Isaías 12:6 - Qheshwa Biblia DC

⁶ Siompi tiyakojkuna kusiywan takiychej, imaraykuchus Israelpa Santo Diosnenqa qankunaj chaupiykichejpi kashan, tukuy jatun kayninwan.

DIOSPA QHELQACHISQAN DEUTEROCANONICAL

⁶ Sionpi tiyakojkuna, kusiywan sinch'ita takiychej, imaraykuchus Israelpa May Llimphu Kaj Diosnenqa chawpiykichejpi tukuy jatun kayninwan kashan, nispa.

DIOSPA QHELQACHISQ

⁶ Sionpi tiyakojkuna, kusiywan sinch'ita takiychej, imaraykuchus Israelpa May Llimphu Kaj Diosnenqa chawpiykichejpi tukuy jatun kayninwan kashan, nispa.

Isaías 12:6 ပူးပေါင်းရင်းမြစ်များ

Salmos 132:14

Kaymin chay wiñaypaj samakunay orqoqa. Kaypi tiyakusaj, imaraykuchus ajinata munarqani.

Salmos 135:21

Jerusalempi tiyakoj Señorqa, Sionmantapacha jatunchasqa kachun. Yupaychasqa kachun Señorqa!

Salmos 46:5

Diosninchej chay llajta chaupipi kashan, paytaj sayachenqa, sut'iyajtintaj yanapanqa.

Salmos 68:16

Qankuna, alto orqos, imaraykutaj q'omerispa qhawankichej Diospa tiyakunan orqotarí? Cheqamanta Señorqa chaypi wiñaypaj kausakonqa.

Salmos 71:22

Noqataj qanta yupaychaspa takisaj cheqan kasqaykimanta, arpaj waqayninwan, salterioj waqaynimpiwan: Diosníy, Israelpa Santon.

Salmos 89:18

Señorqa jark'awajninchej, Israelpi ajllasqa reyninchej.

Salmos 9:11

Siompi tiyakoj Señorman takiychej. Tukuy runasman ruwasqasninta willamuychej.

Salmos 99:2

Señorqa Sión orqopi jatunmin. Señorqa tukuy llajtasmanta aswan patapi kashan.

Isaías 1:24

Chayrayku Tukuy Atiyniyojqa, Israelpa yanapajnin Señorqa nin: kutichikusaj enemigosniywan, paykunawantaj pagachikusaj.

Isaías 10:24

Chayrayku Tukuy Atiyniyoj Señorqa ajinata nin: Siompi tiyakoj ayllúy, Asiria runasmantaqa ama manchachikuychu; k'aspiwan wajtasunanmantaqa. Paykunaqa qampa contraykipi tojnunkuta oqharenqanku, imaynatachus egipcios ruwarqanku ajinata.

Isaías 24:14

Chaykunaqa manchay kusiywan jatunmanta qhaparispa takenqanku, mar qochaj cantosninmantapacha Señorpa jatun kayninmanta.

Isaías 24:23

Jerusalempi Sión orqopi Tukuy Atiyniyoj Señor kamachiyta qallarejtin, intiwan killawan laqhayaykonqanku. Chay llajtamanta kurajkunataj Señorpa atiyninta rikonqanku.

Isaías 30:19

Jerusalempi tiyakoj Sión llajta, manaña astawan waqankichu. Khuyakoj Señorqa waqasqaykita uyarispa khuyakusonqa, nisqaykita uyarispataj kutichisonqapacha.

Isaías 33:21

Señorqa chaypimin atiyninta rikuchiwasun. Chay cheqaqa mayus jina kanqa, sumajta correshaj ashkha yakus jina; enemigosqa chayman mana yaykuyta atenqankuchu, juch'uy barcoswan, nitaj jatun barcoswampis.

Isaías 33:24

Mana pipis ima nenqachu: Onqosqa kani nispaqa. Sión llajtapi tiyakojkunaj juchasninkuta Diosqa pampachanqa.

Isaías 40:9

Sión, uj alto orqoman wichariy, jatunmanta qhapariy, sumaj willaykunata willanaykipaj. Jerusalén, ama manchachikuspa qhapariy. Judá llajtasman willay: Kaypi Diosniykichej kashan, nispa.

Isaías 41:14

Ama manchachikuychu pisi kallpayoj Israel, Jacobpa ayllun. Noqa yanapajniyki kani. Noqa Israelpa Santo Diosnin, Salvadorniyki kani.

Isaías 41:16

Chaymantaqa wayrachinki, wayrataj apakaponqa, muyoj wayrataj kayman jaqayman t'akaranqa. Qantaj Señorpi kusikunki. Israelpa Santo Diosninmantataj mayta kusisqa yuyarikunki.

Isaías 49:26

Chay ñak'arichisojkunaman kikin aychallankutataj mikhuchisaj; yawarnillankuwantaj vinowan jina machachisaj. Ajinamanta tukuy runas yachanqanku noqa Señor Salvadorniyki kasqayta, Jacobta kallpachaj salvajniyki kasqaytataj.

Isaías 54:1

Señorqa nin: Jatunmanta kusikuy ari mana wawa rejsej warmi, mana wachakoj warmi. Jatunmanta takispa kusikuy mana onqokuyta yachaj warmi. Wijch'usqa warmejtaraj ashkha wawasnenqa kanqa, casada warmejmanta nisqaqa.

Isaías 60:16

Waj nacionespaj lechenta ujyanki, reyespa kapuyninwan kausanki. Chaypacha rejsiwanki noqa Señor salvajniyki, imamantapis orqhosojniyki, Jacobpa kallpachajnin ima kasqayta.

Isaías 8:18

Noqa, Señor qowasqan wawasniywan, israelitaspaj uj señal jina kayku, Tukuy Atiyniyoj Señorpa churasqasnin; Payqa Sión orqopi tiyakun.

Jeremías 10:6

Señor, mana pipis qan jina kanchu: Qanqa jatun kanki, sutiykeqa may jatun atiyniyojtaj.

Ezequiel 35:10

Kay jinata nerqanki: Iskaynin llajtas, chantá iskaynin jallp'aswan noqajta kanqanku. Señorpis chaypi kakushachun, noqapuni jap'ikapusaj.

Ezequiel 39:7

Israel aylluy ukhupi santo sutiyta rejsichisaj, nitaj jayk'ajpis santo suteyqa ch'ichichasqachu kanqa. Waj jallp'aspi kaj runastaj noqa Señorqa llimphu kasqayta Israelpi yachanqanku.

Ezequiel 48:35

Llajta perqaqa tukuy muyuynin midikonqa, isq'on waranqa metros. Llajtaj sutenqa chay p'unchaymantapacha sutichasqa kanqa: Señor kaypi kashan, nispa.

Ezequiel 48:8

Judajpa jallp'ampa ladonmantapachataj, inti llojsimuy ladomantapacha mar qocha ladokama jallp'a puchonqa. Chaytaj anchonman kanqa iskay legua khuskanniyoj, sayt'unmampis kikillantaj midikonqa. Chay jallp'aqa, ujkuna jinallataj midisqa kanqa, inti llojsimuy ladomantapacha mar qocha ladokama. Diosta yupaychana wasitaj chay jallp'a chaupipi kanqa.

Oseas 11:9

Mana phiñakuyniy k'ajarisqanman jinachu ruwasaj: Mana watejmanta Efrainta t'unasajñachu, imaraykuchus noqa Dios kani, mana runachu, noqamin Santo kani, chaupiykichejpi kashani chay, manataj t'unata ruwajchu jamuykichej.

Joel 2:27

Qankunataj, Israelmanta runakuna, yachaychej, noqa Tukuy Atiyniyoj Señor kashasqayta qankunawan. Noqa Diosniykichej kasqayta, manataj aswan waj Dios kasqanta. Mana jayk'ajpis llajtayqa ujtawan penqaypi rikhurenqañachu!

Sofonías 2:5

Way qankunamanta, Cretapi kajkuna, qocha cantopi tiyakojkuna. Dios nin kayta contraykichejpi: Canaán, filisteospata llajtan, t'unaykusqayki, mana uj runayojta saqerpayasqayki!

Zacarías 2:5

Chaywampis, noqa kikiy sayaykusaj Jerusalempa muyuynimpi nina perqa jina, kikin llajta chaupipitaj k'anchaj gloriayta rikuchisaj. Noqa Señorniykichej kayta nini.

Números 23:21

Ni pipis Israelpeqa ch'aukiyayta tarinchu, nitaj ima sajrata chay Jacobpa wawasnimpi. Señor Diosninkoqa paykunawan kashan, paykunaqa ninku Señorqa reyninku kasqanta.

Deuteronomio 23:15

Pi kamachipis patronninmanta qankunaman ayqekamusojtiykichej, ama payta ñaupa patronninman kutichinkichejchu.