Isaías 14:1 - Qheshwa Biblia DC

¹ Señorqa Jacobpa ayllunmanta khuyakonqa, israelitastaqa ajllakonqaraj, jallp'ankupitaj watejmanta tiyachenqa. Karu llajtayojkuna paykunaman ujchakonqanku, Jacobpa ayllunwantaj tiyakonqanku.

DIOSPA QHELQACHISQAN DEUTEROCANONICAL

¹ Chaywanpis Tata Diosqa Jacobpa ayllunmanta khuyakonqa. Israelitakunatataj watejmanta ayllun kanankupaj ajllakonqa, jinaspataj jallp'ankupi paykunata watejmanta tiyachenqa. Chaypacha karu llajtayojkunapis paykunaman ujchakonqanku, Jacobpa ayllunwantaj tiyakonqanku.

DIOSPA QHELQACHISQ

¹ Chaywanpis Tata Diosqa Jacobpa ayllunmanta khuyakonqa. Israelitakunatataj watejmanta ayllun kanankupaj ajllakonqa, jinaspataj jallp'ankupi paykunata watejmanta tiyachenqa. Chaypacha karu llajtayojkunapis paykunaman ujchakonqanku, Jacobpa ayllunwantaj tiyakonqanku.

Isaías 14:1 ပူးပေါင်းရင်းမြစ်များ

Ester (hebreo) 8:17

Tukuy suyuspi tukuy llajtaspi ima, maykunamanchus chay kamachiy chayarqa chaykunapi, judiosqa jatun kusiywan, sumaj mikhunasta wayk'urikuspa kusikorqanku chay diaspi. Waj runaspis chayta rikuytawanqa judiosman tukorqanku, imaraykuchus judiosta manchachikorqanku.

Salmos 102:13

Sayarikuspa Sionmanta khuyakunki. Tiempoña khuyakuyniykeqa, junt'akunña perdonanaykipaj horaqa.

Salmos 102:14

Kamachisniykeqa thuñisqa rumisninkutapis munakunku. Raqaykunasta rikuspa, sonqonku nanan.

Salmos 143:12

Khuyakuyniykirayku enemigosniyta tukuchiy, tukuy enemigosniyta chinkachiy, noqa kamachiyki kasqayrayku.

Salmos 98:3

Payqa Israel ayllunrayku munakuyninta, cheqa kaynintawan mana qonqanchu. Kay pachapi kaj chhika runakuna, Diosninchejpa atipasqanta rikunku.

Isaías 19:18

Chaypacha Egiptopeqa phishqa llajtas kanqanku hebreo parlayta parlajkuna, Tukuy Atiyniyoj Señorpa sutimpi juranqankutaj. Ujnin kajtaj Inti llajta sutichasqa.

Isaías 21:1

Ch'in mar qochamanta imaynachus kananmanta willakun. Neguevmanta muyoj wayra jamun, ajinata, manchachikuy ch'in jallp'amanta jamun.

Isaías 27:6

Qhepa p'unchaykunaman Jacobqa sumajta saphinchakonqa, ajinamanta Israelqa ch'illchispa t'ikanqa, chay poqoynintaj mundontinman junt'aykonqa.

Isaías 41:8

Uyariway ari, Israel ayllu, Jacobpa ayllun. Qanqa kamachiy kanki. Qanta noqaqa kausaqey Abrahampa mirayninmanta ajllakorqayki.

Isaías 41:9

Qantaqa jallp'aj tukukuyninmantapacha pusamorqayki, karu jallp'api kashajtiyki wajyamorqayki, nerqaykitaj: Qanqa noqaj kamachiy kanki. Noqaqa ajllakorqayki manataj qhesacharqaykichu, nispa.

Isaías 44:1

Kunanqa Jacobpa ayllun Israel, ajllakusqay kamachíy, uyariway ari.

Isaías 45:14

Chanta israelitasman nillantaj Señorqa: Egiptoj campo runas, Etiopía qhatojkunapis, Sabá llajtamanta kaj; jatuchaj runas ima qanman k'umuykusonqanku, qampata kamachisniyki kanqanku. Qhepaykita cadenaswan watasqas renqanku. Cheqamanta ñaupaqeykiman qonqoriykukuspa mañakusonqa: Cheqamanta qampi Diosqa kashan, chay Diosmanta astawan waj Diosqa mana kanchu.

Isaías 47:1

Babilonia sipas, uraykuspa jallp'a patapi tiyamuy. Caldeo sipas, mana kamachinayoj kunanqa pampapi chukumuy. Kunanmantaqa, manaña sumaj k'acha llamp'u sonqo nisonqankuchu.

Isaías 49:10

Mana yarqhachikonqankuchu nitaj ch'akichikonqankuchu, manataj q'oñipis, intipis llakichenqachu; imaraykuchus munakuyniywan paykunata pusaykachanqa, maykunamantachus yaku phullchimushan chaykunaman.

Isaías 49:13

Janaj pacha kusiywan takiy ari; jallp'a mayta kusikuy. Qankunapis, orqos, kusiywan qhapariychej: Señorqa ayllunta sonqochan; llakisqa llajtanmanta khuyakun.

Isaías 49:15

Uj warmeqa wawitanta qonqarparinmanchu? Wijsanmanta llojsej wawanta manachu munakunman? Pay qonqapunman chaypis, noqaqa ni jayk'aj qonqasqaykichu.

Isaías 49:25

Señortaj nin: Cheqamanta jap'isqa runaqa chay jina kallpayoj soldadoj makinmanta qhechusqa kanqa; uj jap'isqapis uj sujsojkiri runaj makinmanta qhechusqa kanqa. Noqa kutichisaj, quejasojniykiwan yachanakusaj, noqa kikiytaj wawasniykitaqa qhechumpusqayki.

Isaías 49:7

Israelpa Santo Diosnin, salvaj Señorqa, sinch'i qhesachasqa llajtanman, waj llajtaspa chejnikusqan llajtaman, ñak'arichejkunaj kamachinman, kay jinata nin: Reykuna, kurajkunawan qanta rikususpa, qonqorikuspa Diosta yupaychanqanku, imaraykuchus Israelpa Diosnin noqa Señor, qanta ajllarqayki, imatachus nisqaytataj junt'anipuni.

Isaías 54:3

Lloq'emantaj pañamantaj jatunyanki; mirayniykeqa nacionesta jap'ikaponqanku. Chay saqerasqa ch'in llajtasman junt'anqanku.

Isaías 55:7

Juchasapaqa sajra puriyninta saqechun. Sajra runaqa imatachus yuyasqasninta saqechun. Señorman kutirichun, imaraykuchus paymanta khuyakonqa. Diosman kutirichun. Payqa perdonanqapacha.

Isaías 56:3

Karu llajtayojqa Señorta qhatikun chayqa, ama nichunku: Señorqa llajtanmanta t'aqarpayawanqa, nispa. Kapasqa runapis ama nichunchu: Noqaqa ch'aki sach'a jina kani, nispa.

Isaías 60:10

Jinamanta karu llajtayojkuna perqasniykita ruwapusonqanku, reyesninkupis kamachisqaykita ruwanqanku; imaraykuchus phiñakuspa jasut'erqayki. Chaywampis khuyakoj sonqoyoj kasqayrayku qanta khuyasqayki.

Isaías 60:14

Llakichisojkunaj wawasnenqa, llamp'u sonqoman tukuspa jamusonqanku; ñak'arichisorqachej chaykunaqa chakisniykiman k'umuykamusonqachej. Israelpa Diosnimpa ayllun, Señorpa ayllun, nispa sutichasonqankutaj.

Isaías 66:20

Paykunallataj tukuy nacionesmanta tukuy ayllusniykichejta, pusampusonqachej, uj rikuchikutapis Señorman apamushankuman jina; caballospi, carretaspi, litera ruwasqa carretaspi, mulaspi, camellospi ima, Jerusalén santo ajllasqay orqoyman, nispa nin Señorqa. Kikillantataj israelitaspis chay jampoj jinaqa Señorpa wasinman rikuchikusta apamonqanku, allin llimphu vasospi.

Jeremías 16:15

Manachayqa ninkichej: Señorpa kausayninrayku, pichus israelitasta wichay jallp'amanta orqhomorqa, jinataj chay tukuy maymanchus ch'eqerachisqas karqankichej chay jallp'asmantapis. Noqa ruwasaj qankuna jallp'aykichejman kutimpunaykichejta, chay ñaupa tatasniykichejman qorqani chay jallp'asman.

Jeremías 29:14

Arí, noqa saqesaj tarinawaykichejta, saqesajtaj uj jinaman kausayniykichej tukunanta: Chay naciones ukhumanta orqhomusqaykichej, may cheqaspichus wijch'usqas karqankichej chay tukuynejmanta, tantaykusqaykichej, kaymantaj kutichimusqaykichej, maymantachus wijch'orqaykichej chayllamantaj. Noqa Señor chayta nini.

Jeremías 30:8

Noqa Tukuy Atiyniyoj Señor nini: kamachiy yugomanta aylluyta kacharichisaj, lazosninta p'itirasaj, amaña ujtawan waj llajtayojkunaj kamachin kanampaj.

Jeremías 31:4

Israel, watejmanta oqharisqayki. Watejmanta chhulloj chhullojkunawan jamunkichej kusiywan tusurispa.

Jeremías 50:33

Tukuy Atiyniyoj Señor nin: Israel ayllu, jinataj Judá ayllupis may ñak'arichisqas kashanku. Enemigosninku presosta jap'iykakapunku, manataj kachariyta munankuchu.

Jeremías 51:51

Qankuna ninkichej, p'enqachikuyku phiña parlasqasniykuta uyarispa. Tukuyniyku mana allimpi qhawasqas kayku, imaraykuchus waj llajtasniyoj runasqa yupaychana llimphu wasiyki ukhuman yaykorqanku.

Ezequiel 16:60

Noqataj sipas kashajtiyki qanwan tratota ruwasqayta yuyarikusaj, chantá uj tratota qanwan wiñaypaj ruwasaj.

Ezequiel 47:22

Chayaqesta jap'ikunaykichejpaj chay jallp'a pataman suertesta choqankichej, jinallataj qankunawan khuska tiyakunku chay waj llajtasniyojkunapajpis. Qankuna ukhupi wawasniyoj kanku chaykunapaj ima. Paykunata Israelpa wawasninkupis kankuman jinata rejsikapunkichej. Qankunawan khuska suerteta choqanqanku Israelpa ayllusninwan khuska paykunapis chayaqenkuta jap'inankupaj.

Zacarías 1:17

Chantá Señorpa angelnin nillawarqataj kay jinata sut'inchanayta: Tukuy Atiyniyoj Señor nin: Watejmanta llajtasniyta qhapajyachisaj allin kajwantaj junt'achisaj Sionta. Jinamanta watejmanta Jerusalenta uj ajllasqa llajtayta jina rikuchisaj.

Malaquías 1:11

Tukuynejpi kay pachapi sutiyta jatumpaj jap'inku; tukuynejpi inciensota noqapaj q'osñichinku, ofrendatataj qonku llimphu uywasta, imaraykuchus suteyqa may jatunmin tukuynin llajtas ukhupi, nin Tukuy Atiyniyoj Señorqa.

San Lucas 1:54

Diosqa, khuyakuyninmanta yuyarikuspa, kamachin Israelta yanaparqa; ñaupa tatasninchejman wiñaypaj parlasqanman jina, Abrahamman, tukuy paypa mirayninman ima.

San Lucas 2:32

Pay k'anchanqa gentilesman, israel aylluyki jatunyasqa kanampaj.