp'a patapi may atiyniyojkunatapis.

Isaías 24:21

Chaypacha Señorqa janaj pachapi atiyniyojkunata jasut'enqa; jinallataj kay jallp'a patapi kaj reykunatapis.

Isaías 24:4

Jallp'aqa ch'akipun, maytataj ch'akishan. Kay pachaqa onqospa urmasqan kashan. Janaj pachawan kay pachawanqa llakiywan junt'a kashan.

Isaías 40:23

Diosqa yachayniyoj runastaqa mana kajman tukurpayachin. Kay jallp'a patapi kamachejkunataqa manapis kankumanchu jina chinkarpayachin.

Isaías 42:15

Orqosta lomasta ima urmarachisaj. Tukuy qhoras kajta ch'akirachisaj. Mayusta yaku qochasman tukuchisaj. Yaku tantakunasta ch'akirachisaj.

Isaías 5:15

Runasqa k'umuykachachisqas kanqanku. Mayta runaykachajkunapis k'umuykuchisqas kanqanku.

Isaías 61:2

Señorpa allin watanta willanaypaj, Señor Diosninchej enemigosninman aynita kutichinanta, tukuy llakisqasta sonqochanaypajtaj.

Jeremías 12:9

Kay noqaj aylloyqa, imaynatachus k'achitu phurusniyoj aycha mikhu p'isqo jina, chaytataj waj aycha mikhu p'isqos maqaj churakunku, ajina kashanku. Jamuychej, tukuy sajra animales kajkuna, tantaykukuychej uj sumaj mikhuy qarakuta ruwanaykichejpaj.

Jeremías 30:7

Uj jatun ñak'ariy p'unchay qayllamun, chay jina p'unchayqa mana ujtawan kanqachu. Uj llakiy p'unchaykuna Jacobpa ayllumpaj kanqa, chaywampis salvakonqa.

Jeremías 46:10

Tukuy Atiyniyoj Señorpa p'unchaynenqa kaymin, chay p'unchaypi Pay tukuy enemigosninwan pagachikonqa. Espadaqa manaña atinankama t'ojsenqa paykunaj yawarninwantaj machaykonqa. Tukuy Atiyniyoj Señorqa maytapuni wañurachenqa patanej jallp'aspi, Eufrates qayllapi ima.

Jeremías 50:31

Tukuy Atiyniyoj Señor nin: Phiñankuta mask'aj nación contraykipi noqa kashani; jasut'inasuy chay p'unchayqa chayamunña.

Ezequiel 13:5

Perqapi jusk'usman mana wicharerqankichejchu, ni perqatapis Israel aylloj muyuynimpi llajtata waqaychanampaj ruwankichejchu, maqanakuna p'unchaypi sinch'ita sayanampaj Señorpa p'unchaynin chayamojtin.

Daniel (hebreo) 4:37

Kunan ari, noqa Nabucodonosor, yupaychani, honrani, jatunchanitaj janaj pachapi kaj Reyta, imaraykuchus ruwaynenqa, cheqapuni, cheqantaj. Jatunyakojkunatataj pay k'umuykachachiyta atin.

Amós 5:18

Ay, phutiy, pikunachus Señorpa p'unchaynin chayamunallantaña munashanku chaykunamanta. Yachankichejchu imaynachus chay p'unchay qankunapaj kananta? Chay p'unchayqa laqha p'unchay kanqa, mana p'unchaychu.

Miqueas 2:3

Chayraykumin nin Señorqa: Noqajtapis tiyan uj ruwanay qankunaj contraykichejpi. Qankunaman apachimusaj uj manchay ñak'ariyta chaymantari mana ni imaynamanta kunkaykichejta orqhoyta atinkichejchu, manataj mayta runaykachaspa purinkichejchu, imaraykuchus may ñak'ariy tiempos kasonqachej.

Miqueas 5:11

Llajtasniykitapis raqaykunasman tukuchisaj, chay tukuy jark'akunasniykichejtapis urmarachisaj.

Sofonías 1:16

Chay p'unchaypi pututu waqanqa. Qhaparisqataj kanqa kallpachasqa llajtaspa contrampi, jatuchaj qhawana torresnimpa contrampitaj.

Sofonías 3:11

Munasqa runasníy, jaqay p'unchaykunapeqa, mana p'enqakunkichejñachu, ni mayqen sajra ruwasqaykichejmantapis, contraypi sayarejtiykichejpis. Chaypachaqa jatunyakojkunata, mana respetoyojkunata ima, qankuna chaupimanta wijch'usaj. Manataj jayk'ajpis ujtawan wapuykachankichejchu llimphu orqoypi.

Malaquías 4:1

Tukuy Atiyniyoj Señorqa nin: Horno jina lauraj p'unchay qayllamushan, mayqempichus tukuy jatunchakojkuna, tukuynin sajra runastaj ichhu jina ruphanqanku. Chay jamoj p'unchaypi paykunata tukuyninkuta q'olanqa, nitaj imapis chaypacha paykunamanta puchonqachu.

Malaquías 4:5

Elías profetata kachamusqaykichej, Señorpa p'unchaynin manaraj chayamushajtin, mayqenchus uj jatun p'unchay kanqa, ancha manchachikunataj.

San Mateo 23:12

Jatunchakojqa, k'umuykachachisqa kanqa; k'umuykukojtaj, jatunchasqa kanqa.

San Lucas 14:11

Pillapis jatunchakojqa p'enqachisqa kanqa, k'umuykojtaj jatunchasqa kanqa.

1 Corintios 5:5

Chay runata supayman jaywaychej, aychan chinkachisqa kanampaj; almantaj salvasqa kanampaj Señor Jesuspa p'unchaynimpi.

1 Tesalonicenses 5:2

Qankunaqa allinta yachankichej suwaqa tuta jamusqanta; ajinallatataj Señorpa p'unchaynimpis jamonqa.

Santiago 4:6

Payqa astawan khuyakuwanchej. Chayrayku escrituras nin: Diosqa jatunchakojkunata qhesachan, k'umuykukojkunatataj yanapan.