Isaías 14:13 - Qheshwa Biblia DC

¹³ Qanqa sonqoykipi nej kanki: Cieloman wicharisaj, Diospa qoyllurkunasninmanta aswan patapi, kamachinaypaj tiyanayta churasaj orqospi, patanejpi, maypichus dioskuna tantakunku chaypi.

DIOSPA QHELQACHISQAN DEUTEROCANONICAL

¹³ Qanqa sonqoykipi nerqanki: Janaj pachaman wicharisaj, Diospa ch'askankunamanta aswan pataman kamachinay tiyanata churasaj. Chantá patanejpi, maypichus dioskuna tantakunku, chaymanta kamachimusaj.

DIOSPA QHELQACHISQ

¹³ Qanqa sonqoykipi nerqanki: Janaj pachaman wicharisaj, Diospa ch'askankunamanta aswan pataman kamachinay tiyanata churasaj. Chantá patanejpi, maypichus dioskuna tantakunku, chaymanta kamachimusaj.

Isaías 14:13 ပူးပေါင်းရင်းမြစ်များ

Job 20:6

Machuykachasqan janaj pachakama chayajtin, umampis phuyukama oqharikojtin,

Salmos 48:2

Diospa Sión orqonqa jatun, k'achitutaj. Jaqay pata ladopi kusikuy kashan. Sión orqoqa kusikuy tukuy kay pachapaj, chayqa jatun reypa llajtan.

Isaías 2:2

Qhepa p'unchaykunapi kay jina kanqa, Señorpa wasin lomaqa tukuy orqosmanta aswan patapi sayachisqa kanqa, oqharisqataj kanqa tukuy orqosmanta aswan pataman. Tukuy nacionestaj chaymampuni jamonqanku.

Jeremías 49:16

Qan mayta runaykachasqaykirayku ch'aukiyachikorqanki, imaraykuchus mancharikuyllata chimpachej kanki. Qanqa chhanka k'ajllusllapi kausakoj kanki, orqoj puntasninmanta jap'ikuspa. Anka jinapis may altopi thapachakuy, chaymantapis uraykuchimusqayki. Noqa Señor chayta nini.

Ezequiel 28:9

Wañuchisojpa ñaupaqempeqa, noqa dios kani nispa parlarinkichu? Qanqa runalla kanki, manataj dioschu wañuchisojpa ñaupaqempeqa.

Ezequiel 29:3

Kunanqa kay jinata parlay: Señorqa kay jinata nin: Egipto llajtapi kamachej faraón, sierpe, mayusniyki chaupipi winkhuraj, nishankitaj: Nilo mayoqa noqajta, noqa ruwarqani, nispa. chayrayku noqaqa contraykipi sayarini.

Ezequiel 31:10

Chaynejta Señorqa kay jinata nin: Chay sach'aqa chay jina jatuntapuni wiñaspa, puntampis phuyuskama taripajtin, sonqompi jatun kasqanrayku anchatapuni jatunchakorqa.

Ezequiel 40:2

Diosqa mosqoypi jina Israelpa jallp'anman pusamuwarqa. Chay loma patapitaj uray ladonejpi uj jatun llajtaman rijch'akoj karqa.

Daniel (hebreo) 11:36

Wichaynejpi kaj reyqa tukuy ima munasqanta ruwanqa. Jatunchakuynenqa maypuni kanqa. Tukuy dioskunajpata kurajnin kasqanta creekonqa. Cheqa Diospa contrantataj manchay sajrata parlanqa. Tukuy imataj paypajqa allin renqa, Dios paypaj jasut'ita apachimunankama. Diosqa imaynatachus ruwanan karqa chaytaqa junt'anqapuni.

Daniel (hebreo) 5:20

Maypachatajchus sonqompi jatunchakorqa, sajrayarqataj wapuchakuspa chaypacha, rey kasqampi atiynin, jatun kasqampis paymanta qhechusqa karqa.

Abdías 1:3

Chay wapuykachasqayki ch'aukiyasorqa kausanki chhanka k'ajlluspi tiyakunkitaj pata patasnimpi. Chayrayku creerqanki mana pipis urmachinasunta.

Sofonías 2:15

Chaymin jatunchakoj llajtaqa, paykunallaman confiakuspa kausarqanku, nerqankutaj: Mundontimpi mana waj llajta noqanchej jina atiyniyojqa kanchu. Kunanrí, imaraykutaj ch'impacha, k'ita animalespa puñunankutaj tarikunri? Chayninta pasajkunaqa silbarispa qhesachaspataj qhawarenqanku.

San Mateo 11:23

Qantaj Capernaum llajta, janaj pachakama oqharikoj, uraykuchisqa kanki infiernokama. Sodomapichus qampi jina chay milagros ruwakunkuman karqa chayqa, kunan p'unchaykama kakushanman karqa chay llajtaqa.

San Lucas 10:15

Qanrí, Capernaum llajta! Cielokama oqharisqachu kayta munanki? Qanqa infiernokama uraykunki.

2 Tesalonicenses 2:4

Payqa sayaykukonqa, oqharikonqataj tukuy ima Dios sutichasqaj contrampi, chayrí yupaychanaj contrampi; Diospa templonman yaykuspataj Dios jina tiyaykukonqa, kikin Diospis kanman jinataj rikuchikonqa.