Isaías 18:2 - Qheshwa Biblia DC

² Mar qochanta kachasta kachaj, yaku patanta totoramanta ruwasqa barcospi! Usqhayta correj kachas riychej, jatun karay yana runaspa llajtanman. Tukuy tiempo manchachikuna nacionman, atiyninwan atipaj llajtaman. Chay jallp'aqa ashkha mayusniyoj.

DIOSPA QHELQACHISQAN DEUTEROCANONICAL

² Nilo mayunta kachakunata kachanku t'uturamanta ruwasqa usqhayta purej barcokunapi. Kachakuna, usqhayta riychej, qarankoj k'ancharishaj jatunkaray runakunaj llajtankuman. Paykunaqa tukuynejpi manchachikuna suyu kanku, atiyninkuwan atipaj suyu, chay jallp'ankupitaj ashkha mayu tiyan.

DIOSPA QHELQACHISQ

² Nilo mayunta kachakunata kachanku t'uturamanta ruwasqa usqhayta purej barcokunapi. Kachakuna, usqhayta riychej, qarankoj k'ancharishaj jatunkaray runakunaj llajtankuman. Paykunaqa tukuynejpi manchachikuna suyu kanku, atiyninkuwan atipaj suyu, chay jallp'ankupitaj ashkha mayu tiyan.

Isaías 18:2 ပူးပေါင်းရင်းမြစ်များ

2 Crónicas 14:9

Paykunaj contrankupitaj Etiopiamanta Zeraqa uj millón soldadoswan rerqa, chanta kinsa pachaj maqanakuna carretaswan, Maresakamataj chayarqa.

2 Crónicas 16:8

Manachu etiopeswan, libioswanqa may atiyniyoj soldados karqanku, ashkha soldados caballospi maqanakojkunasniyoj, jinataj maqanakupaj carrestasniyoj ima? Chaywampis Señorqa makisniykiman churarqa paypi atienikusqaykirayku.

Job 9:26

Chaykunaqa rishanku uj correshaj bote jina, anka imatapis jap'ej kachaykukun ajinata.

Éxodo 2:3

Manaña astawan pakana jina kajtintaj totoramanta juch'uy sayt'u canastata ruwaspa, jusk'usnintataj mach'awan, breawan ima sumajta llut'aykuspa ruwarqa ama yaku yaykunampaj. Jinaspataj chay canastawan wawata churaykuspa chuchiyu ukhuman churaykamorqa Nilo mayu cantoman.

Isaías 18:7

Chaypacha, Tukuy Atiyniyoj Señorman, chay runas rikuchikuta apamonqanku; paykunaqa kanku jatun karay yana runas, qallariymantapacha tukuypa manchachikunan ayllu, tukuyta atipaj, kallpasniyojtaj; paykunaj jallp'asninkoqa mayuraralla. Chay rikuchikuta Sión orqoman apamonqanku, Tukuy Atiyniyoj Señorpa sutinta yupaychanku chayman.

Jeremías 49:14

Señormanta uj willay chayamuwan, naciones ukhupi uj kacha qhaparishasqanta: Tantaykukuychej, Edompa contrampitaj puririychej, maqanakuypajtaj wakichikuychej.

Ezequiel 30:9

Chay p'unchaypi buquespi willarajkunata kachasaj, Etiopía jallp'api mana ima llakiyniyoj tiyakoj runasman chay manchaymanta uyarichimunankupaj. Paykunapajpis imaynatachus Egipto llajtapaj manchay jasut'i chayamorqa, ajinallataj kanqa. Chay p'unchaytaj chayamushanñapuni.

Abdías 1:1

Señor kayta rikucherqa mosqoypi jina Abdiasman. Uyarerqayku uj willayta Señormanta. Uj willajtaj rerqa willaraj nacionesman: Puririychej! Jakuchej Edompa contrampi maqanakoj! Señor Diosmin Edomman nin: Tukuy naciones ukhupi juch'uysituman tukuchisqayki maytataj k'umuykachachisqayki.

Habacuc 1:7

Manchay t'ukuna mancharikunataj kanku mana rejsinkuchu waj leyta paykunajmanta nisqaqa.

San Lucas 10:19

Kunanqa atiyta qoykichej, catarista, atoj atojkunatapis sarunaykichejpaj; enemigoj tukuy kallpantapis atipanaykichejpaj; manataj imapis imanasonqachejchu.