Isaías 17:8 - Qheshwa Biblia DC

⁸ Manaña makinwan ruwasqa altaresta qhawanqachu, nitaj waj imasta ruwasqasninkutapis, nitaj k'ullu lantistapis, nitaj intiman rijch'akoj lantistapis.

DIOSPA QHELQACHISQAN DEUTEROCANONICAL

⁸ Manaña lantikuna yanapananta mask'anqankuchu, nitaj makinkuwan ruwasqa lantikunata yupaychanqankuchu, nillataj k'ullu lantikunatapis. Manañataj k'ullumanta Asera lantikunata yupaychanqankuchu, nitaj maypichus lantikunaman inciensota q'oshñichinku, chay altarkunamanpis k'umuykukonqankuchu.

DIOSPA QHELQACHISQ

⁸ Manaña lantikuna yanapananta mask'anqankuchu, nitaj makinkuwan ruwasqa lantikunata yupaychanqankuchu, nillataj k'ullu lantikunatapis. Manañataj k'ullumanta Asera lantikunata yupaychanqankuchu, nitaj maypichus lantikunaman inciensota q'oshñichinku, chay altarkunamanpis k'umuykukonqankuchu.

Isaías 17:8 ပူးပေါင်းရင်းမြစ်များ

2 Samuel 22:42

Yanapata mañakorqanku, manataj pipis yanaparqachu; Señorman wajyakorqanku, paytaj mana uyarerqachu.

2 Crónicas 14:5

Tukuynin Judá llajtasmantari lanti wasista, lantisnintinta chinkacherqa. Manataj ima ch'ajwapis kamachishajtin karqachu.

2 Crónicas 31:1

Chay tukuyta ruwaytawanqa chaypi tukuy israelitas kajkunaqa, Judapi kaj tukuy llajtasman rerqanku, chay lanti rumistataj phirerqanku, Aseraman rijch'akoj lantistapis, lomas patapi lanti churana wasista, altarkunatawan. Tukuy chaykunatataj tukucherqanku Judá jallp'api Efraimpi, Manasespipis. Chaymantataj tukuy israelitas llajtasninkuman kutiporqanku, sapa ujpis wasisninkuman.

2 Crónicas 34:4

Ñaupaqempitaj thuñerqanku Baal lantispa altaresninta. Thuñichillarqataj patampi kasharqanku chay incienso q'osñichina altarestapis, chanta thuñichillarqankutaj Asera lantista, llajllasqa lantista, metalmanta jich'asqa karqanku chay lantistapis, chay tukuyta ñut'uman tukuchispa. Chaywan qhalliykorqa uywasta chay lantisman ñak'aspa jaywarqanku chaykunaj sepulturasninkoj patanman.

Éxodo 34:13

Manachayqa qankuna urmarachinkichej altaresninkuta, rumisninkuta p'akirankichej, yupaychananku k'ullustapis khuchurankichej.

Isaías 1:29

Chantá qankunaqa p'enqachikunkichej, encina sach'asta chhikatapuni munakusqaykichejmanta, may huertapichus kusikusqaykichejmantawan.

Isaías 10:20

Chaypachaqa Israelpi pisis qhepakojkunaqa, Jacobpa mirayninmanta qhepakoj israelitasqa, manaña paykunata ñak'arichejkunapi atienekonqankuchu, manachayqa Israelitasqa santo kaj cheqa Señorpi sumajta sayanqanku.

Isaías 17:9

Chay p'unchaypi allin jark'asqa llajtasniyki saqesqas kanqanku, amorreoskuna, heveoskuna llajtasninkuta israelitasta manchachikuspa saqerqanku, ajinata. Jinamanta ch'impachaman tukonqa.

Isaías 2:8

Chantá lantiswan junt'allataj kashan, runasqa ima lantistachus ruwasqasninkuta yupaychanku, kikin makisninkoj ruwasqasninta.

Isaías 27:9

Ajinamanta Jacobpa millay juchasnenqa perdonasqa kanqa. Chaytaj ruwasqa kanqa kay jinata ruwanan kajtin: Tukuy altaresninta cal rumista jina jallp'aman tukuchinan kajtin, amaña yupaychana k'ulluspis kachunchu, amataj intiman rijch'akoj lantispis.

Isaías 30:22

Chaymantaqa qhesachanki qolqemanta lantisniykita, jinallataj qoriwan lluchhisqa lantisniykitapis. Qanqa chaymanta millayta jina qhawanki, uj q'opata jinataj, ninkitaj llojsiy jawaman, nispa.

Isaías 37:19

Chay llajtaspa dioskunasninkutaqa ninaman enqhaykorqanku, imaraykuchus chaykunaqa cheqamanta manapuni dioskunachu karqanku, mana chayqa runaj, ruwasqallan, k'aspimanta, rumimanta ima; chayrayku chaykunataqa t'unararqanku.

Isaías 41:29

Tukuyninku mana imapis kankuchu. Chaykunaqa mana imatapis ruwayta atinkuchu. Chay ruwasqanku lantisqa qhasi mana kaj ch'usajlla kanku.

Isaías 44:15

Chaywan runaqa ninata enqhakun, chaywan q'oñikun; chaywan hornopipis t'antata chayachikun. Chay k'aspillamantataj uj diostapis ruwaspa yupaychakun. Chay sach'asllamantataj uj lantita ruwaspa tukuy sonqo chayman qonqorikun.

Jeremías 17:2

Wawasniyki yuyarikunku altaresmanta, chay yupaychana k'ullusninkumantataj, chay ch'ampa sach'aswan khuska kasharqa chaykunamanta, jinataj chay orqo pataspi kasharqanku chaykunamantapis.

Ezequiel 36:25

Llimphu yakuwan mayllasqaykichej, tukuy ch'ichi kausayniykichejmanta llimphuchasqas kankichej. Tukuy qhasi mana kaj dioskunamantapis t'aqasqaykichej.

Oseas 14:8

Efraintaj nenqa: Ima dakuwanñataj chay lantikunamantari?, nispa. Noqamin uyarini, qhawanitaj aylluytaqa! Noqa kani uj pino jina q'omerllapuni, noqapitaj aylloyqa poqoyninta tarenqa.

Oseas 14:9

Tukuy yachayniyojkuna, yuyayniyojkunapis kay willaymanta entiendechunku: Señorpa munakusqasnenqa cheqankunamin, justostaj chayta qhatinku; pero chay sajrata ruwajkunarí, paykunapi misk'akuspa urmanqanku.

Sofonías 1:3

Runasta animalestawan t'unaykusaj, p'isqosta jinallataj challwastapis. Sajra runasta urmachisaj, jallp'a patapi kaj runasta chinkachisaj. Kay jinata Señorqa nin:

Zacarías 13:2

Tukuy kaj jallp'api lantikunata phirisaj, sutisnintinta chinkachinaypaj jinamanta manaña pipis qhaparikunankupaj. Jinallatataj profetasninkuta chay jallp'amanta chinkachisaj, chantá millay espirituyoj kajkunatapis. Noqa Señor niykichej.

Deuteronomio 7:5

Kay jinata ruwankichej: Altaresninkuta thuñinkichej, yupaychana rumisninkuta, yupaychana k'ullusninkutawan p'akinkichej. Jinallataj lantisninkutapis ninawan ruphaykuchinkichej.