Isaías 14:2 - Qheshwa Biblia DC

² Ashkha naciones israelitastaqa yanapanqanku, jallp'ankumantaj pusaponqanku. Chay runastataj israelitasqa Señorpa jallp'ampi kamachisninkupaj jap'enqanku. Chanta israelitasñataj pikunachus ñak'aricherqanku, chaykunata presochanqanku, munayninkupitaj apaykachanqanku, paykunata llakichej kanku chaykunata.

DIOSPA QHELQACHISQAN DEUTEROCANONICAL

² Waj suyukuna israelitakunata yanapanqanku jallp'ankuman kutimpunankupaj. Chay runakunataj Diospa jallp'anpi israelitakunaj wata runanku kanqanku. Chantá israelitakunañataj, pikunachus paykunata ñak'arichejkunata presochanqanku, munayninkutataj paykunawan ruwanqanku, pikunachus israelitakunata llakichej kanku, chaykunawan.

DIOSPA QHELQACHISQ

² Waj suyukuna israelitakunata yanapanqanku jallp'ankuman kutimpunankupaj. Chay runakunataj Diospa jallp'anpi israelitakunaj wata runanku kanqanku. Chantá israelitakunañataj, pikunachus paykunata ñak'arichejkunata presochanqanku, munayninkutataj paykunawan ruwanqanku, pikunachus israelitakunata llakichej kanku, chaykunawan.

Isaías 14:2 ပူးပေါင်းရင်းမြစ်များ

Esdras 2:65

Qhari kamachis, warmi kamachispis mana paykunawan yupasqachu karqanku. Chay kamachistaj yupakorqanku, qanchis waranqa kinsa pachaj kinsa chunka qanchisniyoj. Kallarqankutaj, qhari takejkuna, warmi takejkunapis, paykunataj iskay pachaj karqanku.

Salmos 68:18

Diosníy, puntanman wicharerqanki presochasqasta apaspa. Runas jaywasorqanku chaytataj jap'ikorqanki. Contraykipi sayaykojkunapis ñaupaqeykipi k'umuykukunku.

Isaías 18:7

Chaypacha, Tukuy Atiyniyoj Señorman, chay runas rikuchikuta apamonqanku; paykunaqa kanku jatun karay yana runas, qallariymantapacha tukuypa manchachikunan ayllu, tukuyta atipaj, kallpasniyojtaj; paykunaj jallp'asninkoqa mayuraralla. Chay rikuchikuta Sión orqoman apamonqanku, Tukuy Atiyniyoj Señorpa sutinta yupaychanku chayman.

Isaías 31:8

Chaypacha Asiriaqa maqanakupi tukuchisqa kanqa, manataj runaj espadanwanchu. Asiriosqa maqanakumanta ayqenqa, sumachaj maqanakoj wayna runasninkupis presochasqas kanqanku.

Isaías 45:14

Chanta israelitasman nillantaj Señorqa: Egiptoj campo runas, Etiopía qhatojkunapis, Sabá llajtamanta kaj; jatuchaj runas ima qanman k'umuykusonqanku, qampata kamachisniyki kanqanku. Qhepaykita cadenaswan watasqas renqanku. Cheqamanta ñaupaqeykiman qonqoriykukuspa mañakusonqa: Cheqamanta qampi Diosqa kashan, chay Diosmanta astawan waj Diosqa mana kanchu.

Isaías 49:22

Ajinata Señorqa nin: Noqa makiyta oqharispa nacionesta kamachisaj, chay runaspaj uj señasta ruwasaj banderata oqharispa; paykunataj qhari wawasniykita, warmi wawasniykitapis makisninkupi marq'ampusonqanku.

Isaías 49:23

Reyqa kanqanku uywaqe tatayki jina, reinapis mamayki jina. Paykunaqa pampaman umankuta chayachinankukama qanman qonqorikusonqanku, chakisniykipi jallp'as kajtapis qallunkuwan llajwasonqanku. Ajinapi qanqa yachanki noqa Señor kasqayta, noqapi atienekuwajkunaqa mana jayk'ajpis p'enqaypi rikhurerqankuchu.

Isaías 49:25

Señortaj nin: Cheqamanta jap'isqa runaqa chay jina kallpayoj soldadoj makinmanta qhechusqa kanqa; uj jap'isqapis uj sujsojkiri runaj makinmanta qhechusqa kanqa. Noqa kutichisaj, quejasojniykiwan yachanakusaj, noqa kikiytaj wawasniykitaqa qhechumpusqayki.

Isaías 54:3

Lloq'emantaj pañamantaj jatunyanki; mirayniykeqa nacionesta jap'ikaponqanku. Chay saqerasqa ch'in llajtasman junt'anqanku.

Isaías 60:14

Llakichisojkunaj wawasnenqa, llamp'u sonqoman tukuspa jamusonqanku; ñak'arichisorqachej chaykunaqa chakisniykiman k'umuykamusonqachej. Israelpa Diosnimpa ayllun, Señorpa ayllun, nispa sutichasonqankutaj.

Isaías 60:4

Muyuyniykita qhawarikuy. Kaykunaqa ujllaman tantaykukuspa qanman kutimpusunku. Wawasniykeqa karu llajtasmanta jamusunku, warmi wawasniykitapis mark'api apampushanku.

Isaías 61:5

Karu llajtayojkuna ovejasniykichejta michenqanku, llank'anasniykichejta llank'anqanku, jinallataj uva chajrasniykichejtapis qhawanqanku.

Isaías 66:12

Señorqa ajinata nin: Noqa chay llajta ukhunman sonqo tiyakuyta churani uj mayuta jina, tukuy nacionespa kusiynintawan mayu yakupis llump'irishanman jina. Chaynejta qankunaqa ñuñoj wawas jina kusikunkichej, makisninwan ichurikusonqachej, arphin patapitaj chhukusonqachej.

Jeremías 30:16

Jinaqa, tukuy qanta oqoykusojkunaqa oqoykusqasllataj kanqanku. Qanta ch'uskisojkunaqa ch'uskisqasllataj kanqanku. Tukuy enemigosniyki wijch'usqas kanqanku. Qanta suwasojkunapis suwasqasllataj kanqanku.

Jeremías 49:2

Kunanqa noqa Señor kayta nini: Uj p'unchay chayamonqa maypachachus Rabamanta amonita llajta uyarinan, maqanaku qhapariyta, chaytaj uj qollu raqaykunasllamanña tukuchisqas kanqanku, chay k'iski ranchosninkutaj ninapi larwaykunaspi k'ajarenqanku. Chaypacha Israelqa chay llajtasninta watejmanta jap'ikapullanqataj. Noqa Señor chayta nini.

Ezequiel 39:10

Chaywanqa manaña campomanta llant'ata pallamonqankuchu, ni montesmantapis ch'ejtamonqankuchu, manachayqa chay armasllata enqhakonqanku. Paykunamanta ñaupajpi imasninkutachus qhechurararqanku, chay runasmanta paykunañataj qhechuranqanku. Ñaupajpi paykunamanta kapuyninkuta suwarqanku, chaykunamantataj paykunañataj suwanqanku. Kaytaqa Señor nin.

Daniel (hebreo) 7:18

Chay qhepatataj reinoqa, jatun atiyniyoj Diospa ayllunman qosqa kanqa, paypatataj kanqa wiñaynintimpaj.

Joel 3:8

Qhari wawasniykichejta, warmi wawasniykichejtataj judiosman vendesaj, paykunataj sabeo sutiyoj llajtayojkunaman vendenankupaj, chay karu llajtayoj runasman. Noqa Señormin kaytaqa nini.

Levítico 25:44

Sichus munanki warmi kamachisniyoj, chayri qhari kamachisniyoj kayta chayqa, muyuyniykipi kaj nacionesmanta rantikuy.

Abdías 1:17

Jinapis, Sión orqoqa uj santo lugar kanqa. Chayman chay puchojkunaqa ayqekunaqanku. Jacob ayllumanta kajkunaqa jallp'asninkuman kutipullanqankutaj.

Zacarías 2:13

Tukuy kay pachapi kajkuna ch'inyarichunku Señorpa ñaupaqempi, imaraykuchus Payqa jamun noqanchejman santo cheqamanta, maypichus tiyakun chaymanta.

San Lucas 12:45

Chay kamachichus sonqompi ninman, patronneyqa manaraj chayamonqachu, nispa; qallarinmantaj kamachista jasut'iyta; jinallatataj warmi kamachistapis; manchaytataj mikhunman, ujyanmantaj machanankama chayqa.

Romanos 15:27

Kay ruwasqankoqa gentilesman allin rijch'arqa; imaraykuchus creejkuna judiosman manu karqanku. Gentileschus Espirituman jina paykunamanta jap'erqanku chayqa, gentilespis ajinallatataj, kay pachapi kapuyninkuwan, creejkuna judiosta yanapananku tiyan.

2 Corintios 10:5

Ajinata ari, runakunaj yachayninkuta thuñispa, wapuykachaspa Diospa yachayninta qhesachajkunata; tukuy yuyaytataj Cristoman apaspa kasunankupaj.

Gálatas 5:13

Qankunaqa hermanos, libres kanaykichejpaj wajyasqas kankichej, amataj aychaj munaynimpajchu kachun, manachayqa ujkuna ujkuna yanapanakuychej munakuywan.

Efesios 4:8

Chayrayku Escriturapi nishan: Pataman wicharerqa presochasqasta apaspa, runasmantaj regalosta qorqa.

Apocalipsis 3:9

Qhaway, wakinta Satanaspa tantakuna wasinmanta kajkunata qosqayki. Pikunachus judíos kayku ninku, manataj judioschu, llullas kanku. Paykunata kamachisaj jamunankuta chakisniykiman qonqorikoj, yachanankupajtaj munakususqayta.