Isaías 11:11 - Qheshwa Biblia DC

¹¹ Chaypacha Señorqa ujtawan atiyninta rikuchillanqataj, maykunapichus ayllusninmanta kajkuna puchorqanku chaykunata kutichimunampaj: Asiriamanta, Egiptomanta, Patrosmanta, Etiopiamanta, Elanmanta, Sinarmanta, Hamatmanta, Mar qocha cantosmantawan.

DIOSPA QHELQACHISQAN DEUTEROCANONICAL

¹¹ Chaypacha Tata Dios ujtawan atiyninta rikuchillanqataj, maykunapichus ayllunmanta kajkuna puchorqanku, chaykunata kutichimunanpaj: Asiriamanta, Egiptomanta, Patrosmanta, Etiopiamanta, Elammanta, Sinarmanta, Jamatmanta, mama qochaj kantunmanta ima.

DIOSPA QHELQACHISQ

¹¹ Chaypacha Tata Dios ujtawan atiyninta rikuchillanqataj, maykunapichus ayllunmanta kajkuna puchorqanku, chaykunata kutichimunanpaj: Asiriamanta, Egiptomanta, Patrosmanta, Etiopiamanta, Elammanta, Sinarmanta, Jamatmanta, mama qochaj kantunmanta ima.

Isaías 11:11 ပူးပေါင်းရင်းမြစ်များ

Génesis 10:10

Kamachiskasninku llajtasqa karqanku Sinar jallp'api: Babel, Erec, Acad, Calnewan.

Génesis 10:22

Sempa wawasnin karqanku: Elam, Asur, Arfaxad, Lud, Aram ima.

Génesis 11:2

Inti llojsimuynejmanta llojsimuspa tarerqanku uj pampata Sinarpi, chaypitaj qhepakorqanku unayta tiyakunankupaj.

Génesis 14:1

Chay tiempopi Amrafel rey karqa Sinarpi, Arioctaj Elasarpi, Quedorlaomertaj Elampi, Tidaltaj Goimpi.

Génesis 2:13

Iskay kaj mayoj sutenqa Gihón; chaytaj muyuykushan tukuy Cus jallp'ata.

2 Reyes 17:24

Asiriamanta reyqa runasta apachimorqa Babiloniamanta, Cutamanta, Avamanta, Hamatmanta, Sefervainmantawan. Samaria llajtasmantaj paykunata churarqa israelitaspa cuentanmanta. Ajinamanta Samariata jap'ikaporqanku, llajtasnimpitaj tiyakorqanku.

Ester (hebreo) 10:1

Rey Asueroqa kamacherqa impuestota qonankuta tukuy naciones jallp'aspi kajkuna, jinallataj mar qocha churuspi tiyakojkunapis.

Salmos 68:22

Señorninchej nin: Basanman kutichimusqayki, Ukhu mar qochamanta kutichimusqayki.

Isaías 1:9

Manachus Tukuy Atiyniyoj Señor noqanchejmanta wakinkunata qhepachinman karqa chayqa, kunampacha kashasunman karqa Sodoma jina, Gomorra jinataj.

Isaías 10:20

Chaypachaqa Israelpi pisis qhepakojkunaqa, Jacobpa mirayninmanta qhepakoj israelitasqa, manaña paykunata ñak'arichejkunapi atienekonqankuchu, manachayqa Israelitasqa santo kaj cheqa Señorpi sumajta sayanqanku.

Isaías 10:9

Noqapajqa Calno llajtaqa Carquemis jinalla, Hamat llajtapis Arfad jinalla. Chanta Samariapis Damasco jinalla.

Isaías 11:16

Asiriamanta Señorpa puchoj runasnin kutimunampajqa, allin ñan wakichisqa kanqa, imaynachus israelitas Egiptomanta llojsimunankupaj karqa, ajina.

Isaías 19:21

Chaypacha Señorqa egipcioswan rejsichikonqa, paykunataj Señortaqa rejsenqanku, yupaychanqanku ima, uywata wañuchispataj jaywanqanku, chantá rikuchikusta ima. Paykuna Señorta sirvisaj nenqanku, junt'anqankutaj.

Isaías 19:22

Señorqa Egipciosta jasut'enqa, chanta thañichenqa. Paykunataj Señorman kutirikonqanku, chaymantataj Señorqa paykunata khuyakuspa thañichillanqataj.

Isaías 21:2

Diosqa mosqoypi jina, manchachikunata rikuchiwan. Suwajqa suwan, chinkachejqa chinkachin. Sayarikuy ari, Elam, soldadosniykiwan; qampis Media soldadosniykiwan muyuykuchiy. Tukuy ayqosqaykita tukuchini.

Isaías 22:6

Elammanta kajkunaqa flechasninkuta wakichinkuña, carrosninkuman, caballosninkumampis wicharinkuña. Kirmanta kajkunapis escudosninkuta orqhomunku.

Isaías 24:15

Chayrayku inti llojsimuy jallp'aspi Señorta jatunchaychej ari. Israelpa Señor Diosnimpa sutinta tukuy mar qocha cantospi jatunchaychej.

Isaías 37:31

Judá ayllumanta qhepakojkunaqa, sach'a jina sumajta saphichakonqanku, chaymantataj poqonqanku.

Isaías 42:10

Uj mosoj takiyta Señorman takiychej. Tukuynin jallp'aj tukukuyninmantapacha payta yupaychaychej, mar qochapi purejkuna, chay qochapi animales kajkuna ima, qocha chaupipi kaj churu llajtas, chay llajtaspi tiyakojkuna ima.

Isaías 42:12

Señorta kusichiychej, tukuy mar qocha canto llajtas kusiywan yupaychaychej.

Isaías 42:4

Payqa mana sayk'onqachu, nitaj iskayrayanqachu, kay jallp'a patapi cheqan kajta sayachinankama. Mar qocha cantospi kajkunaqa paypa yachachisqasnimpi suyanqanku.

Isaías 45:14

Chanta israelitasman nillantaj Señorqa: Egiptoj campo runas, Etiopía qhatojkunapis, Sabá llajtamanta kaj; jatuchaj runas ima qanman k'umuykusonqanku, qampata kamachisniyki kanqanku. Qhepaykita cadenaswan watasqas renqanku. Cheqamanta ñaupaqeykiman qonqoriykukuspa mañakusonqa: Cheqamanta qampi Diosqa kashan, chay Diosmanta astawan waj Diosqa mana kanchu.

Isaías 49:12

Kaykunaqa karumanta jamunku, jaqaykunataj patanejmanta jamunku, wakintaj inti yaykuymanta, wakintaj Asuán jallp'asmanta jamunku.

Isaías 66:19

Paykunaj chaupinkuman uj señalta churasaj. Paykunamanta ujnin ayqekoj kajtataj kay nacionesman kachasaj: Tarsisman, Libiaman, flechayta yachaj Lidiaman, chantaqa, Tubalman, Greciaman, mar qocha cantospi karupi tiyakojkunaman. Paykuna noqamanta mana yachankuchu, manataj k'anchayniytapis imaynachus kasqanta rikunkuchu. Chaykunaman ima kachasaj. Imaynachus atiyniy kasqanta paykuna tukuy nacionesman willanqanku.

Jeremías 25:25

Zimrimanta, Elammanta, Mediamantawan kaj reykunasninmanwan;

Jeremías 31:10

Naciones Señorpa palabranta uyariychej, mar qochaj karu cantosnimpi willaramuychej, nimuychejtaj: Señorqa Israel ayllunta ch'eqeracherqa. Jinapis tantaykamonqa, waqaychanqataj imaynatachus uj michejqa ovejasninta waqaychan ajinata.

Jeremías 44:1

Jeremiasqa Judá ayllumanta kajkunapaj uj willayta jap'erqa, pischus Egipto jallp'api tiyakusharqanku chaykunapaj: Migdolpi, Tafnespi, Menfispi, uranej uray jallp'aspi ima: Israelpa Tukuy Atiyniyoj Señor Diosnin nin: Qankuna rikunkichej tukuy ñak'ariykunasta, Jerusalempa patanman apachimusqayta, jinataj Judamanta chay waj llajtasmampis. Kunan chaykunaqa urmachisqas kashanku, manataj pipis chaykunapi tiyakunñachu.

Jeremías 49:23

Damasco llajta imaynachus kananmanta: Hamat, jinataj Arfad llajta p'enqasqas kashanku, llakiy willaykuna paykunaman, chayasqanrayku, mancharikuywan junt'asqas kanku, manataj kakuyta atishankuchu.

Ezequiel 27:6

Basán nisqa jallp'amanta encina k'aspita apamuspa buque purichina palata ruwapusorqanku. Buquej techonta ruwapusorqanku, Chipre churusmanta pino k'aspita apamuspa, marfilwan k'askaykuchisqatataj ruwapusorqanku.

Ezequiel 29:14

Presochasqa egipcio runasta kutirichimpusaj, Egipto jallp'api maynejpichus nacerqanku chay kikin Patros jallp'ankuman. Chaypitaj qhesachasqa nación ruwakonqa.

Ezequiel 30:14

Patros llajtata chinkachisaj. Zoán llajtaman ninata kachaykusaj. Tebas llajtatataj jasut'isaj.

Ezequiel 32:24

Elam nisqa ayllupis chaypi p'ampasqa kashan, tukuy soldadosnintaj muyuynimpi. Tukuyninku espadawan wañurachisqas karqanku. Tukuyninku paykunaqa mana circuncidasqas, aswan ukhu kajman yaykonqanku, imaraykuchus paykunaqa kausajkunaj jallp'asninkupi runasta manchacherqanku. Kunantaj p'enqaypi rikhurinku wañojkunaj chaupinkupi.

Ezequiel 38:8

Kaymanta ashkha watasman waturisqa kanki. Chay tiempo pasajtintaj kamachisqa kanki ch'in pampaman tukuchisqa karqa chay jallp'aman rinaykipaj. Chay llajtayoj runasqa espadawan wañunankumanta salvasqas karqanku, ashkha llajtasman ch'eqerasqamanta orqhomuspa Israelpa lomasninman tantaykusqas karqanku. Chaypitaj tukuyninku sonqo tiyasqas tiyakushanqanku.

Daniel (hebreo) 1:2

Señor saqerqa Nabucodonosor rey Joacimta jap'iykunanta, Diospa templompi kaj imasta kuraj parteta apakapunantataj. Nabucodonosorqa presosta Babiloniaman aparqa, Diospa templonmanta orqhorqa chay imastarí, dioskunasnimpa waqaychasninmantaj churarqa.

Daniel (hebreo) 11:18

Chanta maqanakonqa qocha qayllaspi llajtakunaj contranta, ashkhastaj chay llajtasmantaqa makimpi urmanqanku. Chanta uj atiyniyoj kamachejtaj kay p'enqayta chinkachenqa, wichaypi kaj reytawan p'enqaypi rikhurichispa.

Daniel (hebreo) 8:2

Chay rikhuriwajta qhawashaspa, Susa nisqa llajtapi, Elam sutiyoj provinciaj capitalnimpi kashasqani, Ulai nisqa mayu cantopi.

Oseas 1:11

Chaypacha, Judajpa runasnin jinataj Israelpa runasnimpis tantakonqanku, uj kamachej lata oqharikonqanku, tukuynejmanta Jerusalenman kutimponqanku. May jatunmin kanqa Jezreelpa chay p'unchaynenqa!

Oseas 11:10

Paykuna Señorta qhatenqanku, Señortaj uj león jina qhaparenqa. Paypata kajkunata inti llojsimuy ladomanta qharkatitispa jamonqanku.

Oseas 11:11

P'isqos jina Egiptomanta kharkatitispa jamonqanku; Asiriamanta palomas mina jamonqanku, jinamanta watejmanta wasinkupi tiyakunankuta ruwasaj. Noqa Señor chayta nini.

Miqueas 7:12

Jamushanña chay p'unchay, maypachachus tukuynejmanta Asiriamanta Egiptokama qanman chimpaykamunanku. Chantá, Nilo mayumanta Éufrates mayukama uj mama qochamanta waj mama qochakama, uj orqomanta waj orqokama.

Sofonías 2:11

Señorqa may manchachikuna kanqa paykunaj contrankupi. Chay llajtapi tukuynin lantista t'unaykonqa. Tukuynejpi paylla yupaychasqa kanqa. Qocha chaupi churuspi runaspis paytaqa yupaychanqanku.

Zacarías 5:11

Payta kutichiwarqa: Babiloniapi uj templota jatarichenqanku. Tukusqaña kajtintaj, chukusta jatarichenqanku chay pataman churanankupaj, nispa.

Zacarías 8:7

Noqamin llajtaytaqa kacharichisaj inti llojsimuynej llajtaspa atiyninmanta, jinataj inti yaykupuynej llajtasmantapis.

Zacarías 9:2

Chay qayllallapitaj kashan chay Hamat llajtapis Señorpata. Chantá Tiropis, Sidompis tukuy kapuyninwan Señorpallatataj.

Romanos 11:15

T'aqasqa kasqankuchus, runakunapaj Dioswan allinyakuy kanman chayqa, imaynataj kanqa Diosman kutirikuyri. Manachu chayqa wañusqamantaña kausarimuy kanman?

Romanos 11:26

Chayrayku tukuy Israel ayllu salvasqa kanqa, imaynachus escribisqa kasqanman jina: Sionmanta uj kacharichej jamonqa, Jacobpa mirayninmantataj mana allin kajta karunchenqa.

2 Corintios 3:16

Maypachachus Israel ayllu Señorman kutirikojtin, chay veloqa qhechusqa kanqa.

Deuteronomio 9:29

Paykunaqa kanku qampa aylluyki, qampa chayaqeyki. Qanmin paykunata Egiptomanta orqhomorqanki jatun kayniykiwan, atiyniykiwantaj, nispa.