Isaías 18:4 - Qheshwa Biblia DC

⁴ Señorqa kay jinata niwan: Ch'inlla kakusaj, tiyakunaymanta qhawamullasaj, imaynatachus inti k'ancharimojtin k'ajarin ajinata, imaynatachus cosecha tiempopi q'oñimojtin, chhulla phuyu phuyuykun ajinata.

DIOSPA QHELQACHISQAN DEUTEROCANONICAL

⁴ Ajinata ruwaychej, imaraykuchus Tata Dios kay jinata niwan: Ch'inlla kakuspa, tiyakunaymanta qhawamullasaj, imaynatachus inti k'ancharimuspa k'ajarin, ajinata, jinallataj poqoy oqharina p'unchaypi q'oñimojtin chhulla phuyu phuyuykun, ajinata.

DIOSPA QHELQACHISQ

⁴ Ajinata ruwaychej, imaraykuchus Tata Dios kay jinata niwan: Ch'inlla kakuspa, tiyakunaymanta qhawamullasaj, imaynatachus inti k'ancharimuspa k'ajarin, ajinata, jinallataj poqoy oqharina p'unchaypi q'oñimojtin chhulla phuyu phuyuykun, ajinata.

Isaías 18:4 ပူးပေါင်းရင်းမြစ်များ

2 Crónicas 6:21

Jinataj kay kamachiykej mayta mañakamususqanta, chanta aylluyki Israel, kay wasipi qanmanta mañakamusojtimpis, uyariy janaj pachamantapacha, tiyakunki chaymantapacha, perdonawaykutaj.

Salmos 72:6

Reyqa qhorasta qarpaj jina kachun, chhulla jina jallp'ata qarpajtaj.

Proverbios 19:12

Reypa phiñakuynenqa leompa qhaparisqan jina, khuyakuyninrí qhora patapi chhulla jina.

Isaías 12:6

Siompi tiyakojkuna kusiywan takiychej, imaraykuchus Israelpa Santo Diosnenqa qankunaj chaupiykichejpi kashan, tukuy jatun kayninwan.

Isaías 14:32

Nacionesmanta willajkuna jamojtinkoqa ima ninkichejtajri? Sión llajtataqa Señormin ruwarqa. Chayrayku llakisqasnenqa chay llajtapipuni pakakonqanku.

Isaías 18:7

Chaypacha, Tukuy Atiyniyoj Señorman, chay runas rikuchikuta apamonqanku; paykunaqa kanku jatun karay yana runas, qallariymantapacha tukuypa manchachikunan ayllu, tukuyta atipaj, kallpasniyojtaj; paykunaj jallp'asninkoqa mayuraralla. Chay rikuchikuta Sión orqoman apamonqanku, Tukuy Atiyniyoj Señorpa sutinta yupaychanku chayman.

Isaías 26:19

Chaywampis, wañusqasniykeqa kausarimonqanku, ayasninkupis kausarimponqanku. Jallp'a ukhupi puñojkunaqa rijch'arimonqanku, kusiywantaj mayta qhaparispa kusikonqanku. Qanqa k'anchayta chhulla parata jina apachimunki, chanta wañusqasqa jallp'a ukhumanta sayarimonqanku.

Isaías 26:21

Qhaway, Señorqa tiyakunanmanta llojsimonqa, jallp'a patapi tiyakojkuna paypa contranta juchallejkunata jasut'inampaj. Jallp'aqa manaña pakayta atenqachu yawar jich'asqata wañuchisqa kajkunatawan.

Isaías 31:9

Manchachikuywan reyqa pakakunanta saqerparenqa, kurajkunasninkupis maqanakuta saqerparispa ayqerikaponqanku. Kayta Señorqa nin: Jerusalempi nina kashan, enemigosninta jasut'inampaj.

Isaías 46:13

Noqaqa cheqanchayniyta qayllachimusaj. Mana karunchakonqachu, salvacionniypis mana kikimpichu sayanqa. Sionman noqaqa salvacionniyta churasaj, atiyniytaj israelitaswan kallanqapuni.

Isaías 57:15

Ajinata nin jatun Diosqa, wiñaypaj tiyakojqa, sutenqa Santo Dios: Noqaqa patapi tiyakuni, Santo cheqaypi. Llamp'u sonqoyojwan, k'umuykukojwan kashani, k'umuykukoj sonqoyojkunata, llakisqakunatawan kusichinaypaj.

Oseas 14:5

Israelpaj noqa kasaj uj chhulla jina, paytaj liriokuna jina t'ikarenqa. Saphisnenqa Líbanoj orqompa saphisnin jina sinch'is kanqanku;

Oseas 5:15

Jinata ruwaytawankama tiyakunay llajtayman kutimpusaj, juchasniyoj kasqankuta reparakuytawankamataj mask'aj jamunawanku. Ñak'ariypi rikhurisparaj mask'aj tukuwanqanku!

Joel 3:17

Chaypachamá qankuna yachankichej, noqa Señor Diosniykichej, tiyakusqayta noqaj t'aqasqa Sión orqopi. Jerusalemtaj noqapaj t'aqasqa llajta kanqa. Manataj jayk'ajpis waj llajtayojkuna atipanqankuchu.

Amós 3:7

Señorqa manamin imatapis ruwanchu manaraj imatapis ñaupajta profetasninman willaspaqa.