Isaías 10:22 - Qheshwa Biblia DC

²² Mirayniykeqa Israel, mar qochaj t'iyun jinapis kanman chayqa, chaywampis chaymanta maychá puchonqa chayqa, kutimonqapuni. Tukuchinapaj nisqa kajqa tukukonqapuni, ajinamanta cheqanchayqa, sut'ipi kanqa.

DIOSPA QHELQACHISQAN DEUTEROCANONICAL

²² Israel, aylluyki mama qocha kantupi t'iyu chhikapis kachun. Chaywanpis chaymanta pisi puchojkunalla kutimonqanku. Tukuchisqa kananku nisqaqa junt'akonqapuni, ajinamantataj justicia ruwakonqa.

DIOSPA QHELQACHISQ

²² Israel, aylluyki mama qocha kantupi t'iyu chhikapis kachun. Chaywanpis chaymanta pisi puchojkunalla kutimonqanku. Tukuchisqa kananku nisqaqa junt'akonqapuni, ajinamantataj justicia ruwakonqa.

Isaías 10:22 ပူးပေါင်းရင်းမြစ်များ

Isaías 6:13

Sichus chunkamanta ujllapis qhepakunman, chaypis chinkachisqallapuni kanqa. Imaynatachus roble sach'ata, encina sach'atapis k'utojtinchej k'ullullanña qhepakun, ajinata qhepakonqa chay ajllasqay aylloqa.

Apocalipsis 20:8

Paytaj llojsenqa runasta ch'aukiyaj, kay jallp'aj tawantin k'uchupi kashanku chaykunata; Gogta, Magogtawan. Chaykunatataj maqanakupaj tantanqa. Paykunaj yupayninrí, mar qochaj t'iyun jina ashkha.

Daniel (hebreo) 9:27

Uj semanatawan, chay reyqa tratota ruwanqa ashkha runaswan. Chaupi semanamantataj rikuchiku uywa jaywanata, ofrenda qonatapis sayachenqa. Uywata wañuchispa Diosman jaywana altarpa ñaupaqempi ashkha millay imasta ruwanqanku, imachus ruwakunampaj nisqaña karqa chay, millay imasta ruwachejpa patanman urmamunankama.

Romanos 2:5

Sinch'i, mana kasukoj sonqoyoj, Diosman mana kutirisqaykirayku qan kikiykipaj k'ajaj phiñakuyta tantashanki, k'ajaj phiñakuy p'unchaypaj; maypachachus Diospa cheqan kaj juicion rikuchisqa kanqa, chaypaj.

Hechos 17:31

Diosqa, uj p'unchayta wakicherqa, chaypitaj cheqa kayninman jina, tukuy kay pachapi runakunata juzganqa chay kachamusqan runanejta. Diostaj chayta tukuyman rikuchinña chay runata wañuymanta kausarichimuspa.

Isaías 8:8

Chaytaj Judakama chayanqa, tukuynintataj p'ampaykonqa, kunkankama chayaspa. Emanuelníy, tukuynin jallp'aykita lijrawan qhataykonqa.

Isaías 6:11

Noqataj taporqani: Señor, mashkha unaytataj kay kanqari?, nispa. Paytaj niwarqa: kayqa kanqa llajtas chinkachisqa kanankama, mana uj runayoj kanankama, wasis mana runayoj kanankama, chay campospis ch'in qhepakunankama;

1 Reyes 4:20

Judamanta Israelmantawan ashkha runaspuni karqanku, mar qochaj cantompi t'iya jina, mikhuspa ujyaspa kusikuspataj.

Génesis 18:25

Señor, tukuchinaykeqa mana allinchu kanman, mana juchayojta juchasapastawan khuska, iskayninkupis juchallatapuni ruwankuman jina. Ama chayta ruwaychu ari. Qan kanki kay mundontinta cheqanchaj, chayrayku, manachu cheqan kajtapuni ruwanayki tiyan?

Oseas 1:10

Uj p'unchaypeqa mar qochaj t'iyun jina mana yupay atina kanqanku israelitasqa, ni pi midiyta nitaj yupayta atenqachu. Diosqa manaña llajtaychu kankichej, ninasuykichejtaqa, qankunaqa kausaj Diospa wawasnin kankichej, nisonqachejñataj.

Isaías 46:3

Uyariwaychej Jacobpa miraynin, tukuy israelitasmanta puchojkuna ima. Manaraj naceshajtiykichej noqa qankunataqa apamorqaykichej. Mamaykichej wijsanmantapacha sumaj apaykachasqas karqankichej.

Isaías 48:19

Mirayniykipis t'iyu jina mana yupay atina kanman karqa. Qanmanta llojsejkunaqa t'iyu jinapuni kanman karqa. Noqaqa mana jayk'ajpis chinkachiykichejmanchu, manataj ñaupaqeymantapis wijch'uymanchu karqa.

Isaías 60:22

Aswan juch'uy kaj runaqa waranqata miranqa, aswan mana kasuy runapis uj jatun nacionman tukonqa. Noqa Señorman chaytaqa nini. Chay imasqa usqhayta junt'akonqapuni.

Isaías 65:8

Señorqa ajinata nin: Sichus mayqempis ujnin ramampi uvas chhullchuta tarin, nintaj: Ama kaytaqa usuchiychu, chayqa bendicisqa kashan, nispa. Ajinata kamachisniytaqa mana tukuynintachu chinkachisaj.

2 Reyes 19:31

Jerusalempi puchojkuna qhepakonqanku. Sión orqopitaj kausajkuna kanqankuraj. Kaytaqa Atiyniyoj Señorpa jatun munaynillan ajinata ruwanqa.

Isaías 37:31

Judá ayllumanta qhepakojkunaqa, sach'a jina sumajta saphichakonqanku, chaymantataj poqonqanku.

Isaías 59:20

Uj Salvador Sión llajtaman jamonqa, Jacobpa ayllunmanta Señorman kutirikojkunapaj, nispa nin Señorqa.

Jeremías 3:14

Señor nillantaj: Kutirimuychej mana kasukoj wawas, imaraykuchus noqa qankunaj Señorniykichej kani. Noqa jap'isaj sapa llajtamanta ujta, iskaytataj sapa ayllumanta. Sionmantaj kutichisqaykichej.

Jeremías 44:28

Pisislla wañuymanta puchojkunaqa kanqanku Egiptomanta, Judá ayllumanta kajkuna kutimpojkunaqa. Ajinaqa tukuy Judapi qhepakojkunaqa, jinataj Egiptoman tiyakoj ripojkunaqa ima palabraschus junt'akusqanta rikonqanku paykunajtachus, chayri noqajtachus.