Isaías 12:1 - Qheshwa Biblia DC

¹ Chay p'unchaypi ninki: Graciasta qoyki, Señor, qanqa noqapaj maytapuni phiñakorqanki, chaywampis chay jina k'ajaj phiñakuyniykeqa manaña kanchu, astawampis sonqochawanki.

DIOSPA QHELQACHISQAN DEUTEROCANONICAL

¹ Chay p'unchaypi ninki: Pachis pachis, Tata Diosníy. Qanqa noqapaj maytapuni phiñakorqanki, chaywanpis chay jina k'araj phiñakuyniykeqa manaña kanchu, aswanpis sonqochawanki.

DIOSPA QHELQACHISQ

¹ Chay p'unchaypi ninki: Pachis pachis, Tata Diosníy. Qanqa noqapaj maytapuni phiñakorqanki, chaywanpis chay jina k'araj phiñakuyniykeqa manaña kanchu, aswanpis sonqochawanki.

Isaías 12:1 ပူးပေါင်းရင်းမြစ်များ

Nehemías 8:10

Chay jawa Esdrasqa nillarqataj: Riychej, sumaj sumajllata mikhumuychej, misk'i kaj vinotataj ujyarikamuychej; mana mikhuna chayasqayoj kajta wajyarikuychej, kay diaqa Señorpaj t'aqasqa kasqanrayku. Ama llakikuychejchu, imaraykuchus Señorpa kusikuynenqa kallpachawanchej, nispa.

Job 11:16

Chaymanta ñak'ariyniykimanta qonqapunki; qanqa qonqapunki imaynatachus yaku pasarparin ajinata.

Job 13:16

Payllataj jap'ikapuwanqa, imaraykuchus paypa ñaupaqenman sajra runaqa mana yaykuyta atinchu.

Salmos 30:5

Phiñakuynenqa uj ratollapaj, k'acha kaynintaj tukuy kausaypaj. Ch'isin waqasun chayqa, tutamanta kusikusun.

Salmos 71:21

Sonqochawaspataj aswan jatunta ruwanki.

Salmos 85:4

Salvawajniyku Dios, salvawayku kunampis ari, amañataj noqaykupaj phiñasqa kaychu.

Salmos 86:17

Noqawan k'acha kasqaykita sut'inchaway. Chayta rikuspataj, p'enqachikuchunku chejnikuwajkunaqa. Qan, Señor, sonqochawanki, yanapawankitaj.

Salmos 9:1

Señorníy, tukuy sonqoywan yupaychasqayki, chhika k'acha ruwasqasniykimantataj willamusaj.

Isaías 10:25

Kay pisi p'unchaykunamantawan phiñakuynin tukukonqaña, k'ajaj phiñakuyniy paykunata tukuchenqa.

Isaías 10:4

Qankunaqa presos jap'isqallaña kanaykichej, chayri wañusqaswan urmanallaykichejña. Chay tukuywampis Señorpa k'ajaj phiñakuynenqa manarajpuni thasnukunchu. Payqa makin oqharisqallarajpuni kashan.

Isaías 11:16

Asiriamanta Señorpa puchoj runasnin kutimunampajqa, allin ñan wakichisqa kanqa, imaynachus israelitas Egiptomanta llojsimunankupaj karqa, ajina.

Isaías 14:3

Israel ayllu, maypachachus Señor samarikuyta qosojtin chay jinata ñak'arisqaykimanta, phutikusqaykimanta, chay jina sinch'i llank'aymanta ima, chaypachaqa, kay jina asikuna palabrasta Babilonia reypa contranta ninki: Qhawariychej ñak'arichejqa imapichus rikhurisqanta, runaykachajqa imaynatachus tukukusqanta.

Isaías 2:11

Jatunmanta qhawaykachayninkoqa k'umuykuchisqa kanqa, runaykachayninkutaj pampaman urmasqa kanqa. Chay p'unchaypeqa Señorlla jatunchasqa kanqa.

Isaías 25:1

Señor, qanmin Diosneyqa kanki; pataman sutiykita oqharispa jatunchayki; imaraykuchus t'ukun imasta ruwanki; unaymantapacha unanchasqaykeqa allimpuni cheqataj.

Isaías 25:9

Chaypacha nenqanku: Qhawaychej, kaymin Diosninchejqa. Payta maytapuni suyarqanchej. Paytaj salvawarqanchej. Kunanqa kusikunachej jatun kusiywan ajinata salvawasqanchejmanta.

Isaías 26:1

Chay p'unchaypi kay takiyta Judá jallp'api takenqanku: Kunanqa sumaj jark'achisqa llajta tiyapuwayku; chaypi pakakunaykupaj iskay perqaswan muyuykucherqa.

Isaías 35:10

Ajinata Señorpa salvasqasnenqa kutimponqanku, Sionmanqa may kusisqas yaykuponqanku. Umankupeqa kusiy yuyayllapuni kanqa. Chaypacha may kusiyniyoj kanqanku. Paykunamanta llakiywan, ayqoywan ayqenqa.

Isaías 49:13

Janaj pacha kusiywan takiy ari; jallp'a mayta kusikuy. Qankunapis, orqos, kusiywan qhapariychej: Señorqa ayllunta sonqochan; llakisqa llajtanmanta khuyakun.

Isaías 51:3

Cheqamanta Sión llajtataqa sonqochasaj, jinallataj ch'in raqaykunasmanta. Ch'aki ch'in jallp'asninta qhallallarichisaj, imaynatachus Señorqa Edén huertata qhallallaricherqa ajinata. Chaypeqa may kusikuy, Diosta yupaychaspa, takiykuna ima kanqa.

Isaías 54:7

Noqaqa pisi p'unchaykunasllata saqerparerqayki, chaywampis jatun khuyakuyniywan jap'ikapullasqaykitaj.

Isaías 54:8

Uj pisita phiñakuspa qanmanta uyayta pakarqani; chaywampis wiñaypaj munakuyniywan qantaqa khuyarqayki. Ajinata salvajniyki Señorqa nisunki.

Isaías 54:9

Kay imastaqa Noéj p'unchaynimpi jina ruwasaj. Chaypacha juraspa nerqani manaña jayk'ajpis yakoqa jallp'ata p'ampananta. Ajinata kunanqa juraspa nini manaña ujtawan qampaj phiñakunayta, manañataj k'amisunayta.

Isaías 60:10

Jinamanta karu llajtayojkuna perqasniykita ruwapusonqanku, reyesninkupis kamachisqaykita ruwanqanku; imaraykuchus phiñakuspa jasut'erqayki. Chaywampis khuyakoj sonqoyoj kasqayrayku qanta khuyasqayki.

Isaías 61:10

Noqaqa Señorniypi mayta kusikusaj, almaypis mayta Diosniypi kusikonqa, imaraykuchus payqa salvación p'achawan p'achallichiwan, justiciawan qhataykuwan, uj casarakoj runata jina, casarakoj warmita jinataj faluchosninwan sumaj k'achan ch'asqata.

Isaías 64:5

Pikunachus qampa nisqaykita cheqanta ruwanku chaykunamanta, qanqa jark'akoj kanki, may purisqankupipis qanmanta yuyarikusoj kanku chaykunamanta ima. Juchallikusqaykumanta qanqa phiñakorqanki; chay juchasniykupi noqaykoqa unay watasta karqayku. Chay juchasniykumanta salvasqas kayta atiykumanchu?

Isaías 65:18

Qankunaqa maytapuni wiñaypaj kusikunkichej, imastachus ruwarqani chaykunapi. Jerusalenman kusikuyta apamuni, jinallataj chaypi kaj runaspis kusikunankupaj.

Isaías 66:13

Imaynatachus mamaqa wawanta kusichin, ajinallatataj noqapis qankunataqa kusichisqaykichej; chay kusiytaqa Jerusalempi tarinkichej.

Jeremías 30:19

Paykuna ukhumanta graciasta qospa takiykunas llojsenqa, kusiywan asirikuykunapis. Mana pisiyanqankuchu, manachayqa astawan ashkhayachisaj. Mana pipis qhesachanqachu, imaraykuchus noqa paykunata allimpaj qhawasaj.

Jeremías 31:13

Chaypacha sipaskunaqa kusikuywan tusurenqanku, jinallataj waynakunapis, unayniyoj runakunapis. Noqa paykunata sonqochaykusaj: Waqayninkutaqa kusiyman tukuchisaj. Noqataj kusiyninkuta qopusaj nanayninkumanta aswan ashkhata.

Oseas 11:8

Imaynallatataj saqesqayki, Efraín? Imaynatataj qonqarparisqayki Israel? Atiymanchu Adma llajtata jina phirisuyta, chayri imaynatachus Zeboim llajtawan ruwarqani ajinallatataj qamwampis ruwayta? Sonqoyqa nanasqaña kashan, qampaj khuyakuywan junt'asqa!

Oseas 6:1

Tukuy jamuychej, Señorman kutirimpuychej. Pay phiriwarqanchej, jinapis payllataj jampiwasunchej. Nanachiwarqanchej, payllataj sanoyachiwasunchej.

Zacarías 1:16

Chaywampis, noqa Señorniykichej nini: Khuyayniywan kutiykuni Jerusalenman. Yupaychana wasiy chaypi sayarichisqa kanqa. Jinataj tukuy llajtantin watejmanta jatarichisqas kanqanku.

Zacarías 14:20

Chay p'unchaypirí, caballospa campanillasnintimpi kay jina qhelqasqas kanqanku: Señorpaj t'aqasqa, nispa. Yupaychana wasimanta mankaspis, jinataj chay altarpa ñaupaqempi kashanku chay vasospis t'aqasqasllataj kanqanku.

Zacarías 14:9

Chay p'unchaypeqa Señorlla kamachenqa tukuynin jallp'api. Chaypacha uj k'ata Señorlla kanqa, uj k'atallataj sutimpis kanqa.

Zacarías 8:11

Kunantaj kay llajtapi qhepakojkunawanqa manaña chay ñaupaj p'unchaykunaspi jinachu paykunawan kasaj. Noqa Tukuy Atiyniyoj Señor chayta nini.

Romanos 11:15

T'aqasqa kasqankuchus, runakunapaj Dioswan allinyakuy kanman chayqa, imaynataj kanqa Diosman kutirikuyri. Manachu chayqa wañusqamantaña kausarimuy kanman?