Isaías 10:3 - Qheshwa Biblia DC

³ Imanankichejtaj cuentata qona p'unchaypiri? Piwantaj yanapachikunkichej karumanta jasut'i jamusojtiykichejri? Maymantaj chay jina qhapaj kayniykichejta churankichejri?

DIOSPA QHELQACHISQAN DEUTEROCANONICAL

³ Imanankichejtaj jasut'ina p'unchaypiri? Piwantaj yanapachikunkichej karumanta jasut'iy jamusojtiykichejri? Maymantaj chay jina qhapaj kapuyniykichejta pakankichejri?

DIOSPA QHELQACHISQ

³ Imanankichejtaj jasut'ina p'unchaypiri? Piwantaj yanapachikunkichej karumanta jasut'iy jamusojtiykichejri? Maymantaj chay jina qhapaj kapuyniykichejta pakankichejri?

Isaías 10:3 ပူးပေါင်းရင်းမြစ်များ

Génesis 31:1

Jacob uyarerqa Labampa wawasnin nisqankuta: Jacobqa tatanchejpa tukuy kapuyninta jap'ikapun, chaywan qhapajyaykun, nispa.

2 Reyes 7:15

Paykunataj lastreaspa Jordán mayukama rerqanku; tukuy ñampitaj rikorqanku p'acha t'akasqankuta, waj imastawan sirios usqhayta ayqekunankurayku. Kachasqastaj kutimuytawan chay tukuyta reyman willarqanku.

Job 31:14

Mana jina kajtenqa imaynamantataj Diospa ñaupaqenman riyman karqari?

Proverbios 11:4

Juicio p'unchaypeqa ni imapaj allinchu kanqa qhapajyayninkoqa; cheqan kayrí wañuymanta ayqechenqa.

Isaías 13:6

Qhapariychej, imaraykuchus Señorpa p'unchaynenqa qayllaña. Payqa tukuy atiyninwan chinkachenqa.

Isaías 17:4

Chay p'unchaypi Jacobpa jatun kaynin pisiyaponqa, jinallataj ukhumpis tulluyanqa.

Isaías 20:6

Chaypacha chay mar qocha cantospi tiyakojkuna nenqanku: Qhawariychej atienekusqanchej nación imapichus rikhurisqanta, ima mana allin kajtimpis payman qayllakoj kanchej, Asiria reymanta jark'anawanchejpaj. Kunanqa imaynallatataj ayqekusunri?

Isaías 26:14

Paykunaqa wañusqas kanku. Manaña ujtawan kausankumanchu. Paykunaqa llanthu jina kanku. Manaña ujtawan kausarimunkumanchu. Qanqa jasut'inki, pampachanki, paykunamanta yuyarikunatapis chinkachinki.

Isaías 26:21

Qhaway, Señorqa tiyakunanmanta llojsimonqa, jallp'a patapi tiyakojkuna paypa contranta juchallejkunata jasut'inampaj. Jallp'aqa manaña pakayta atenqachu yawar jich'asqata wañuchisqa kajkunatawan.

Isaías 28:20

Chayqa kanqa uj juch'uy camapi winkuykusunman jina, uj juch'uy qhatanawampis qhatakusunman jinataj.

Isaías 29:6

Tukuy Atiyniyoj Señortaj paykunata jasut'enqa, qhon qhonkunawan, jallp'a kuyuykunawan, manchay ch'ajwawan, sinch'i wayrawan, llojlla parawan, manchayta q'olaj ninawan ima.

Isaías 30:16

Mana chayqa qankunaqa nerqankichej: Mana, astawanqa caballospi ayqesqayku. Ayqellaychej ari. Chaymanta nillarqankichejtaj: Sumajta correj carretasman wicharisqayku. Arí, qhatisojkunaqa usqhayllata jap'irparisonqachej.

Isaías 30:5

Tukuyninku p'enqaypi rikhurenqanku chay mana kaj nacionespi atienekuspa. Chayqa mana yapanqachu, manataj ima allin kajtapis qonqachu; mana chayqa paykunapaj llakiylla, p'enqaylla kanqa.

Isaías 30:7

Cheqamanta Egiptoj yanapaynenqa qhasi mana kaj. Chayrayku noqaqa chay llajtata sutichani: Mana kaj millay khuru, nispa.

Isaías 33:14

Juchasapasqa Siompi mayta kharkatiterqanku, puraj uyastapis t'ukuylla jap'erqa. Pitaj noqanchejmanta kay jina nina ukhupi kausanmanri, pitaj kay jinata wiñaypaj nina k'ajaj ukhupi tiyakunmanri?

Isaías 39:3

Chay qhepatataj Isaiasqa rey Ezequiasta watukoj rispa taporqa: Maymantataj chay runas jamusqankuri? Ima nisunkutajri? Ezequiastaj nerqa: Karumanta, Babiloniamantapacha watukuwaj jamusqanku, nispa.

Isaías 5:14

Wañoyqa yarqhasqa siminta jatunta kicharin. Chayman chinkarenqanku qhapajkuna, runasnintin, paykunawan kusikojkunapis.

Isaías 5:26

Karupi kaj nación jamunampaj señasta ruwan, jallp'aj k'uchunmantataj silbaspa wajyan. Chay naciontaj ujllata ima jina usqhayllata chayarparimun.

Jeremías 22:7

Hachasniyoj runasta contraykipi kachamusqayki tukuchinasuykipaj. Chay cedro sach'asniykita k'uturanqanku, ninawantaj enqhaykonqanku.

Jeremías 4:30

Qanrí, raqayllaña kaj llajta, Imapajtaj puka p'achaswan p'achallikunkiri? Imapajtaj qori k'achanchanaswan k'achanchakunkiri? Imapajtaj ñawisniykita yanawan tiñikunkiri? Mana imapaj allinchu kasonqa chay k'achanchakusqasniykeqa, tukuy munapayasojkunaqa qhesachasunkuña, astawampis wañuchinasunkupaj mask'ashasunku.

Jeremías 5:31

Chay profetaspa sut'inchasqasninkoqa llullas kanku, sacerdotekunapis munasqankuman jinalla kamachinku. Aylloyqa ajinatapis munallan! Chaywampis, imanankichejtaj chay tukukuy p'unchay chayamojtinri?

Jeremías 9:9

Manachu kay imasmantaqa jasut'iymanri? Manachu ajina llajtamanqa ruwasqanman jina qopuyman? Noqa Señormin chayta nini.

Oseas 5:13

Efraín onqosqa kasqanta rikuspa, Judataj nanachikusqasninta rikukuspa, Efraenqa Asiriaman renqa jatun reypa yanapanta mañakoj, reytaj mana sanoyachiyta atenqachu, nitaj nanasqasnintapi jampiykuyta atenqachu.

Oseas 9:5

Imatataj qankuna ruwankichej chay fiesta p'unchaypi, yuyarinapaj nisqa chay Señorpa fiesta p'unchaynimpi?

Oseas 9:7

Chayamunkuña jasut'ina p'unchaykunaqa! Ña chayamunkuña ruwasqankuman jina pagana p'unchaykunaqa! Israelpis yachanqa chay p'unchaykuna chayamusqankuta! Qankuna ninkichej: Profetaqa wampu, yuyaychasqa runapis ancha uman muyusqa, nispa. Pero chay tukuyta ninkichej juchawan junt'as kasqaykichejrayku, jinataj jatun phiñakuywan junt'as kasqaykichejrayku.

Amós 5:19

Chay p'unchayqa kanqa, imaynachus uj runa leonmanta ayqekushaspa, jukumariwanñataj tinkuykun, chayri wasinman yaykun, perqamantaj arrimaykukojtin katariñataj khanirparinan, jina kanqa.

Miqueas 7:4

Paykuna ukhumanta allimpaj qhawasqa kajqa uj khiska jinamin; aswan honrado kajpis uj itapallu jina. Jinapis jamun uj p'unchay chayman jina jasut'isqas kananku, chay qhawaj chayta nerqaña jamunanta chay p'unchay. Chaypacha paykuna ukhupi q'ala ch'ipanaku kanqa.

Sofonías 1:18

Señorpata phiñakuy p'unchaynimpi runataqa mana salvanqachu qolqen nitaj qorimpis. Señorpa k'ajaj phiñakuynin nina jina tukuy llajtantinta q'olaykonqa. Tukuy jallp'a patapi tiyakojkuna uj ratollapi t'unasqas kanqanku.

Deuteronomio 28:49

Qankunaj contraykichejta karumanta mundoj cantosninmantapacha Señorqa waj llajtayojkuna runasta kachamusonqachej. Chay runaspa parlayninkutataj mana entiendeyta atinkichejchu, paykunaqa anka jina usqhayllata chayamusonqachej.

1 Pedro 2:12

Allinta kausakuychej Diosta mana rejsejkuna ukhupi. Paykunaqa sajra runaspaj jina qankunapaj rimashanku; Señor chayamojtintaj, Diosta yupaychanqanku, allin ruwasqasniykichejta rikuspa.