Isaías 11:1 - Qheshwa Biblia DC

¹ Uj k'ullumanta ch'illchimonqa, chay k'ulloqa Isaí; saphisninmantataj ch'illchimoj wiñallanqataj.

DIOSPA QHELQACHISQAN DEUTEROCANONICAL

¹ Davidpa tatan Yeseqa uj k'ullu jina, chay k'ullumantataj ijimonqa, chay saphinmanta ijimojtaj poqonqa.

DIOSPA QHELQACHISQ

¹ Davidpa tatan Yeseqa uj k'ullu jina, chay k'ullumantataj ijimonqa, chay saphinmanta ijimojtaj poqonqa.

Isaías 11:1 ပူးပေါင်းရင်းမြစ်များ

2 Samuel 23:3

Israelpa Diosnin parlan; Israelpa waqaychajnin niwan: Pichus kamachenqa runasta justiciawan, pichus kamachenqa Diosta manchachikuypi, sut'iyaymanta k'anchay llojsimoj jina kanqa, mana phuyusniyoj paqarimpi intej k'anchaynin jina, para pasayta qhorata wiñachej, ajina kanqa.

1 Crónicas 2:12

Booztaj Obedpa tatan karqa, Obedtaj Isaej tatan karqa.

Salmos 145:11

Rey kasqaykej atiyninmanta parlachunku, atiyniykimanta parlachunku.

Isaías 11:10

Chaypacha Isaejpa saphinmanta ch'illchejqa, tukuy nacionespaj uj señal kanqa. Chay runastaj payta mask'anqanku; tiyakunantaj lliphipirenqa.

Isaías 4:2

Chaypacha, Señorpa sach'an ch'illchin kanqa may sumaj, k'achataj salvakoj israelitaspaj, jallp'aj poqoyninmantataj mayta kusikonqanku, jatunchakonqankutaj.

Isaías 53:2

Chay runaqa Señorpa ñaupaqempi uj ch'illchisqa sach'a jina wiñarqa, uj ch'aki jallp'api saphi jina. Mana k'achituchu karqa payta qhawananchejpajqa, nitaj k'acha uyayojchu karqa payta munakunanchejpajqa.

Isaías 6:13

Sichus chunkamanta ujllapis qhepakunman, chaypis chinkachisqallapuni kanqa. Imaynatachus roble sach'ata, encina sach'atapis k'utojtinchej k'ullullanña qhepakun, ajinata qhepakonqa chay ajllasqay aylloqa.

Isaías 9:6

Uj wawa nacepuwanchejña, Dios uj wawata qowanchej. Chayman qosqa kashan jatun atiy kamachinampaj. Sutisnintaj kaykuna kanqa: Mayta T'ukuna Yuyaychaj, Atiyniyoj Dios, Wiñaypaj Tata, Sonqo tiyachej Rey ima.

Isaías 9:7

Kamachisqanta, chanta sonqo tiyakuyta qosqampis manapuni tukukonqachu Davidpa reinompi, jinallataj paypa reinompipis. Kamachiynenqa sumaj sayasqa kanqa, cheqa kajpi, maychus kajta ruwaypitaj kunanmantapacha wiñaypajtaj. Kaytaqa Tukuy Atiyniyoj Señormin sinch'i munayninrayku ruwanqa.

Jeremías 23:5

Señorqa nillantaj: Uj p'unchay chayamonqa, maypachachus Davidpa mirayninmanta uj cheqan kajta rikhurichisaj. Kay pachapitaj chay reyqa tukuy yachaywan, justiciawan, cheqan kaywantaj kamachenqa.

Jeremías 33:15

Chay p'unchay chayamojtin, Davidpa mirayninmanta uj cheqanta ruwajta sayarichisaj, chaytaj cheqanchanqa, cheqantataj ruwanqa kay jallp'api.

Ezequiel 17:22

Noqa Señor nini: Aswan jatun kaj cedroj puntanta p'akiraspa plantaykusaj, chantá aswan jatun kaj q'omer puntanta p'akirasaj. Chaytataj noqa kikiy plantaykusaj manchay jatun orqo pataman.

Ezequiel 37:25

Kamachiy Jacobman qorqani chay jallp'api tiyakonqanku, ñaupa tatasninku tiyakorqanku chaypi. Chay jallp'api paykuna wiñaypaj tiyakonqanku, wawasninku, paykunaj mirayninku ima. Kamachiy Davidtaj paykunaj kuraj kamachejninku kanqa wiñaypaj wiñaynintinkama.

Miqueas 5:2

Qantajrí Efratamanta Belén, Judapi llajtas kajmanta aswan juch'uy kanki, qanmantamin llojsenqa Israelta kamachejqa unay aylloj mirayninmanta.

Zacarías 3:8

Allinta uyariy jatun sacerdote Josué, qanwan kajkuna chay sacerdotespis uyarillachunkutaj. Qankuna churasqas jina kankichej chayta qhepaman yachanankupaj,. Noqataj apamusaj kamachiyta Wiñashan nisqata.

Zacarías 6:12

Niytaj: Tukuy Atiyniyoj Señor nillantaj, chay wiñashan nisqa qhareqa kikin saphisninmanta p'utumunanta, Señorpa yupaychana wasintataj jatarichinanta.

San Mateo 1:1

Jesucristoj ñaupa tatasnimpa mirayninmanta libro. Jesusqa karqa Davidpa ayllunmanta, Abrahampa ayllunmantawan.

Romanos 15:12

Isaías ujtawan nillantaj: Isaejpa saphin qhepakonqa. Chaymantataj jatarenqa gentilesta kamachinampaj. Ajinata gentilesqa paypi suyanqanku.

Hebreos 7:14

Yachakun Señorninchejqa Judajpa ayllunmanta jamusqan. Chay ayllumantaqa mana imatapis Moisés, sacerdocio jawa parlarqachu.

Apocalipsis 22:16

Noqa Jesús, angelniyta kachamorqani kay imasmanta iglesiasman willanampaj. Noqa Davidpa saphin, miraynintaj kani, sut'iyaypi lliphipej ch'askataj.

Apocalipsis 5:5

Kuraj runasmanta ujnintaj niwarqa: Ama waqaychu. Judaj ayllunmanta Leonqa, Davidpa saphin, atiparqa kicharinampaj librota, qanchis sellosnintawan.

Rut 4:17

Kausaqesnintaj rikuspa nerqanku: Noemipaj uj wawita nacekusqa! Obed sutitataj churarqanku. Paytaj Isaejpa tatan karqa, Davidpa jatun tatantaj.

1 Samuel 17:58

Saultaj tapurerqa: Niway majt'illu, pejpa wawantaj kankiri?, nispa. Davidtaj kuticherqa: Belempi tiyakoj kamachiykej Isaejpa wawan kani, nispa.